--- บทประพันธ์เด้อพี่น้อง ---

[บ่าวโจ่โล่]

[MUSIC]jolo/Poem/Rights.mp3[/MUSIC]

ทดสอบโพสเสียงนำพี่น้องเอ๊ย ฉบับแก้ไข เล็กน้อย

จัดความคิดไส่กระดาษ วาดเป็นลายอักษรส่ง คอยบรรจงเขียนแต่งแต้ม แถมคำพ้องคล้องไส่กัน

ต่อเติมฝันให้เป็นชิ้น จินตนาการจารแต้มแต่ง ให้แสดงเป็นต้นเรื่อง สร้างฝันเผื่องเป็นเรื่องราว

ในบางเรื่องเจ็บปวดร้าว บางเรื่องราวเว้าหัวหม่วน บางเรื่องชวนคิดฮอดบ้าน เป็นการแต้มแต่งผญา

จินตนาเรื่องยาวสั้น นักประพันธ์สรรเขียนแต่ง บ้างแสดงชีวิตแท้ บ้างเสแสร้ง แต่งเติมเอา

คำขอบคุณจากหมู่เจ้า เฮ็ดให้เฮาหัวใจซื่น คำเว้าใดผู้เขียนลื่น บังอาจฝืนเว้าจาบจ้วง ขอปวงท่านซ่อยแนะนำ

หลายถ้อยคำขอโทษไว้ หรือคำใดที่ผิดพลาด บ่บังอาจไปกล่าวล่วง ขอปวงท่านซ่อยอภัย

หรือคำไดที่เขียนนั้น บทประพันธ์นั้นเขียนแต่ง ตัวอักษรที่แสดง คือตำแหน่งที่หลอกหล่อ ขอรสชาดให้เรื่องราว

อย่างมซาวไปหลงเพ้อ โตผมเด้อบ่มีแม่น แยกโตจริงแปน ๆ กับตัวแทนที่แต่งไว้ ขอจงไคร่พิจารณา

::)