แนวบ่มีอาจารย์สอน กะสิลักจำเอา เด้อครับ ขั่นตี๋ว่าบ่แมนแนว กะสิถือขันห้า ไปยอใส่หัว ดอกเด้อ อาจารย์ทั้งหลายเอ้ย......
จาก กลอนที่ว่า
เว้าพากษ์เกี้ยว คำก่ายกลอนสลับ
บ่อาจครรณานับ ก่วยกลายเกินอ้าง
สมมุติวางแวนไว้ ทางในบ่ใสส่อง
จาพอหยอกหนุ่งน้อง สะหองห่าวหย่าวความ แท้นา
วิเคราะห์หา คำคล้องจอง สัมผัสนอก สัมผัสใน เสียงพยางปิดบาท เบิ่งรูปตามแผนผังข้างล่างเด้อครับ
1 บทมี 4 บาท
1 บาทมี 10 พยางค์ ยกเว้นบาทแรกของบท อาจมีแปดกะได้
คำสัมผัสในบาท ได้แก่ การเล่นอักษรซ้ำ(เช่น กอดเกี้ยวแก้มกาย อุกอั่งเอ้า พวกนี้แฮ่งมีหลายแฮ่งเฮ็ดให้กลอนม่วน) หรือ การใช้สัมผัสเสียงกะได้
การเลือกเสียงพยางค์ปิดท้ายบาท
บาทแรกของบทควรลงเสียงสามัญ
บาทที่สองสามัญได้ ถ้าได้เสียง โท จะเพิ่มความไพเราะของบทได้หลาย
บาทที่สามสามัญหรือ โท กะได้
บาทที่สี่ เสียงสามัญเพื่อ เชื่อมโยงกับบาทแรกของบทต่อไป หรือ ลง เสียง โทเพื่อเป็นบาทปิดบทและปิดกลอนทั้งหมด
ผิดถืกประการได๋ รบกวนท่านผู้รู้ชี้แนะแหน่เด้อคร้าบบบบบบ
Bookmarks