ตูบต่อเล้า

[หนุ่มเมืองกาญจน์]

อันนี้ว่าสิลงมาหลายมื้อแล้วพอดี อ้ายบ่าวเซียงเพิ่นเอาเฮือนผู้นั่นผู้นี่มาลง กะเลยถือโอกาสนำเสนอ ตูบต่อเล้า หมายถึง บ้านหลังเล็กที่ต่อเติมมาจากยุ้งข้าว เช่นว่าอ้ายศรีย้อนว่ามันทุกมันยาก เฮือนซานบ้านซ่องบ่มี กะอาศัยอยู่ ตูบต่อเล้า นี่แหล่ะพี่น้อง

[คนตระการ...]

แต่เป็นเด็กน้อยกะเคยไปอยู่ครับ ตูบต่อเล้า ตอนม้างเฮือนหลังเก่าออกเลยไปอยู่ชั่วคราว ซามเฮ็ดเฮือนใหม่แล้ว

[khonsurin]

ทางนี้กะเคยอยู่ เฮือนต่อเล้า มาก่อนแล้วเด้อค่ะ

ก็ไม่แปลกน้อ :):):)

[เซียงเหมี่ยงเมืองสุรินทร์]

แม่น ๆ ครับ เซียงฯ กะเคยนอน ตูบต่อเล้าคือกัน ช่วงที่สร้างเฮือนหลังใหม่....

[ฅนภูไท]

ตูบต่อเล้า หมายถึงเฮือนที่ใช้อยู่อาศัยที่ต่อออกมาจากเล้าข้าว ส่วนหลายสิอาศัยอยู่ชั่วคราวหรือเป้นที่เก้บข้าวของเครื่องใช้ ใช้วัสดุง่ายๆในการสร้าง เช่น ฝาแอ้มด้วยใบตองกุง พื้นกะใช้ไม้ไผ่ตีแผ่ออกมาให้แบนๆ หลังคามุงด้วยหญ้าคา สาเหตุที่มาอาสัยเฮือนต่อเล้ากะมี สร้างเฮือนใหม่ หรือออกเฮือนใหม่ ฐานะยากจน หรือคนในเฮือนติดการพนันติดยาเสพติดจนได้ขายเฮือนขายชาน

[บ่าวทิพย์คนอำนาจเจริญ]

เคยอยู่ยุครับ ตอนแม่กับพ่อ ย้ายออกจากเฮือนใหญ่(เฮือนแม่ใหญ่) ช่วงสิสร้างเฮือนหลังใหม่ ตอนนั้นต่อเล้าแม่ใหญ่ครับ 4 คน พ่อ แม่ ลูก 2 คน กะอยู่ได้ครับ
ทุกข์บ่มีเสื้อผ้า มีเฮือนซานพอลี้อยู่ ทุกข์บ่มีเข่าอยู่ท้องสินอนลี้อยู่จั่งได๋คำๆนี้แม่บักคูนจ่มให้พ่อบักคูนฟัง ยังจำได้ติดหูยุครับ มักคักลูกอิสาน ของพ่อใหญ่คำพูน

[เขมราฐ]

น้องเขมบ่เคยอยู่ค่ะ อยู่แต่เถียงนา แต่กะเคยเห็นอยู่ค่ะ :):)

[บักหล่าลูกกก]

หล่าลูกกก เกิดอยู่กับตูบเลยครับ สายแฮ่ ฝังไว้ท่ายสวน ไกล้ ๆ ตูบนั่นล่ะ คึดฮอดเด้