สงกรานต์ที่บ้านน้องเขมจ๊ะ

[เขมราฐ]

วันที่ 12 เมษายน ที่ผ่านมาบ้านน้องเขมจัดงานบวชค่ะ พอดีหลานซายติดทหารเลยให้บวช
ก่อนจั่งไป ถวายกองบุญแล้วกะเลยรดน้ำขอพรผู้เฒ่า น้องเขมเอาบรรยากาศมาฝากค่ะ



อั่นนี้บ่แม่นกิจกรรมส่วนรวมของหมู่บ้านแต่อย่างใดเด้อค่ะ ที่เห็น ๆ อยู่เป็นเครือญาติ
ของน้องเขมทั้งหมดเลยค่ะ ทั้งพ่อใหญ่แม่ใหญ่ที่นั่งอยู่ และผู้หนุ่มที่กำลังรดน้ำ
ญาติหลายคักค่ะ ::)::)



เฒ่าพ่อน้องเขมค่ะ กำลังรดน้ำพ่อใหญ่ลี (น้องชายหล่าแม่ใหญ่น้องเขม)




น้องเขมกะเตรียมรดน้ำขอพรผู้เฒ่านำเพิ่นนำค่ะ ::):g


ขอพรนำเพิ่นก่อนค่ะ ส่วนมากเพิ่นบอกว่าปีหน้าอย่ามาบ้านผู้เดียว



ญาติสนิท (บางส่วน) แถวยืน ที่ 3 จากขวาคือเฒ่าแม่น้องเขมค่ะ ส่วนคนที่นั่งอยู่ข้าง
แม่ย่าน้องเขมค่ะ :):)



รดน้ำขอพรแล้วครอบครัวนี้ต้องเดินทางต่อไปชัยภูมิค่ะ เลยมาลาแม่ใหญ่ก่อนค่ะ
แม่ใหญ่กะน้ำตาย้อยเห็นหลานมาลา ตามประสาผู้เฒ่าทั่วไป::)::)



เตรียมโตออกเดินทาง แม่ใหญ่เห็นหลานขึ้นรถกะแอบเซ็ดน้ำตาอยู่ในบ้าน::)



ปิดท้ายค่ะ หลานสาว (บางส่วน) ของแม่ใหญ่ถ่อนค่ะ พ่อแม่เลี้ยงดีค่ะ เลยมีแต่ผู้ปุ่ยลุ่ย ๆ ::)::)

[คนตระการ...]

เป็นตามว่นอยู่ตั๊วล่ะ..ภาพเกือบสุดท้ายเด่นกว่าหมู่เลยเนาะเพิ่น เกือบบังคนทางหลังเบิด..555

[หล่อร้อยเมตร]

น้องหลินเอ๊ยย บัดเทื่ออ้ายถ่ายรูปให้มื่อวาน สั่งให้ถ่ายให้จ่อยย บัดรูปจากกล้องจะของบังผุอื่นเบิ๊ดน้อเผิ่นกะดาย

[ปึกกะหลืน]

เหอ เหอ อยากเป็นหลานเขยเด้เน๊าะ...อุอุ

[หนุ่มเหงาคนไกลบ้าน]

เห็ฌนบรรยากาศแล้วอบอุ่นดีน้องเขมจั่งซี่ละผู้เฒ่าเหนลูกเห็นหลานมายามเผิ่นกะดีใจปลื้มใจจนน้ำตาไหลพี่น้องมาตุ้มมาโฮมกันเว่ามาละคิดฮอดบ้านเนาะ

[สาวส่าเมืองอุดร]

ดีใจนำน้องเขมน้อจ้า พร้อมหน้า มีแต่คนตาฮักน้อนางแบบภาพสุดท้าย อวบอั้นดี แบบนี้ตากอดอุ่นแท้น้อ::)::)

[แหลวแดง]

ป้าด น้องเขมคือมีญาติผู้ใหญ่หลายแท้ แสดงว่าเป็นตระกูลใหญ่ในหมู่บ้านเลยเนาะจ้า เห็นภาพแล้วกะคิดฮอดบ้านคือกัน อ้ายกะเกณฑ์ซุมผู้เฒ่าอยู่บ้านมารดน้ำทุกปีคือกันจ้า อิอิ

[ผู้ก่อการรัก]

บรรยากาศน่าอบอุ่นเนาะ เอื้อยอยู่บ้านรดน้ำกับคุณแม่ 2 คน คนอื่นๆ เค้าหนีไปเที่ยวเบิ้ดเลยย

[บ่าวหนองคาย]

บรรยากาศอบอุ่นดีัคับ :g

[sekthisak]

อบอุ่นดีแท้น้อ เสียดายบ่ได้เมือนี่ตี้ เห็นแล้วคึดฮอดบรรยากาศแต่เก่าก่อน คือทุกปีที่ผ่านมาเน๊าะ