ก้อยกะปอม

[คนเมืองแปะ]

ขั่นแรกกะจัดการลอกหนังกะปอมออก เอาเครื่องในถิ่ม นำมาย่างไปอ่อนๆให้กะปอมสุกเหลือง



ทำการสับให้เป็นชิ้นน้อยๆ



อั่นนี้เป็นบักม่วงส้มเด้อพี่น้อง เอามาก้อยใส่กะปอมเพื่อให้มีรสซาติออกเปรี้ยวๆเนาะ



นำเอากะปอมที่สับเป็นชิ้นๆมาตำในครกให้ละเอียด



นำบักม่วงลงตำในครกที่ตำกะปอม ตำให้เข้ากัน



ใส่เครื่องปรุงลงไป พริงป่น ข้าวขั่ว น้ำปลา ผงชูรส น้ำปลาแดก



ใส่ผักใบเป ผักใบมน หัวหอม ต้นหอม ซอยลงไป ตำให้เข้ากัน



พอเสร็จแล้วกะสิเป็นหน้าตาแบบนี้ละ เพิ่มความเผ็ดด้วยบักพริกหน่วย เชิญแซบเด้อบาดนิ อิอิอิ

[sompoi]

อ่านเพิ่นบรรยายวิธีเฮ็ดแล่วกะ..อยากลองชิมนำอยู่ดอกน้องทีเอ้ย(ว่าแต่บ่แม่นของดิบ) ..หือแม่นสิฮอดเคยกินแล้วพุ่นล่ะ..จักจื่อบ่ได่ละ..เหอๆๆ..

[เมษา]

เคยกินแต่ปิ้งแหม ตอนน่อยๆกะวาแซ่บอยู่ดอก พอใหญ่มายังบ่ได้ลองอีกเลย

[บ่าวนาตาลเขย่าโลก]

แบ่งมาทางนิแหน่เด้อขอแบบปิ้งกระปอมบ่มีบอ...อิอิ

[nuzing]

อั่นหล่า....เคยเอาหม่องหางมันมาฮูดซานดังบ่ ::)โอ๊ยๆๆๆๆๆยายกะฮ่องท่วมถ่งเลยบักแหล่มันตั๋วให้ดม ::)กะปอมคอแดง/กระปอมก่าจั่งแซบ ส่อยเข่มันออกดีๆเด้อหละ สิหอมห่วยๆๆซั่นดอก

[บ่าวนาตาลเขย่าโลก]

ฮูดซานนิแปลวาจั่งได๋น้อครับยาย มาอธิบายหัยผมแหน่เด้อครับ

[ขอโทษที่คิดถึง...เด็กดื้อ]

ป๊าดดดดดดดดดดด เป็นตาแซบแท้น้อให้กินนำแนะเด้อจ้า อิอิอิ

[รินเมืองร้อยเกิน]

คือเฮ็ดเป็นตาแซ่บแท่อ้ายแปะ ขอกินนำแน่เด้อครับ

[ฅนภูไท]

แบบนี้เขาเอิ้นป่นกะปอมแล้วครับ บ่แม่นก้อยเด้อ เหอๆ เป็นอีกเมนูที่ฅนภูไทอยากกินมากที่สุดเพราะบ่ได้กินมาโดนคัก บ่าวธีร์กินเผื่แหน่เด้อ

[ขอบฟ้า]

ป้าดดดดดดดดดเมนูอาหารป่าแหม่จ้า ก้อยกะปอม อยากกินนำเด้จ้า เฮ็ดเป็นตาแช่บบบ
น้อจ้า ขอจ้ำนำจักคำแนจ้า อิอิอิ :g :g :g ::) ::) ::)