ต้มส้มปลาค้อใหญ่ใส่มดแดง

[khonsurin]

ต้มส้มปลาค้อใหญ่ใส่มดแดง



เมนูมื้อนี้ซือวา "ต้มส้มปลาค้อใหญ่ใส่มดแดง"


วัตถุดิบ

1. ปลาค้อใหญ่ จัก 2 โตกะพอแล้ว เดี๋ยวสิกินบ่เหมิด คัวเกล็ด หั่นให้เรียบร้อย




2. มดแดง กระประมาณบ่ถืก ตอนจับมาบ่สามารถตวงได้ มันไต่หนีหมด
เป็นอันวาประมาณ กำมือใหญ่ๆนึงพู้นหล่ะ ฟ้าวกำฟ้าววางเด้อ เดี๋ยวมันกัดเอา





วิธีการ
เอามดแดงง่ายๆ คือเอากระสอบปุ๋ยไปล้อมรังมดแดง
แล้วสั่นกิ่งไม้นั้นให้มดแดงตกมาใส่ถุงปุ๋ย จ้า หากแต่ละรังมีไข่หลายกะเอา
ประมาณ 2-3 รัง ก็พอเด้อ มันสิส้มเด๊ะละ


3. หัวสิงไค หรือ ตะไคร้ ทุบหัวแล้วหั่นเป็นท่อนๆ

4. หอมเป หรือ ผักหอมหนาม หรือ ผักชีฝรั่ง มีส่วนให้กลิ่นคาวครับ

5. ใบบักหูด (ใบมะกรูด)

6. ข่า


เครื่องปรุง
1. ปลาแดก น้ำปลา เกลือ
2. พริกแห้ง
3. หอมแดงหั่น
4. ผงชูรส ไผบ่กินกะบ่ต้องใส่


วิธีการปรุง
1. ตั้งหม้อ ตำบักพริกกับเกลือ ใส่ข่า หัวสิงไคที่หั่นเป็นท่อนๆ
หอมแดงหั่น ต้มน้ำให้เดือด
2. ใส่น้ำปลาแดกลงไปตามที่คิดว่ามันบ่เค็ม
3. พอน้ำเดือด ฟดบั๊วๆๆๆ เฮากะเอาเอาปลาค้อที่เฮาหั่นไว้ใส่ลงไปในหม้อ
(วาตะใส่ตอนที่น้ำบ่เดือด ปลามันสิคาวนั่นหนา)
4. ถ่าจักคราวพอปลาเริ่มสุก ตักฟองออก เพื่อให้น้ำใส ใส่มดแดง
ที่เตรียมไว้ลงไป
5. ใส่หอมเป ให้หอม
6. ปรุงรส ตามใจชอบ
7. ยกออกจากเตา สิเห็นมดแดงลอบละล่อง พร้อมรับประทาน

ในฐานะเป็นคนทำก็ขอตักก่อนเด้อจ้า สิจองปลาค้อตัวใหญ่เอาดอกจ้า
และมื้อนี้ก็บ่แมนปอบเด้อ แต่ทำไปน้ำลายไหลไป ไปละครับผม (มือนี้แปลงเพศจักหน่อย)
...อิอิ

[แหลวแดง]

ยามไปฮื้อน้ำส่างยามแล้งเนาะคับ ปลาสิมาข่อนอยู่ในหั่นหละ กะต้มใส่มดแดงนี้หละ กินข้าวป่าปรากฏว่าแซบหลาย

[พล พระยาแล]

โอ้ ฆ่าปลาข่อบ่พอ ยังฆ่ามดแดงนำน้อ โอ้ จงไปสู่สุขคติเถิด อย่าได้มีเวรแก่กันละกันเลย ทั้งปลาข่อและมดแดง

ไสล่ะ เอามาซิมเบิ่งก่อนน๊า มันแซบบ่ อิ อิ เอิ๊ก ๆ ๆ ๆ ๆ

::)::)

[เซียนเมา]

โอ้ ฆ่าปลาข่อบ่พอ ยังฆ่ามดแดงนำน้อ โอ้ จงไปสู่สุขคติเถิด อย่าได้มีเวรแก่กันละกันเลย ทั้งปลาข่อและมดแดง

ไสล่ะ เอามาซิมเบิ่งก่อนน๊า มันแซบบ่ อิ อิ เอิ๊ก ๆ ๆ ๆ ๆ

::)::)

ให่ชีมนำแหน่คับ ผุข้าบ่กล้าเฮ็ดเองปลาตายแล้วใคแหน่ยุ

[กำพร้าผีน้อย]

มดแดงต้องแบบมีไขนำเนาะ ซดน้ำฮ้อนๆ โล่งคอดีปานหยัง ไข้หวัด 2009
บ่กล้ามาใกล้ เจอฮ้อนๆแบบนี่...

[คนตระการ...]

ยามไปฮื้อน้ำส่างยามแล้งเนาะคับ ปลาสิมาข่อนอยู่ในหั่นหละ กะต้มใส่มดแดงนี้หละ กินข้าวป่าปรากฏว่าแซบหลาย

แม่นอยู่ครับ..ถ้ามีภาพประกอบนำกะดี แบบเฮ็ดกันสดๆเลย บ่อว่าสิเป็นอยู่นา หรือว่าอยู่บ้าน ขั้นตอนการเฮ็ด มีรูปผัก.ถ้ายแจ่ว รูปกำลังค้างหม้อ เบิ่งแล้วจั่งแม่นได้บรรยากาศคักเด้อ ::)

[sompoi]

เห็นแต่ซื่อเมนูอาหารกะฟ้าวแล่นเข้ามาเบิ่งแม๋ะ..(ปลา(ช่อน)ค่อนิเมนูโปรด) ดีอยู่บ่มีรูปประกอบนำ..คั่นซั่นคือสิอยู่ยากกว่านี่อยู่ดอก..ฮ่าๆๆๆ..

ปล.หลวงพ่อข้างเทิ้งนิ มะเก้กคือแท่ะหือ..

[ผู้ก่อการรัก]

แม็กกี้เคยไปกินอยู่อุบล มีมดแดงลอยอยู่ 2 - 3 ตัว แม็กกี้ก็ว่าอุ๊ยมดตกไปในชามแกง เอิ๊กๆ ขายขี้หน้าเค้าจัง ::)

[บ่าวนาตาลเขย่าโลก]

ทางนิขอไข่มดแดงอย่างเดียวเด้อขอมักเดียวของผมไข่มดแดง..ลาบไข่มดแดงกับก้อยกุ้ง...กิกิ









บ้านมหาสู้ๆ

[หนุ่มเหงาคนไกลบ้าน]

จองหัวกับใส้เด้อครับผู้ใด๋อย่ามายาดกินเด้อแนวมักอิอิซดน้ำฮ้อนมีแฮงท้องเด่เนาะครับ