Banana Muffins

[ติ๋ม เปอร์โย]

วันหยุด แต่บ่ได้ไปเที่ยวทางใด๋ดอกพี่น้อง...เป็นไข้นำหละ เลยมีแต่นอน..ลุกมากะเฝ้าเนต เฮ็ดเค้กดีกว่า พะนะ

พ้อกล้วยสุกเกือบเน่า บ่มีไผกิน หละคึดเสียดาย กะเลยเอามาเฮ็ดเค้กกล้วย...
ส่วนผสม:เนยสดชนิดเค็ม50กรัม ใส่หม้อตั้งไฟให้ละลาย พักไว้
กล้วยบด2ลูก แต่ติ๋มมี3ลูก ใส่เบิดหนี่หละ...
น้ำตาล 1 ถ้วยกาแฟ ลดลงแหน่จักหน่อย ใส่กล้วยไปตั้ง3ลูก หวานแล้ว
ไข่ไก่ 1ฟองใหญ่
ผงฟู 1ช้อนชา
ผงวนิลา 1ช้อนชา
ผงRuokasooda1/2 ช้อชา (ผงอิหยังบุ เมืองไทยแหม๋)
แป้ง 2ถ้วยกาแฟ
นมชนิดจืด 4ช้อนโต๊ะ(ในสูตรเขาใส่วิปปิ้งครีมจ้า)

เปิดไฟเตาอบไว้ที่180องศาC ตวงแป้ง+ผงฟู+วนิลา+Ruokasoodaใส่ถ้วยไว้ กล้วยบดไว้
เอาน้ำตาลใส่อ่างผสม ใส่ไข่ไก่ ปั่นจนเป็นครีมใส่เนยละลายปั่นต่อ ใส่แป้งปั่นไฟต่ำๆ
แล้วใส่นม+กล้วย ปั่นต่อพอเข้ากัน ตักใส่ถ้วยMuffins ประมาณนี่หละ ได้12ถ้วยพอดี

นำเข้าเตาอบชั้นกลาง ใช้เวลา25นาทีกะสุกเหลืองแล้วจ้า...แต่ในสูตรใช้เวลาอบ35นาที
ลองเบิ่งเด้อจ้าพี่น้อง เป็นวิธีกำจัดกล้วยสุก เกือบเน่า...เด็กน้อยมักกินขนาด...

[ผู้ก่อการรัก]

เอื้อยกะมักขนาด ติ๋มจ๋า ขอ Banana Muffin จักถ้วยแน

อยากกินมั่กๆ ตอนนี้ยังหาร้านอร่อยๆ ไม่ได้เลย ที่อร่อยสุดตอนนี้คือ ใน Starbucks อ่ะ

แล้วก็ต้องสั่งเพื่อนส่งมาจากโคราช อันนั้นหอม อร่อย

น้ำมันที่ทาถ้วยใช้คาโนล่า ออยล์ นะ จะหอมมากๆ

[สาวทองแพง]

เป็นตาแซบแฮงจ้า แพงมักกินยามเช้ากับนมก่อนออกไปทำงาน
ขอบคุณจ้าสำหรับสูตรจะได้ลงเฮ็ดไว้กินเอง

[nuzing]

"ขนมนางสาวแต๋น" สิขายออกบ่น้อคนหล่อบาดนิหมู่คะเจ้าสิแหล่นใส่ขมนเค้กไทเดนมาร์ก ::)

[khonsurin]

เอามาสักถ้วยเด้อจ้า เหมือนเค๊กกล้วยหอมเลยนะคะ แต่สีสันสุดยอดกว่า

โอ้ยนั่งเทศก์กินเอาแหล่ว ซะมาล่อน้ำลายดีแท้น้อ

[สาวส่าเมืองอุดร]

ชิมนำแม่ดองอีกก่อน สิลองเฮ้ดเด้อจ้า เดียวสิเอาการบ้านมาส่ง ลองเฮ้ดลอดช่องสิงคโปร บ่ผ่านดอก มันแข็งแม่ดองจ้า ต้มแล้วมันคือบ่นุ่มบุ จอยใช้แป้งข้าวจ้าวแมะ ฮ่าๆๆๆๆๆ สงสัยสิผิดสูตร :g::):g

[pui.lab]

มักกินจ้า ปุ้ยก็ชอบเฮ็ดมัฟฟิ่นกล้วยหอม ตั้งแต่ได้งานทำบ่เฮ็ดอีกแล่ว ค้านจัด

[sompoi]

เว่ากะเว่าถ่อนนางเอ้ย..เอื้อยบ่เคยเฮ็ดกินจ้ากเทื่ออันของแนวนิ..เฮ็ดบ่เป็นบ่รู้จักอิหยังเป็นหยังซํา..ซื้อแต่เขากินเอาโลด เห็นน้องเฮ็ดได่ออกมาจั่งสิ ได่แต่มานั่งทึ่งอยู่หน่าจอ..ขะเจ้าคือเฮ็ดเป๊นน..พะนะ..ฮ่าๆๆ..คั่นแม่น ขนมเลียนเม็ด คือเอื้อยเด็กน้อยเอามาตากแดด แล่วทอดพอสิคืออยู่ดอก..ฮ่าๆๆ..
ปล..มะเฮ็ดหลายแท่ะหล่า กินเหมิดอยู่ติสองคน..ระวังเด้อ...เหอๆๆ..ฟิตเนทเป็นตาหน่ายละเพิ่น..คริๆๆ..

[หนุ่มเหงาคนไกลบ้าน]

เห็นแล้วกะออนซอนเด่เนาะอยากทำขนมเป็นหล้ายหลายพอซิใด่ทำกินเบิ่งมีกะซื้อคะเจ่าแซบๆๆสุดยอดเลยเนาะ

[ติ๋ม เปอร์โย]

แม่นอยู่จ้าพี่แม็ก...มีอีกสูตรหนึ่ง แซบ หอม มันดีกว่านี่...หาผู้กินซ่อยได้ก่อน สิเฮ็ดให้เบิ่งจ้า
เป็นสูตรที่ใช้น้ำมันพืช+ไข่4ฟองพุ้นใด๋...อันนี่เป็นสูตรง่ายสุดส่วนผสมบ่หลาย แต่นุ่ม หอม แซบสู้สูตรไข่4ฟองบ่ได้ อิอิ
มาแพง+เจีปุ้ย+อ้ายเหงา+ยายมากินซ่อยแหน่จ้า...ยายๆข้าวแต่นนะหนูเฮ็ดแล้วจ้า...เทิงทอด เทิงโทรถามสูตร 555++
อิอิ พี่มิก...แนวพาอ้วนนี่แซ๊บ แซบใด๋พี่...มากินซ่อยแหน่...2มื้อแล้วยังบ่เบิดอยู่...เบิดมื้อแลงหนี่หละ...

แม่ดองจอย ลอดช่องสิงคโปรบ้อ...ใช้แป้งมันสำปะหลังเป็นหลักจ้า นวดน้ำร้อน(ใส่น้ำทีละหน่อย)
พอนวดได้นุ่มแล้ว อยากใส่สีกะใส่ บ่อยากใส่กะตัด หรือกดเป็นโตเอาไปต้ม พอสุกจะได้โตขนมเป็นใสๆนุ่มๆ
คั่นอยากให้โตขนมบ่ใสกะใส่แป้งข้าวจ้าวตอนนวดจักช้อน-2ช้อนกะพอจ้า...ขอให้ม่วนๆต่อไปจ้า...

การบ้านอ้ายหล่อจ้ายาย...ซื้องามาอย่างดี ตอนนึ่งข้าวหางากะบ่เห็น ตากข้าวจนแห้งจังเห็นงา เทือหน้าจังใส่
โพดสาแม่นเฮ็ดยาก...ข้าวนึ่งสุกใหม่ กดเป็นแผ่นกะฮ้อนมือ มือโพงเบิด เลยมาแชทถ่าให้ข้าวอุ่น...
พอข้าวอุ่นกดบ่เป็นแผ่นจ้อย...เอาข้าวไปนึ่งอีก...ฮ้อนบาดนี่เหนียวเลย ติดมือปานหยัง ความพยายามข่อยได้ทอนี่หละอ้ายหล่อ::)