ต้มไก่ใส่ใบมะขามอ่อน
เมนูนี้ไทบ้านมหาเฮาคือสิคุ้นเคยกันอยุ่น้อ เพราะเป็นเมนูหลักที่เอาไว้ต้อนรับแขกไปไทยมา ส่วนการปรุงกะแตกต่างกันแล้วแต่พื้นที่ แล้วแต่สูตร มาเบิ่งกันดีกว่าว่าต้มไก่ใส่ใบบักขามอ่อนของฅนภูไทสิเป็นแบบได๋
มื้อฅนภูไทใช้ไก่แม่ไข่ต้ม
จัดการสับให้เป็นต่อนๆ ตามแต่ถนัด
ทีนี้เฮากะมาต้มกันเลย เอาน้ำใส่หม้อขึ้นค้างไฟ ใส่ข่า ตะไคร้ ใบมะกรูดลงไป
พอน้ำเดือดกะใส่ไก่ลงไป ใส่เกลือลงไปนำเด้อ
พอน้ำเดือดอีกทีกะใส่ใบมะขามอ่อนลงไป
ปรุงรสอีกทีด้วยน้ำปลา เคล็ดลับ เพื่อความนัว ให้ใส่น้ำปลาแดกนำจักสองช้อนเด้อ อย่าใส่หลาย แล้วกะใส่ต้นหอมผักชีแล้วยกหม้อลง
ตักใส่ถ้วยเสริฟพร้อมแจ่วบักพริก ข้าวเหนียว
มาๆมากินนำกันพี่น้อง
Bookmarks