...สงกรานต์ไปสรงน้ำพระเด้อจ๊ะ..........

[เขมราฐ]

เมือบ้านน้องเขมได้ไปสรงน้ำพระ มื่อเดียวค่ะเลยเอาบุญมาฝากพี่น้องนำค่ะ



น้ำฝนตกใหม่ ๆ เตรียมเอาไปสรงน้ำพระค่ะ



ว่านหอมทุบห่อผ้าแล้วจั่งบีบใส่น้ำค่ะ สิได้กลิ่นหอมเย็น ๆ เฒ่าแม่น้องเขมว่าให้บีบใส่
แบบนี้ค่ะ ถ้าฝานว่านหอมใส่ย่านเศษว่านหอมไปติดองค์พระเฮาสิบาป..



ได้น้ำหอมแล้ว กะเก็บดอกไม้ไปบูชาพระนำค่ะ ดอกพุทธอยู่ข้างฮั้วนั่นล่ะค่ะ



น้ำหอมพร้อมแล้วค่ะ ไปสรงน้ำพระนำกันค่ะ...



เข้าวัดกะออกฮ้อนหน่อยหนึ่งค่ะ ::)



เพิ่นเอาพระลงมา 3 มื่อแล้วน้องเขมได้มาสรงน้ำนำเพิ่นมื่อสุดท้ายค่ะ มีพี่น้องเพิ่น
มาสรงนำค่ะ หลอมแหลม



สรงน้ำพระนอกกำแพงสิมแล้วกะมาสรงอัฐิหลวงปู่แสงค่ะ เจ้าอาวาสรูปแรกของวัดสระบัว



สรงน้ำธาตุบรรจุอัฐิของพระปทุมสรกิจ หรือหลวงปู่พิมพ์ เจ้าอาวาสวัดสระบัวรูปที่ 2 ค่ะ



สรงน้ำพระแล้วกะสรงน้ำอัฐินายฮ้อยมา กับ แม่ใหญ่เปี่ยงค่ะ ปีกลายได้ตักน้ำให้อาบ
ปีนี้ได้สรงเพิ่นอยู่กำแพงสิม ส่วนแม่ใหญ่เปี่ยงสรงอัฐิเพิ่นมา 2 ปีแล้วค่ะ



ปิดท้ายสิมวัดสระบัวค่ะ...สร้างจากน้ำพักน้ำแรง และร่วมใจ ของชาวบ้านหนองผือค่ะ

[คนตระการ...]

วัดบ้านเพิ่นกะงามๆเนาะ..ระหว่างทางไปสรงน้ำพระมีคนสาดน้ำบ่อล่ะ..ถ้าบ่อมีคนสาดกะอาบเอาเองเด้อหล่า 55555///

..กะทู้นี่ไส่ tags นำแสดงว่าเฮ็ดเป็นอยู่ตั๊วนี่ ::)กะทู้อื่นบ่อตั้งใจซื่อๆ

[หมูหวาน]

น้องเขมค่ะ ซ่อย อธิบายคำว่า สิมวัดสระบัวปิดท้ายสิมวัดสระบัวค่ะ ให้แน่ค่ะ งง ค่ะ ขออภัยหลายๆนะค่ะ บ่เคยได้ยินอีหลีค่ะ ภาษาทางอุบล บ่ะค่ะ หรือจังใด่ รอคำตอบอยู่เด้อค่ะ

[คนตระการ...]

อ้างถึง . ซ่อย อธิบายคำว่า สิมวัดสระบัวปิดท้ายสิมวัดสระบัวค่ะ ให้แน่ค่ะ


มาตอบแทนก่อนดอก..สิมกะคือ..โบสถ์ เด้อน้องหมู ทางอุบลผู้เฒ่าเพิ่นเอิ้นแบบนั่น.เจ้าของกะทู้กะไกล้แล้วล่ะจั่งได้เอิ้น สิม 5555

[หมูหวาน]

อ้างถึง . ซ่อย อธิบายคำว่า สิมวัดสระบัวปิดท้ายสิมวัดสระบัวค่ะ ให้แน่ค่ะ


มาตอบแทนก่อนดอก..สิมกะคือ..โบสถ์ เด้อน้องหมู ทางอุบลผู้เฒ่าเพิ่นเอิ้นแบบนั่น.เจ้าของกะทู้กะไกล้แล้วล่ะจั่งได้เอิ้น สิม 5555

แท๊งงงงงงกิ้ว ค๊า อ้ายตระการ ตอบได้เข้าใจ เนาะค่ะ สงสัย คนตอบกะ...ทางอุบลผู้เฒ่าเพิ่นเอิ้นแบบนั่น. ตั๋วเนาะค่ะ ฮ่าๆๆๆๆๆๆๆๆๆ ::)::)::)

[พล พระยาแล]

สิม ตั้งแต่เด็กน้อย ๆ พุ่น กะคือโบสถ์น้อยนั่นล่ะครับ แต่บ้านผมสิมสิอยู่ในหนองน้ำ และกะมีสะพานข้ามไปหา เพิ่นเอิ้นสิม ๆ ๆ ๆ

ส่วนหลายคนเถ่าคนแก่เพิ่นเอิ้นดอกหวา สมัยนี้ถ้าบ่เถ่ากะบ่เอิ้นคือว่าล่ะ เอิ๊ก ๆ ๆ ๆ

มิน่าล่ะ น้องเขม พวงแก้มอิ่มเอิบ และกะตาฮักนำ เพราะว่าเพิ่นมีจิตใจงดงามนี่ล่ะ เป็นตาไปสรงน้ำพระนำนิน้อ

[สาวส่าเมืองอุดร]

ชุ่มเย็นดีเนาะ น้องเขม พี่จอยกะสิไปเพิ่นบุญนำน้องเขมนี้หล่ะเด้อ งนี้บ่มียังดอกจ้า มีคนไทยกะ3แม่ลุกนี้หล่ะ 55555 :g:g

[ทิดแหล่]

อิ่มบุญกับน้องเขม..หลายขอรับ
คนสวย จิตใจงาม ขอจองเป็นลูกใภ้ เด้อ...

คำว่า สิม ทางบ้านผมกะคืออ้ายพลอั่นหล่ะ กะคือว่า เป็นศาลาน้อยๆ ตั้งอยู่ในหนองกลางบ้านหรือหนองในวัด มีสะพานข้ามไป (เป็นที่ งอย เล่นน้ำอย่างดี ) พระสงฆ์เพิ่นสิลงไปลงอุโบสถในวันศีล...