หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 18

หัวข้อ: ...มาคั้นส้มผักเสี้ยนกันจ้า...

  1. #1
    เจ้าหน้าที่ประชาสัมพันธ์ สัญลักษณ์ของ ใบไม้สีชมพู
    วันที่สมัคร
    Jun 2006
    กระทู้
    2,112

    ...มาคั้นส้มผักเสี้ยนกันจ้า...



    ...มาคั้นส้มผักเสี้ยนกันจ้า...

    กลับบ้านไปหนึ่งอาทิตย์ มีเวลาซอยอีแม่ฮดน้ำพริกกับข้าวโพดทุกแลงเลยค่ะ พอดินซุม ผักเสี้ยนกับผักหมกะเกิดเต็มสวนเลยค่ะ เขียวๆอ่อนๆเป็นตาแซบอีหลีค่ะ มื่อแรกกะเก็บผักหมมาลวกกินกับป่นปลาดุก มื่อหลังเห็นผักเสี้ยนหลายคัก อีแม่เลามักกินส้มผักเสี้ยนกะเลยเก็บมาให้เลาเฮ็ดส้มผักจ้า ใบไม้เฮ็ดบ่เป็นดอกจ้า ซอมเบิ่งซือๆ แม่เลาเฮ็ดส้มผักเก่งแท้ล่ะ ไทบ้านได้ผักแป้น ผักเสี้ยน ผักกุ่มกะสิเอามาให้เลาเฮ็ดให้ บ่ฮู้ว่าเพิ่นย่องกินย่อนว่าเพิ่นขี้คร้านก็บ่ฮู้คือกันค่ะ อิอิ มาเบิ่งเลยค่ะ ว่าส้มผักสูตรนี้เฮ็ดจั่งได๋

    1. เก็บผักเสี้ยนมา ก็เอามาล้างให้สะอาดก่อนค่ะ ล้างบ่ล่อน มันสิหย๊าปานกินทรายพู้นเด๊จ้า

    ...มาคั้นส้มผักเสี้ยนกันจ้า...

    2. ล้างดีแล้วก็เอาเกลือโรยค่ะ ใส่พอดีอย่าสิให้เค็มหรือจืดไปค่ะ

    ...มาคั้นส้มผักเสี้ยนกันจ้า...

    3. ใส่เกลือแล้วกะลงมือคั่นได้เลยค่ะ ขยำๆ กินขี้มือแม่เจ้าของ บ่เป็นหยัง อิอิ

    ...มาคั้นส้มผักเสี้ยนกันจ้า...

    4. คั้นไปได้สักคราวก็สิได้น้ำผักเขียวๆแหล่ๆ มีกลิ่นฉุน กะปั้นเอาแต่ผักเสี้ยน เทน้ำเขียวๆนั้นทิ่มไปจ้า บ่ต้องเสียดาย ดมเบิ่งแล่ว ฉิวขนาดค่ะ

    ...มาคั้นส้มผักเสี้ยนกันจ้า...

    ปั้นให้ดีเด้อล่ะจ้า อย่าให้น้ำผักเสี้ยนติดมาหลาย มันสิบ่แซบ

    ...มาคั้นส้มผักเสี้ยนกันจ้า...

    5. คั้นเสร็จแล้วก็เอามาใส่หม้อ เทน้ำข้าวหม่าลงไป สูตรของแม่เลาใช้น้ำหม่าข้าวเหนียวค่ะ บ่ใช้น้ำซาวข้าวจ้าว เลาว่าสิได้รสชาติดีกว่าแล้วก็ส้มเร็วกว่า

    ...มาคั้นส้มผักเสี้ยนกันจ้า...

    6. เทน้ำลงใส่แล้วก็ชิมรสอีกเทือค่ะ ถ้าพอเหลือแล้วก็ทิ่มไว้จักมื่อสองมื่อกะกินได้ ถ้าบ่พอกะเติมเกลืออีก ใบไม้กะได้ชิมอยู่ค่ะส้มผักหม้อนี่ แซบอีกหลีค่ะ ได้กินนิดเดียว คนอื่นกินหมดก่อนซ่ำ เป็นตาหน่ายหลาย

    ...มาคั้นส้มผักเสี้ยนกันจ้า...

    มื่อหลังมา เอื้อยเพิ่นก็เอาผักแป้นมาให้อีแม่คั้นส้มอีก แต่ว่าใบไม้บ่ได้ถ่ายรูปมาค่ะ ย่อนว่ามัวแต่สาดน้ำผู้บ่าวอยู่เลยกลับมาบ่ทันตอนเฮ็ดค่ะ




  2. #2
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946

    Re: ...มาคั้นส้มผักเสี้ยนกันจ้า...

    :g:g แซ่บคักค่ะ กินกับหมากพริกดิบ เข้าท่าเน๊อะค่ะ แต่น้องเขมได้แต่ซื้อกินค่ะ เฮ็ดยามได๋กลายเป็นผักเสี้ยนบูดสู่เทื่อเลย ขี้ร้ายหลาย ::)

  3. #3
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    1,912

    Re: ...มาคั้นส้มผักเสี้ยนกันจ้า...

    ในบรรดาส้มผัก ผมว่าส้มผักเสี่ยนแซบที่สุดคับ กินกับป่นกับแจ่วแซบเบิดทุกอย่าง ที่สำคัญแกล้มแหล้าขาวหรือว่ายาดองกะสุดยอดคับผม อิอิ

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23

    Re: ...มาคั้นส้มผักเสี้ยนกันจ้า...

    เห็นแต่ไทมักแก้เพิ่นอาไปเฮ็ดกับแกล้มกะมีเด้อ..แม่นบ่อน้องเอ๋.. เอ้ะ..แม่นถามถืกคนบ่อน้อบาดนิ. Re: ...มาคั้นส้มผักเสี้ยนกันจ้า...
    มองต่าง..อย่างปลง

  5. #5
    เจ้าหน้าที่ประชาสัมพันธ์ สัญลักษณ์ของ ใบไม้สีชมพู
    วันที่สมัคร
    Jun 2006
    กระทู้
    2,112

    Re: ...มาคั้นส้มผักเสี้ยนกันจ้า...

    ใบไม้มักกินส้มผักแป้นค่ะ แต่ว่าส้มผักเสี่ยนนี่ให้หมู่ไทกรุงเทพกินแล้วเพิ่นกะติดใจกันหลายคนอยู่ค่ะ

  6. #6
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209

    Re: ...มาคั้นส้มผักเสี้ยนกันจ้า...

    ของมักตั๊วครับนี่..ผักเสี้ยนนี่บ่อมีไผเอามาต้ม แกงเนาะ เฮ็ดส้มเป็นแนวเดียว 55555

  7. #7
    ศิลปิน นักร้อง นักแสดง สัญลักษณ์ของ คนพนมไพร
    วันที่สมัคร
    Jan 2009
    ที่อยู่
    สายไหม
    กระทู้
    579

    Re: ...มาคั้นส้มผักเสี้ยนกันจ้า...

    แซบคักตั้ว แม่นแท้กินกับป่นปลา ถืกกันปานหูขี้ทูต กะยังว่า แต่อย่าลืมเด้อ บัดคั้นแล้วให้ใส่ไว้ในหม้อสแตนเลสแน่ ขั่นใส่ไว้ในถังพลาสติก หรือหม้ออลูมิเนียม ส้มผักมันมีฤทธิ์เป็นกรด ผัดสิไปกัดกร่อน ให้สารที่เป็นพิษละลายออกมาปนเปื้อน ย่านเป็นอันตรายซั่นดอกวา ป้าดดดดด ! คือเป็นวิชาการแท้ว่า เจ้าของแหม กิกิ ! อยากได้สูตร คั้นส้มผักแป้นนำแน่ อยู่บ้านปลูกไว้หลายเติบ ขอบคุณล่วงหน้าเด้อครับ

  8. #8
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430

    Re: ...มาคั้นส้มผักเสี้ยนกันจ้า...

    เก็บมาจากต้น ให้เอาไปตากแดดให้มันเหี่ยวแล้วเอามาคั่นเด้อครับ ปั้นน้ำฮึม (น้ำหืน) มันออกดี ๆ

    หย่องข้าวเหนียวหนึ่งลงไปจักคำ แล้วกะหม่าน้ำหม่าข้าวเหนียว หรือน้ำแป้งข้าวเหนียวกะได้

    กินกับแจ่วแมงดา ถึกกันคัก เว่ามาแล้ว อยากกินก๋วยเตี๋ยวเด้อ ฮ่า ๆ ๆ

  9. #9
    ดูแลตรวจสอบเนื้อหา สัญลักษณ์ของ auddy228
    วันที่สมัคร
    Jun 2007
    ที่อยู่
    THAILAND
    กระทู้
    1,176
    บล็อก
    1

    Re: ...มาคั้นส้มผักเสี้ยนกันจ้า...

    ทำกินเองดูปลอดภัยดีเน๊าะ..

    เดือนเมษาปีที่แล้ว..แม่ของเพื่อนอยากกินเลยไปซื้อมากินกับน้ำพริก...ตอนเย็นเข้าโรงพยาบาล..ปวดท้องอย่ารุนแรง..หมอว่าอาหารเป็นพิษ...หมอพยายามช่วยทุกวิถีทางแต่ก็ต้องมาเสียชีวิตเพราะกินส้มผักเสี้ยนในตลาด ครบปีพอดี...หน้าร้อนนี่แหละ...ไงก็ระวังกันบ้างเน้อ...

  10. #10
    ร่วมถ่ายทอดความรู้สู่สังคม
    วันที่สมัคร
    Jul 2008
    กระทู้
    641

    Re: ...มาคั้นส้มผักเสี้ยนกันจ้า...

    Re: ...มาคั้นส้มผักเสี้ยนกันจ้า... กระทู้ต้นฉบับโดยคุณ คนพนมไพร Re: ...มาคั้นส้มผักเสี้ยนกันจ้า...
    แซบคักตั้ว แม่นแท้กินกับป่นปลา ถืกกันปานหูขี้ทูต กะยังว่า แต่อย่าลืมเด้อ บัดคั้นแล้วให้ใส่ไว้ในหม้อสแตนเลสแน่ ขั่นใส่ไว้ในถังพลาสติก หรือหม้ออลูมิเนียม ส้มผักมันมีฤทธิ์เป็นกรด ผัดสิไปกัดกร่อน ให้สารที่เป็นพิษละลายออกมาปนเปื้อน ย่านเป็นอันตรายซั่นดอกวา ป้าดดดดด ! คือเป็นวิชาการแท้ว่า เจ้าของแหม กิกิ ! อยากได้สูตร คั้นส้มผักแป้นนำแน่ อยู่บ้านปลูกไว้หลายเติบ ขอบคุณล่วงหน้าเด้อครับ

    โฮ้ดีได๋ยังมีผุหวังดีบอกผุข้าบ่ซั่นล่ะได้กินกรดแล้ว.....ฮ่าฮ่าRe: ...มาคั้นส้มผักเสี้ยนกันจ้า...Re: ...มาคั้นส้มผักเสี้ยนกันจ้า...Re: ...มาคั้นส้มผักเสี้ยนกันจ้า...

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •