ตำถั่วเป็นอาหารจานโปรดของใบไม้สีชมพูค่ะ กลับบ้านยามได๋กะได้กิน สมัยเป็นเด็กน้อยอีแม่ปลูกถั่ว เวลาถั่วมีหน่วย กะสิไปเก็บมาตำกินก่อนไปโรงเรียน ตำสู่น้องซายกินกับต้มไข่ จนว่าถั่ววายพู้นแล้วจ้า กินบ่มีเบื่อจ้า
กลับบ้านคราวนี้ ไปฮอดบ้านตอนหกโมงเช้า ย่างเข้าครัวหาแนวกินก่อนหมู่เลยค่ะ มีถั่วพอดีเลยค่ะ เอื้อยกะเลยเก็บมาให้ตำ จานนี้ใบไม้ตำเอง ทอดปลาหมึกเองจ้า แต่ว่าข้าวบ่ได้นึ่งเองค่ะ เพิ่ง อิอิ ไปกินบ้านเอื้อย เพิ่นนึ่งไว้ถ่าแล่วค่ะ
กินถ่าแกงไก่ส่หน่อไม่ส้ม เมนูโปรดอีกอย่างของใบไม้ฯค่ะ กว่าเอื้อยสิแกงแล้ว ตำถั่วกะบกไปหลายเติบจ้า ย่อนว่าคนมันหิว อิอิ เลยบ่ได้กินแกงไก่ใส่หน่อไม้ส้มหลายปานได๋จ้า
ส่วนภาพนี้เป็นท่าฉีกปลาแดกของเอื้อยใบไม้สีชมพูค่ะ อิอิ เป็นตาแซบบ่จ้า
Bookmarks