เมือบ้านวั่งสงกรานต์หั่นได้เมือส่องเบิ่งนากับเฒ่าแม่ค่ะ บ่ได้ไปมาหลายปีแล้วตั้งแต่ให้คะ
เจ้าเฮ็ดนาให้ ไปเห็นเถียงนาที่เคยไปนอนยามลงนา แล้วกะคึดพ้อแต่เป็นเด็กน้อย
หลังสงกรานต์ฝนตกแนวนี้เฒ่าพ่อเฒ่าแม่พาน้องเขมไปนาโลดดอกค่ะ ::)::)
เพิ่นสิมีเวียกให้เฮ็ดเบิดมื่อ เฒ่าพ่อสิไปตัดไม้ไผ่บ้าน จักตอกสานเป็นฝาแตบตอง
เฒ่าแม่ น้องเขม น้องซายหล่าสิเป็นผู้ไปหาเก็บใบตองซาติมาให้เฒ่าพ่อเฮ็ดฝาแตบตอง
แต่กี้นาน้องเขมสิมีป่าชาติหลายคักค่ะ เก็บเทื่อละหลาย ๆ กว่าสิได้ฝาแตบตองแอ้มเถียง
เนาะค่ะใบซาติกะมีแต่ขน เก็บไปกะคันไป น้องเขมกับน้องซายหล่ากะสิหลอยเฒ่าแม่ไป
หาเก็บแมงแคงตั่วค่ะหย่างเลาะมาทางโนนหินแห่ ป่าจิกน้อยพวมป่งใบอ่อน แมงแคงง
หลายคักค่ะ เอาคุถังน้อยใส่น้ำจักครึ่งถัง เก็บแมงแคงใส่ แมงแคงเหยี่ยวใส่มือเทิงแสบ
เทิงฮ้อน แต่กะบ่ย้านค่ะ ได้มาเทื่อล่ะบักหลาย คั่วใส่เกลือหน่อยหนึ่งแซ่บดีตั่วค่ะ ส่วนมือ
ที่ถูกแมงแคงเหยี่ยวใส่กะเหลืองอยู่เป็นเดือนพุ่นล่ะค่ะจั่งเซา ไปเห็นป่าเก็บแมงแคงน้อง
เขมกลายเป็นป่ามันไปแล้วค่ะ ถามเฒ่าแม่ว่าคือให้คะเจ้าถางคักแท๊..เพิ่นกะบอกแต่ว่าอิ
โตนคะเจ้าบ่มีหม่องเฮ็ดกินให้เพิ่นปลูกมันขาย บ่เอาค่าเช่าที่พร้อมเบิ่งติล่ะแม่น้องเขมจั่ง
แม่นเพิ่นใจบุญคัก
Bookmarks