วันที่ 14 กลับมาจากงาน บ้านมหาสัญจร แล้ว ทางบ้านแห่นางสงกรานต์ อ้อมบ้านครับ
ทางผมเหมิดแฮง บ่ได้ไปย่าวนำเพิ่นจ้อย แต่ว่าเผิ่นพากันมาเฮ็ดลาบเป็ด สู่กันกินอีก
ย่าวเกือบเซ้า แมะ ตื่นขึ้นมาสวย ๆ พากันย่าวต่ออีก จนบ่าย ๆ กะเป็นการ รดน้ำ
ดำหัว พ่อ แม่ ลุง ป้า ผู้เฒ่า ผู้แก่อยู่เฮือน ลูกหลาน รดน้ำ ดำหัว ผู้เฒ่า ขอพรนำกันครับ
บรรยาการอบอุ่นดีครับ มีน้องเขยกะน้ำตาแตก สองคน มื้อนั้นกะดายเผิ่นว่าเผิ่นอบอุ่นใจ
ที่ได้อยู่เป็นพี่ เป็นน้องไทยเฮือนพวกผม ว่าซ้านนนนน
ลูกหลานรอคิว เปียกปอนยุ หาไล่สาดน้ำผู้สาวมาเหมิดมื้่อ ซุมหนุ่มน้อยกะดาย หลาน ๆ ครับ
จากนั้น พี่น้องกะได้สร้างรูปภาพ ท่านหลวงปู่มั่น ภูริทัตโต และศิษย์ของหลวงพ่อ
สายวิปัสนากรรมฐาน เฮ็ดไปถวาย 6 ชุดใหญ่ ตามวัดป่าในเขต อำเภอเขื่องใน ครับผม
เฮ็ดบริจาคไว้ เพื่อเป็นการทำนุบำรุงพระพุทธศาสนาเด้อพี่น้อง
ตกมืดพากันไปเฮ็ดโรงทาน ที่วัดป่า ผมกับ คนบ้านบ้าน ญาติพี่น้องซ่อยกัน
โรงทานกะมี ปิ้งขนมปังทาเนย น้ำชาหม้อใหญ่ แกแฟหม้อใหญ่(สำหรับผู้เฒ่าครับ)
ที่เพิ่นมาปฎิบัติธรรมที่วัดเนาะครับ น้ำอัดลม ขวดลิตร หลายโหลครับ
น้ำแข็งกะสั่งเป็นถังใหญ่เลย เทแจกกันเป็นแก้ว ๆ ครับ
อ้ายคนบ้านบ้าน เผิ่นกะเป็นอีกแฮง ซ่อยกันแจกรินน้ำอัดลม แจกเด็กน้อยครับ
หลานน้อย ๆ กะซ่อยเหลือกันปิ้ง ขนมปังทาเนย แจกน้อง เด็ก ๆ ที่มาในวัดนำ
ญาติผู้ใหญ่เพิ่นฟังเทศน์ ฟังธรรมเนาะครับ
ที่สุดแล้ว งานนี้อบอุ่น ประทับใจ ได้ทั้งบุญ ได้ทั้งม่วนเนาะครับ ปีหน้าฟ้าใหม่
ผมสิชวน พี่น้องเฮาไปม่วน กับไปเอาบุญนำกันเด้อครับ
Bookmarks