ไปนานำน้องเขมบ่ค่ะ

[เขมราฐ]

มื่อนี้น้องเขมสิพาพี่น้องไปส่องเบิ่งนานำกันค่ะ ป่ะค่ะหย่างเลย ::)



ดอกฮังแห้งหล่นอยู่ตามทางค่ะ



ท่งนายามแล้งค่ะ น้องเขมว่าให้ความรู้สึกอ้างว้าง มื่อไปมีเสียงนกเอี้ยงโหม่งฮ้องนำค่ะ
ที่เห็นคันแทนาฮกนั่นคือกอเพ็กเด้อค่ะ



ส่วนที่ปลูกมันแต่บ่ได้ปลูกเองดอกค่ะ คะเจ้ามาเช่าที่ปลูก (โดยบ่ได้ค่าเช่าเลย )
เสียดายป่าไม้บักคักค่ะ แต่กี้เป็นป่าหาเห็ดละโงกค่ะ
จ่มให้เฒ่าแม่ว่าซั่นว่าคือให้คะเจ้าถางคักแท๊



ส่วนที่ยังเป็นดอนอยู่ค่ะ พยายามบอกเฒ่าพ่อเฒ่าแม่ว่าอย่าซ่าวให้มันเป็นท่งนาเด้อ
เอาไว้หาเห็ด เอาต้นไม้ไว้ให้หลานเบิ่ง ย่านรุ่นหลานบ่ฮู้จัก ต้นกุง ต้นชาติ ::)



ดอกสะแบงกะกำลังงามค่ะ



เฒ่าแม่ก้มขุดแมงกิ๊นูนค่ะ ลักถ่ายเอาดอกค่ะ ปานนั้นกะจ่มคัก ::)::)

[คนตระการ...]

อุดมสมบูรณ์ดีคัก..เป็นตาไปอยู่นำคักน้อ....5555.

[สาวผู้ฮ้าย]

ค้านๆๆๆ เฒ่าเอิ้นไปนา แต่ค้านกะต้องไป เด๋ยว ข่อยเบิ่ง ขวัญฟ้าหน้าดำจบก่อนได้บ่ กำลังม่วน นอ เด๋ยวข่อย ซิหาบน้ำไปนำก้นดอก เจ้าไปก่อนโลด พะนะ เมรีกะด่าย

ช่วงนั้นเป็นเด็กน้อยนอ กำลังติดละครทีวี ::)

[khonsurin]

อยากไปอยู่ แต่แว่นตา จั๊กเอาไว้ตรงไหนไม่รู้จ้า ยังหา บ่ ทันได้เลย ::)::)

[หนุ่มเหงาคนไกลบ้าน]

บรรยากาศทุ้งนาบ้านน้องเขมบ่อแล้งทางร้อยเอ็ดดอกเนาะครับคั้นแม่นทางร้อยเอ็ดเห็นกะตอเฝื่องเหลี่ยวไปใสกะมีแต่คงามแห้งแล้งครับ

[บ่าวคนเดิม]

คนตระการ เฮ็ดนาเป้นยุติครับ แถวนั้นนาแก่นคักเด้อซิบอกให้

เขาเอิ่นนาดอนซาด

[แหลวแดง]

เป็นตาเห็ดหลายเนาะน้องเขม นาโคกหินแห่เป็นตาไถยากเนาะ อิอิ รถไถจ่มพุ้นแหล่วแนวหนิ แต่ว่ายามฝนแนวกินหลายกว่าหมู่ บ่อึดแนวหาเนาะจ้า

[พล พระยาแล]

เห็นความตั้งใจของน้องแล้ว สุดยอดค๊าสุดยอดค๊า เริ๊ดค่ะเริ๊ด ๆ ๆ ๆ ๆ

หลอกแม่ให้ไปนา เพื่อสิได้รูปงาม ๆ มาฝากพี่น้อง

"ฮ่วย มื่อวานนี้ตูกะไปมาแล้ว สิให้ตูไปอีกจั่งใด๋น้อ...ฉอด ๆ ๆ ๆ ๆ"

ตั๊วะเฒ่าแมไปนา สิบ่ให้เพิ่นจ่มจั่งใด๋น้อ แมนบ่แม่เถ่า โอ๊ะ เว่าผิด

ถ้าฟ้าวหลายกะกลับไปก่อนเด้อแม่เด้อ สิอยู่เป็นหมู่น้องก่อนดอก

เพิ่นว่าสิเอาค่าเช่าไร่มาให้ซั่น ฟ้าวไปเด้อแม่ ฟ้าว ๆ ๆ

::) ::) ::) :g :g :g

[ทิดเคน เมืองดอกคูณ]

คิดฮอดสมัยยังหนุ๋มเด้ เดียวนี้แถวบ้านบรรยากาศแบบนี้บ่อมีแล้ว แปนเอิดเติด

[บ่าวจัย]

สวยงามทีเดียวน้องหลิน เป็นตะไปอยู่คืออ้ายเอ๋ว่านั้นล่ะอิอิอิ