ต้นยางยังน้อยยุครับ ปลูกมาได้แปดเดือนแล้วครับ กำลังสิใหญ่
แต่ว่าหญ้าคือฮกแท้น้อ มาเด้อบ่าวจัยจ้างมาหลกหญ้าสวนยางครับ สิต้มไก่สุกิน ::)
ความหวังของบ่าวจัย อนาคตน้องนานากะหวังเพิ่งต้นไม้ซุ้มหมู่นี้ล่ะครับ
คนจนคือเฮากะมีแตงานเกษตรนี้ล่ะครับพอสิเฮ็ดเป็นนำเพิ่น ::)
แดดฮ้อนแฮงครับเข้าฮ่มดีกว่า หย่างมาน่อยนึ่งกะฮอดเถียงนาครับ
ตรงนี้ล่ะครับที่อยากเสนอ พอดีงัวบ่าวจัยออกลูกไหม่ครับไผ๋อยากกินน้องเมียโอ้ยน้องงัวกะมาเด้อครับ ::)
สังเกตุเสาเถียงนาครับ เอนไปทางเดียวกันแล้ว เพราะว่าโดนลมพายุพัด
ช่วงสงกรานต์บ่าวจัยกลับบ้านเลยไปเฮ็ดเถียงนาใหม่ครับ
ถือว่าบุญมันหลายเด้องัวสองโตนี้เถียงนาบ่ทับหัวมัน หลังคาปลิ้วออกเบิ่ดเลย
และนี้ล่ะครับ งานและอนาคตของบ่าวจัยครับ สวนยาง กับงัวอีกสามโต
ตอนนี้กำลังสิให้เฒ่าพ่อเพิ่นขุดสระเพิ่มอีกจักน่วย พอสิมีน้ำใช้ตอนหน้าแลงครับ
เลี้ยงปลาไว้ถ้าพี่น้องบ้านมหาฮ่าเถือเพิ่นไปยามพอสิได้ แกงสุกิน
มื้อนี้พอก่อนเนาะครับ มื้อหน้าเอาอีกบ่าวจัยขอบคุณครับที่เข้ามาเยี่ยมชมวิถีชีวิตของขะน้อย บาย :g
Bookmarks