กำลังแสดงผล 1 ถึง 10 จากทั้งหมด 10

บักหว่าต้นสุดท้าย

  1. #1
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    รอบยิ้มพิมใจ บักหว่าต้นสุดท้าย


    ช่วงเดือนเมษายนที่ผ่านมาไก่น้อยได้กลับไปบ้านเกิดเมืองกาฬสินธุ์ยุ2มื้อ กลับบ้านคราวนี้กะคือครั้งก่อนๆที่ไปบ้าน ส่วนมากอยากไปนา อยากไปเบิ่งสวนหมากม่วง อยู่บ้านอิพ่อเพิ่นปลูกบักม่วงหลายพันธุ์ แต่ด้วยครอบครัวบ่มีไผได้อยู่บ้านประจำ กะเลยบ่มีคนดูแล สวนหมากม่วงกะปล่อยมันขึ้นตามธรรมชาติ สวนค่อนข้างฮก ย้อนบ่มีคนดูแล แต่บักม่วงปีนี้ดกกว่าสุปี ช่วงกลางๆสวนอิพ่อเลาปลูกต้นยูคา แฮงฮกกว่าเก่าอีกหลายเท่า 555+

    ในบริเวณสวนหมากม่วงสิมีต้นไม้ยืนต้น ต้นนึงซึ่งจำได่ตะเป็นเด็กน้อย ตอนนั้นยังบ่มีต้นหมากม่วง ไก่น้อยกับน้องชาย พี่สาวมักสิมาปีนต้นไม้ต้นนี้เป็นประจำ ลงจากต้นกะสิปากดำมอมแมม ต้นไม้ที่ว่ากะคือต้นหมากหว้าขิมดนิเอง

    สมัยนิแทบสิหาบ่มีแล้ว อิพ่อบอกว่าสิได้จ้างเพิ่นมาปั้ม (โค่น) มันออกยุมันหงำข้าวยุนาว่าส้าน (ตอนนี้คิดฮอดผญา ผุเฒ่าเพิ่นว่า กกไม้ไหย่บังนา กกขาไหย่หงำ...ฮิ้วว ) ไผอยากได่ฟืน อยากได่ถ่านกะสิเอาให้เพิ่นไป

    ไก่น้อยกะมานั่งคิด สมัยนิมาคือหายากแทะน่อต้นหมากหว้า เทื่อมีลูกมีหลาน เขาสิรู้จักต้นบักหว้า ผลไม้ตามฤดูกาลสุดฮิตของขะน้อยบ่น่อ ส่วนที่ว่ามันหงำข้าวมันกะบ่เสียไปจักกี่ถังดอก กิ่งได่งาได่มันโผล่ออกไป กะค่อยดัดค่อยฟันออก

    มื้อหลังมากะเลยเว่ากับอิพ่อ บ่ต้องให้เพิ่นมาปั๊มมันดอกพ่อต้นหมากหว้า ให้มันยุจั่งสั่นหละ นาเฮากะมีต้นเดียว เอาไว้เป็นที่ระลึกสมัยเด็กน้อย มาเลี้ยงงัว หนีมาเล่นยุต้นหมากหว้านิประจำ อีกอย่างต้นบักหว้าต้นนี้อาจเป็นบักหว้ากกสุดท้ายที่สิหาได้ในสมัยสุมื้อนี้เนาะค่ะ
    บักหว่าต้นสุดท้าย


  2. #2
    ไคร่ตั่วบ่นอนหลับเทิงต้นพร้อม ฮ่าๆๆๆ

    ตื่นมา ฮ่วยคือมานอนกองอยุ่ถ่างล่างเน้อ ฮ่าๆๆๆ

    ฮิ้วๆๆๆๆๆๆๆ สมัยเด็กน้อยเลี้ยงวัวเลี้ยงควาย ยามบ่ายๆๆ

    กินแล้วไปโดดน้ำห้วย ลงเล่นน้ำ ขึ้นจากน้ำควายวัวเสีย 5555

    เว่ามากะอยากกลับไปปืนเด่เน้อ จ่งไว้เด้อเอือ้ยไก่

  3. #3
    ผู้ช่วยผู้ใหญ่บ้านมหา สัญลักษณ์ของ nuzing
    วันที่สมัคร
    May 2007
    ที่อยู่
    ตกฟากอยู่อุบล เป็นคนชราบางแคแล้ว
    กระทู้
    2,550
    บล็อก
    5
    อยู่นายายมีอยู่ต้นหนึ่งที่เป็นร่มเงางามหลายปีนขึ้นไปนอนลี่ยามดำนาแก่นคักหลาย อิอิ

  4. #4
    ร่วมถ่ายทอดความรู้สู่สังคม สัญลักษณ์ของ แจ่มใสยิ้มสวย
    วันที่สมัคร
    Mar 2009
    ที่อยู่
    USA
    กระทู้
    1,014
    บล็อก
    18
    ผู้คน เริ่มรู้จัก คุณความดีของต้นไม้ ของธรรมชาติ มากขึ้น เดี๋ยวนี้มีพันธ์ต้นหว้า ต้นเสม็ด (เม็ก) และอีกหลายพันธ์ไม้ป่า ให้ได้ปลูกดูแลรักษา ให้ลูกหลานได้เรียนรู้ได้เห็น ว่าเป็นอย่างไร

  5. #5
    ขอบคุณเอื่อยไก่น้อยจ้า ที่ยังคิดฮอดรุ่นลูกรุ่นหลาน ย่านเพิ่นบ่จักต้นบักหว้า

  6. #6
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,718
    แต่เป็นเด็กน้อย ไปโรงเรียนกะลักไปกินบักหว้าประจำครับ แม่เลากะห้ามๆ บ่อแม่นหยังดอก ไปกินยามได๋เสื้อดำทุกเทื่อเลย ซักกะบอออก..

  7. #7
    Miss Papaya
    ศิลปิน นักแสดง
    แม่ครัวบ้านมหา
    สัญลักษณ์ของ สาวผู้ฮ้าย
    วันที่สมัคร
    Jun 2008
    กระทู้
    1,331

    พบปะพูดคุย รักษาไว้เด้อจ้า

    รักษาไว้เด้อจ้า เอื้อยไก่น้อย

    หายากๆๆๆ แล้วเด้อ คู่มื้อนี้


    แต่ขอกินก่อน เด๋ยวซิบ่ได้ ต้นสุดท้ายแล้วพะนะฮิ้วๆๆๆ

  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    เหลือใจเด้ .. บ่ฮอดรู้จักพุ่นแหล่วทางพี้ อยากอายน้องนุ่งคัก ขอบใจหลายๆที่เอามาให้เบิ่งและอ่านเป็นวิทยาทานจ้า..หลายๆกะทู้ที่เห็นน้องๆเขียนกัน แล้วจะของอ้าปากอ่านเซ่เว่ยุ ..ย่อนบ่มีข้อมูลในหัวสิเม้นท์นำเพิ่น..ได่แต่ขอบคุณให้กำลังใจเนาะจ้า..

  9. #9
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075
    เบิ่งต้นหมากหว้าต้นนี้แล้วกะเฮ็ดให้หวนคิดพ้อตอนบ่าวจัยยังอยู่บ้าน(หนองคาย)เคยไปขึ้นกินบังเอิญต้นนี้อยู่ฝังหนองเลยเป็นที่เล่น
    และบางที่บ่าวจัยกะมาดักยิงปลาคือกัน มีประโยชน์หลายอย่าไปตัดมันเด้อเอื้อยไก่

  10. #10
    ศิลปิน,ช่างภาพอิสระ สัญลักษณ์ของ เพ็นนี
    วันที่สมัคร
    May 2009
    ที่อยู่
    Bangkok
    กระทู้
    1,387
    บล็อก
    2
    บ้านเพ็นนีอยู่บุรีรัมย์ก็ไม่เหลือสักต้น..
    เมื่อประมาณ 2 ปีที่แล้ว มีเพื่อนมาจากพิจิตร
    เอาลูกหว้าพันธุ์ใหญ่มาฝาก เพ็นนีเลือกเอาลูกโตที่สุ(ประมาณลูกปิงปอง)
    ตากแดดไว้ แล้วเอาไปเพาะ ตอนนี้ปลูกลงดินต้นสูงประมาณอกแล้วจ๊ะ..
    คาดว่าอีกไม่นานจะเป้นต้นหว้า..หลายต้น..


Tags for this Thread