หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 26

ไหว้พระบรมครู โดย จ.เขมจิตต์

  1. #1
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,753

    ไหว้พระบรมครู โดย จ.เขมจิตต์

    ไหว้พระบรมครู

    นะโม นบนอบนิ้ว ประนมแนบเหนือหนัก
    ตัสสะ สลักเศียร สุคตสรรเสริญซ้อง
    ภะคะวะโต ย้องอริยคุณยิ่งใหญ่
    หักกิเลสทำลาย มีโชคหลาย จ่ายจำแนก แยกธรรม ยิ่งภคธรรม
    ทรงเป็นครูผู้เลิศล้ำ ญายธรรมบ่มอบองค์
    อะระหะโต ทรงไกลหนี อริไพรีซ้ง
    หักกำสงสารล้อ บ่เวียนหมุนบุญบาปฝ่าย
    เป็นผู้ควรฮับปัจจัย ทักขิไณยใหญ่ล้น แก่คนให้ใฝ่ทาน
    สัมมาสัมพุทธัสสะ พระองค์ท่าน ตรัสรู้ผ่านธรรมทั้งหลาย
    บ่มีไผ่แนะนำ ด้วยเพราะสัมมาแท้
    พระองค์แลถืกต้อง มองญาณปัญญาถี่
    อริยสัจจ์สี่แจ้งล้วน สมควรก้มนมัสการฯ


    ก่อนอื่นผู้ข้าฯ กะต้องกราบขอบพระคุณ ท่าน จ.เขมจิตต์ วัดชนะสงครามฯ กทม.
    ที่ท่านได้ส่งผลงานของท่านมาเพื่อเป็นธรรมทานให้พ่อแม่พี่น้องบ้านมหา และผู้สนใจ
    ในศิลปะ พื้นบ้านอีสาน โดนเฉพาะ ผญาพื้นบ้านในรูปแบบต่างๆ ซึ่งท่านได้ร่วมนำำเสนอ
    ไปแล้วในรูปแบบ จ่ายผญาเป็นนิทาน ท่านสามารถเข้าไปรับฟังได้ที่ นิทานก้อมฉบับผญา โดย จ.เขมจิตต์
    ซึ่งท่านกะได้ส่งแผ่นซีดีมาให้นำเผยแพร่โดยบ่ลิขสิทธิ์แต่อย่างใด

    ผญาข้างต้น
    ผมกะได้คัดลอกมาจากหนังสื้อ ผญาบั้นทุกข์ เพื่อเป็นการขอบพระคุณ และแจ้งข่าวท่าน
    ว่าหนังสือได้ถึงมือ ข้าน้อยแล้วจำนวนสองเล่ม เป็นผญานิทานก้อมฯ และผญาบั้นทุกข์

    จึงกราบขอบพระคุณท่าน จ.เขมจิตต์ มา ณ โอกาสนี้

    ทีมงานบ้านมหา ดอทคอม
    ขอบพระคุณสมาชิกและทีมงานที่เคารพรักทุกท่าน

  2. #2
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    ขอกราบขอบพระคุณท่าน จ.เขมจิตต์ มา ณ โอกาสนี้ ธุจ้า

    ทีมงานบ้านมหา ดอทคอม

  3. #3
    thong
    Guest

    ผญาบั้นทุกข์ (ต่อ)

    ทุกข์คือหยัง
    (๑) สภาพสุดจุดทนกลั้น ทรมานข่มขมใจฝืน
    ลำบากบืนกลืนคาย ป่ายปีนยังขีนเป้า
    บ่บรรเทาเบาน้อย ออยลำบากยากเกินข่ม
    ถืกทับถมบีบคั้น จากการล้มมุ่นสลาย
    เกิดมาทรงคงบ่ได้ ใจยังห่วงผั่นลวงสูญ
    เลยหัวหมุนดุนดันทุกข์ ซุกเสี่ยงหนีบ่มีพ้น
    เหตุและผลปัจจัยนี้ บ่มีแปรแลเป็นอื่น
    มันบ่ขึ้นต่อเจ้า เฮาข้อยผู้ประสงค์
    มีมาด้วยก็อ่วยโค้ง ลงต่ำยากนำฝืน
    บืนท่อบืนบ่ทน วุ่นวนกระแสต้อง
    ไตรลักษณ์สองข้อชี้ บ่มีฟังยั้งอยู่
    แม่นโตเองก็ยังลู่ บ่อยู่ความบอกเว้า ไหลเข้าอยู่สุยาม
    (๒) อาการของทุกข์ซ้ำ ยามกระหน่ำยังนำเห็น
    ปรากฏเป็นภัยคน ให้หม่นหมองบ่คองนิ่ง
    เป็นความจริงโดยแท้ แก้บ่ถืกศึกนี้ใหญ่
    พอปานไก่เตะไหม หยังกะได้แต่กลุ้ม คุมหาส้นค้นบ่เห็น
    (๓) สภาพจุกอุกเค้น โตนเต้นตื่นมึนปัญหา
    ยากกายาลำบากคีง ย้อนสิ่งกวนมวลฮ้าย
    เทิงโรคภัยพิบัติล้วน มวลปัญหาน้อยใหญ่
    ความเจ็บเป็นเข็ญใส่ อันตรายฮอบด้าน ประมาณแค้นยิ่งคณา
    ลำบากจิตอิดอ่อนล้า เวทนาหน่วงทะลวงเสีย
    ทุกข์มาเฟียจิตใจตก ฮกอยู่ในบ่ไขอ้า
    เก็บเอามาหทัยเปื้อน เสมือนดำตำใจหม่น
    คือหนามเสียบกระวายวน ทนยากหลายได้อ่อนล้า เวลาเพ้อป่วงมโน ฯ
    จ.เขมจิตต์

  4. #4
    thong
    Guest
    ความกกยกเรื่อง

    อิโต ปรํ เบื้องหน้าแต่บัดนี้....
    ข้าขอไขอรรถต้าน พรรณนาเรื่องความกถา
    เป็นผญาอีสานคำ สืบหล่ำคงจรรโลงไว้
    เขียนขยายเป็นบั้น วรรณกรรมย้ำอีกอย่าง
    ร่ายลีลาภาษาต่าง สำนวนทางถิ่นบ้าน อีสานพื้นพากย์ประพันธ์
    ศาสตร์ภาษามีหลายชั้น สำคัญป่องมองถืกหลัก
    ฮ่ำตระหนักคักใจ เบาผ่อนคลายความตื้อ
    ฟังแล้วคือถืออ่านคล่อง มองเห็นความบ่ข่วมเปิ่น
    อีกอันหนึ่งถึงความเพลิน บั้นเชิญกลอนตอนเว้า ฟังคำเค้าปู่ย่านาน
    โชคหลายเติมเพิ่มกว่านั้น เหตุการณ์เปลี่ยนเวียนสมัย
    ตกยุคใด๋ได้หนังสือ เป็นสื่อกางจีรังล้น
    อนุชนสืบรุ่น ถือมูลมังอ้างขึ้นอ่าน
    ปรากฏเห็นเด่นชั่วกาล นานแสนนานถึงผ่านพ้น โดนกาลพ้อกอฮ่องฮอย
    อันความเห็นมีเป็นร้อย บ่ฮ้อยแต่งแปงผญา
    ไผกะจาภาษาไทย ไว้หมื่นพันตันตื้อ
    ข้าเลยถือเอาท่าง ออกหนทางเพิ่นบ่ย่าง
    โบราณเดินคนเหินห่าง หวนคืนหลังทางเส้นเค้า คองเฒ่าเก่าบ่ไล
    ผู้สดับโปรดฮับไว้ วิจารณ์ใส่ความประสงค์
    ตั้งใจตรงคงจุดหมาย หลายฝ่ายเมินบ่เดินก้าว
    ถือว่าเอาหนังสือนี้ เป็นสักขีพี่น้องอ่าน
    ภาษาถิ่นไทยอีสาน ยังสร้างสรรค์งานบ่จ้าง เปลี่ยวทางค้อยข้อยค่อยเดิน
    แม่นว่าโคกไกลเยิ้น บ่เขินขาดแนวกิน...ดอกนา
    ไปฮอดดินแดนภูมิ ยังชุ่มเลิงไกลเปิงบ้าน
    ปลีกสถานคนวุ่น แนวบ่ซูนหลายหลากอย่าง
    บางหม่องคนบ่เคยย่าง ของต่างตาต่างโสตพ้อ ไผยอยิ้มอิ่มบัดเห็น
    คันบ่ได้ตื่นเต้น เห็นความเด่นเป็นความดี
    ก็คงมีความหมาย ใส่ว่าดีบ่มีเพี้ยน
    ศึกษาเฮียนสมพอฮู้ เอามาชูอีกซ้ำหนึ่ง
    หวังเพียงค่ามาคำนึง ราคาถึงซ่ำซ้วน ให้มวลท่านผู้ประเมิน
    อีกอันหนึ่ง...คำเก่ามาผู้ข้าเอิ้น ขอเทินอยู่คือครูบา
    อุปัชฌาย์อาจารย์คำ ส่วนขะลำขอยอไว้
    เอามาไขเติมแต้ม แนมประเด็นเป็นโตอย่าง
    ถือเป็นแบบพาย่าง เพิ่นออกทางก่อนพุ้น ขอนำรุ่นบ่เซา
    สาธุเด้อ...ปฐมกลอนตอนเค้า หากมีกล่าวกถาได๋
    ผิดพลาดไปบ่ถืกทาง ให้ซ่อยวางความพลั้ง
    เพียงแต่หวังตั้งใจชี้ หน้าที่ทำนำเพิ่นว่า
    เผยแผ่พุทธศาสนา สอนธรรมะพระบอกฮู้ บรมครูตั้งสั่งทำ
    ขอปัญญาซ่อยค้ำ หลิงหล่ำญาณวิถี
    เห็นป่องดีมีทาง ได้ย่างตรงคงต้อง
    ครรลองอัตถ์ถืกชัดแท้ กระแสผลเหตุค้นค่า
    ขอให้ฮุ่งเจริญตา ผญาไหลดั่งน้ำ ไขธรรมแจ้งแก่ผู้ฟัง
    ขออย่ามีเหตุฮ้าง พลังส่วนมวลกุศล
    พุทธมนต์ได้บรรยาย เป็นฝ่ายหนุนทุนเพิ่ม
    ขอให้เติมอย่ามีพร่อง เสมอคลองน้ำเต็มฝั่ง
    เทโวสาด วัสสาหลั่ง ชำระสางหม่องอั้น ให้พาลพ้นห่างภัย
    คุณบิดามารดาไท้ คุณทุกฝ่ายขอบูชา
    ปูชะนียานบ ครบอนันต์เพิ่นขานไว้
    คุณทั้งหลายได้เคยซ้น ขอผลใจตั้งไว้แน่
    ให้มาปกมาแผ่ คลุมให้แก่ผู้ข้า เวลาเว้ากล่าวพระธรรม
    คุณศีลทานซ่อยค้ำ อุปถัมภ์ส่งดำรงหนุน
    สรรพคุณสู่กถา เผื่อประชาผู้เห็นพ้อ
    บัดนี้น้อเริ่มต้น สาธุชนสดับอ่าน
    ขอให้เห็นทางผ่าน สำราญใจได้หม่องซ้น เสพผลพ้อผ่านพระธรรม
    ขอเจริญยิ่งล้ำ เห็นธรรมฝ่ายสุกก์ขาว
    ขอเรื่องราวขานไข ได้ซ่อยใจหนักในกลุ้ม
    มรสุมกิเลสเปื้อน ไฟเผาเฮือนหทัยหม่น
    ขอทุกท่านสาธุชน เย็นกมลพบพ้อ หายความท้อเกิดหมั่นเพียร
    ใจเจ้าเคยด่างเปื้อน ให้เวียนใส่ทางสงบ
    พ้อป่องหลบหลีกเวร เคยเข่นนำถลำฮ้าย
    สะอาดใจมีหลักตั้ง ฮู้หนทางสิเดินต่อ
    ฉลาดหลักฮู้หม่องก่อ ตัดตอขวางบ่วงแก้ม้ม ใจคมด้วยหน่วยมณี...ผญาเด้อ ๆ ฯ
    จ.เขมจิตต์

  5. #5
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,050
    บล็อก
    24
    ขอเข้ามายกมือไหว้งามๆ เพื่อร่วมอนุโมทนาสาธุบุญด้วยคนค่ะ
    ผู้สาวไทบ้านอีกคนที่หลงใหลและชื่นชมในทุกๆ ผลงานของท่านที่ได้นำเสนอมา
    ของดีหาได้ไม่ยากเลยที่บ้านมหาของเรา และขอขอบคุณอ้ายบ่าวคนเดิม
    ที่ช่วยสรรสร้างและจรรโลงสิ่งดีงามให้กับมิตรภาพของคนอีสานบ้านเฮาในโลกอินเตอร์เนตหม่องนี้ค่ะ
    ด้วยความนับถือ


    คำถามเพิ่มเติม
    เอ....คั่นผู้สาวไทบ้านอยากได้ผลงานของท่าน จ.เขมจิตต์ เอามาอ่านมาฟังเพื่อเกิดความจรรโลงใจนี่
    สิให่ข้าน้อย...เฮ้ดจั่งได๋น๊อค่า

    แก้ไขครั้งสุดท้ายโดย เเมงสะดิ้ง; 15-06-2009 at 01:32.

  6. #6
    thong
    Guest
    ติดต่อกับอ้ายทอง เสียงเฒ่าได้โดยตรงเด้อ
    หนังสือของ พระอาจารย์ บ่ได้วางขาย แต่ทำขึ้นเพื่อมอบให้กับห้องสมุดในมหาวิทยาลัยในเขตภาคอีสาน และมหาวิทยาลัยในกรุงเทพฯบางแห่ง (ประมาณ 15 แห่ง)
    ถวายพระภิกษุและมอบให้ผู้เป็นเจ้าภาพพิมพ์หนังสือ รวมถึงญาติโยมที่คุ้นเคยกัน
    ถ้าสนใจ ก็ติดต่อผ่าน
    อ้ายทอง เสียงเฒ่า
    โทร. 084 216 4928

  7. #7
    Membership renewed สัญลักษณ์ของ siranee
    วันที่สมัคร
    Jul 2008
    ที่อยู่
    ลาดกระบัง54(วัดศรีวารีน้อย)
    กระทู้
    986
    กระทู้ต้นฉบับโดยคุณ thong
    ติดต่อกับอ้ายทอง เสียงเฒ่าได้โดยตรงเด้อ
    หนังสือของ พระอาจารย์ บ่ได้วางขาย แต่ทำขึ้นเพื่อมอบให้กับห้องสมุดในมหาวิทยาลัยในเขตภาคอีสาน และมหาวิทยาลัยในกรุงเทพฯบางแห่ง (ประมาณ 15 แห่ง)
    ถวายพระภิกษุและมอบให้ผู้เป็นเจ้าภาพพิมพ์หนังสือ รวมถึงญาติโยมที่คุ้นเคยกัน
    ถ้าสนใจ ก็ติดต่อผ่าน
    อ้ายทอง เสียงเฒ่า
    โทร. 084 216 4928
    หน่อยสาธุนำเด้อจ้า/หน่อยกะอยากได้หนังสือคือกันจ้าติดต่อตมเบอร์โทรนี้เลยแม่นบ่จ้า

  8. #8
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,050
    บล็อก
    24
    กระทู้ต้นฉบับโดยคุณ thong
    ติดต่อกับอ้ายทอง เสียงเฒ่าได้โดยตรงเด้อ
    หนังสือของ พระอาจารย์ บ่ได้วางขาย แต่ทำขึ้นเพื่อมอบให้กับห้องสมุดในมหาวิทยาลัยในเขตภาคอีสาน และมหาวิทยาลัยในกรุงเทพฯบางแห่ง (ประมาณ 15 แห่ง)
    ถวายพระภิกษุและมอบให้ผู้เป็นเจ้าภาพพิมพ์หนังสือ รวมถึงญาติโยมที่คุ้นเคยกัน
    ถ้าสนใจ ก็ติดต่อผ่าน
    อ้ายทอง เสียงเฒ่า
    โทร. 084 216 4928
    ขอบคุณหลายๆ เด้อค่าที่ส่งเบอร์เข้ามาไขความกระจ่าง
    จั่งได๋สาวไทบ้านกะสิได้เฮ้ดนำตามที่ใจตั้งไว้เนาะค่าเนาะ
    ขอเป็นแฮงน้อยๆ พอได้ซ่อยสืบสานสั่นดอก



  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ออนซอนนำผญากับเสียงแคนม่วนๆแท้พี่น้อง ขอขอบพระคุณแทนพี่น้องผู้ฟังทั้งหลายเด้อผู้ข้า

  10. #10
    thong
    Guest

    คักแท้

    คักๆแท้ ผู้มายามถามข่าว อายสิเว้าวาทย้อง เจ้าของนี้บ่ส่ำได๋
    เปรียบกันแหลว...กับอ.ศรี ได้ คือสายพิณเสียงม่วน ตึงเข่งดีดังสมควร เสียงบ่รวนดั่งข้อย หมอทองน้อยดีดบ่ดัง...คือเพิ่นแล้ว
    ขอบคุณเด้อที่มาทักทายครับ อ.ศรี


Tags for this Thread