ไส้อั่ว...แบบเพื่อสุขภาพนิดหน่อยจ้า...

[ติ๋ม เปอร์โย]

ไส่อั่ว เป็นอาหารเหนือที่มักกินอีกเมนูหนึ่งจ้า อยากเฮ็ดแต่เครื่องปรุงบ่ครบปานใด่
เอาแบบที่มีหนี่หละจ้า...


เครื่องพริกแกงที่ใส่
พริกแห้ง ข่าหั่น ตะไคร้ซอย หอมแดง กระเทียม เกลือเม็ด
ขมิ้นผงนิดหน่อย บ่มักกลิ่นปานใด๋ ครั่นไผมีขมิ้นสดกะใส่ขมิ้นสดเด้อจ้า โขลกให้ละเอียด
หมูสับแบบบ่ติดมันหลาย คั่นติดมันหละแซบคักเด้อพี่น้อง
ไส้หมูซื้อที่เขาทำสะอาดมาแล้วจ้า เจ้าของแค่มาล้างอีกนิดหน่อย ซีอิ๊วขาว ผงปรุงรส
ต้นหอม+ผักชี+ใบมะกรูด หั่นๆ ซอยๆรวมกันไว้จ้า


จัดการใส่ถุงมือก่อนเด้อ แสบมือคักเด๋ เอาหมูใส่ชาม ใส่พริกแกง ปรุงรส ขยำให้เข้ากัน
แล้วใส่ต้นหอม ผักชี ใบมะกรูด ขยำต่อไปเรื่อยๆจนพอใจหละจ้า
เตรียมไส้หมูมายัดเลยบาดหนี่ คล้ายๆไส้กรอก แล้วมัดเป็นป้องยาวๆ


นำไปนึ่งให้สุก เวลานึ่งเอาส้อมจิ้มๆให้ทั่ว...กันไส้แตกไส้ไหล อิอิ ตาย่านเนาะ
นึ่งสุกแล้วกะนำมาอบหรือย่างไฟอีกทีหนึ่งจ้า จะได้หอมๆ


อบสุกแล้วกะหั่นใส่จาน เริฟกับผักสด ข้าวเหนียวตามชอบจ้า
มาเด้อพี่น้อง กินไส้อั่วแบบไกลบ้านนำกัน


เหลือหมูสับ กับไส้อีกหลาย เลยเฮ็ดไส้กรอกอีสานนำจ้า...
ยังบ่ทอดดอก มักกินส้มๆ ผึ่งแดด ผึ่งลมไว้ก่อนจัก2-3มื้อเนาะ....

[แหลวแดง]

ไส้อั่วย่างกินกับข้าวเหนียว หรือว่าเป็นกับแกล้มกะเข้ากั๊นเข้ากัน แบบว่า เอาไก่ย่างมาแลกกะบ่ยอมคับ อุอุ ใส้กรอกตากแดดให้ไส้แห้งๆจักหน่อย ปิ้งกินกับข้าวเหนียว หักบักพริกดิบกะเข้ากั๊นเข้ากัน เจริญอาหารคักเอาโลด

[สาวอิสานพลัดถิ่น]

น่ากินจังเลยพี่ติ๋ม
ส่งมาทางพี้จักโลแนพี่ :)

[ชายหล่ามาดามศรี]

ป้าดๆๆ ไส้อั่วทางเดนมาร์กสูตรทางอุดร

อยากชิมโดยไทอุบลเด่เน้อ ฮ่าๆๆ

เป็นตาแซบขนาดขอแน่สิเอามากินกับข้าวเหนียวฮ้อนๆๆ

เว่าแล้วกะหิวข้าวเด่เน้อ .... สุดยอด

[ตรี ศรีเมืองใหม่]

โปรโมตสินค้าบ้านเจ้าของก่อน///ไผ๋ได้ผ่านไปทางอําเภอศรีเมืองใหม่ ถ้าอยากได้ไส้กรอกของแท้ บ่อใส่ข้าวหลาย รสชาติสุดยอดแห่งความแซบ วิธีทําสะอาด ถูกหลักอนามัย มีทั้งไส้กรอกหมู และเนื้อ ราคาซื้อที่จุดขาย 5 ข้อ 20 บาท(ข้อใหญ่) สนใจแวะชมและชิมได้ครับ ที่บ้านแก้งกอก อําเภอศรีเมืองใหม่ อุบลฯ หมายเหตุ ทําวันต่อวันเพราะว่าขายดีหลาย

[บ่าวกุดชุม]

โปรโมตสินค้าบ้านเจ้าของก่อน///ไผ๋ได้ผ่านไปทางอําเภอศรีเมืองใหม่ ถ้าอยากได้ไส้กรอกของแท้ บ่อใส่ข้าวหลาย รสชาติสุดยอดแห่งความแซบ วิธีทําสะอาด ถูกหลักอนามัย มีทั้งไส้กรอกหมู และเนื้อ ราคาซื้อที่จุดขาย 5 ข้อ 20 บาท(ข้อใหญ่) สนใจแวะชมและชิมได้ครับ ที่บ้านแก้งกอก อําเภอศรีเมืองใหม่ อุบลฯ หมายเหตุ ทําวันต่อวันเพราะว่าขายดีหลาย

ขอแหน่ครับ 20 บาท พอได้ปิ้งกินแลง อิิออออิ

[ANN OSAKA]

ท่านไปได้ไส้หมูแต่ใดมา
อยากกินไส้กรอกอิสานจ้า บ่กล้าซื้อแบบแช่แข็งกิน ย่านตายก่อนวัยอันควรจ้า

[ชายหล่านาหลาย]

เปงตาแช่บแท้ เห็นแล้ว หิวววววว อิๆๆๆ สูตรหนองสองห้องแม่นบ่ครับ อิๆๆ

[ติ๋ม เปอร์โย]

อ้างถึง...ANN OSAKA...ท่านไปได้ไส้หมูแต่ใดมา
อยากกินไส้กรอกอิสานจ้า บ่กล้าซื้อแบบแช่แข็งกิน ย่านตายก่อนวัยอันควรจ้า

บุกหลังร้านซุปเปอร์มาเก็ตเลยจ้า...ตรงที่เขาชำแระเนื้อหั่นหละ เขาสิเฮ็ดไส้กรอกแบบฝรั่งขายนะจ้า
ถามเขาว่ามีไส้หมูไหม จะทำไส้กรอกเอง เขาขายให้ถืกๆจ้าเมตรละบาททางนี่หละ ติ๋มซื้อมา5เมตรเลยย่านบ่พอ

อ้ายเซียงปีหน้า คั่นได้กลับบ้าน ซื้อมาให้ชิมเบิ่งก่อนแหน่เด้ออ้าย....ไปยามอ้ายหล่อจังสิแวะไปซื้อคั่นแซบอิหลี....

[ศรีสะท้าน]

ขอจักแท่งแหน่นาง อ้ายสิเอาไปกินกับเหล้า โอ๊ะกับข้าว