หล่านางเอ้ย เห็นว่าอ้ายขี้ฮ้าย เจ้าบ่ฮ่วยมาหา แหน่รือ
เห็นว่าพี่ผู้ฮ่าย เจ้าบ่ผ่ายเข้ามาจวบ นอนาง
เห็นว่าพี่ผู้ฮ่าย เจ้าบ่หวังสิร่วม เฮียงข้างบ่าวพี่ชาย คำเอ้ย
คือจั่งเฮ็ดล่องง่อง มองพี่ซายคือหยันเหยียด แท้น้อ
คือจั่งเฮ็ดหล่องง่อง มองซายนี้บ่เต็มตา หล่าเอ้ย
แนวซาตาอ้ายน้อย สินอนพลอยพรากคู่ เองตี้
แนวว่าซาตาน้อย สินอนแล้งอยู่เดียว นางเอ้ย
ผิว่าคนจนนี้ ราศรีมันบ่ส่อง แลน้อ
ผิว่าคนจนนี้ แสงเศร้าค่าบ่มี แลนอ
อันที่ในชาตินี้ คือสิอยู่คนเดียว พี่แล้ว
อันที่ในชาตินี้ สินอนแล้งปล่าวดาย พี่แล้ว
ม่วนๆน้องหล่า ว่าไปๆก่อนเด้อน้อง เอื้อยสิไปนำผู่สาวทางกะสินมาเว่านำดอกจ้า Kiss
..มาเด้อ นางหล่าสาวกะสินเอ้ยย.. c06:
มองต่าง..อย่างปลง
ขอบคุณครับเอื้อย
นี่ล่ะเพิ่นว่า ไปไผสิดีเกินเอื้อย อ้ายซายบ่มีท่อ เฮาแล้ว
ฮู้ว่าน้องทุกข์ฮ้อน เจ้ายังรี่วมบ่ห่างหนี น้อเอื้อย
แต่ว่าผู้สาวเขาคือสิบ่อยากเว้านำปานใด๋ดอกตี้ อิอิ
อ้ายเอ้ย....... จักว่าไผ๋ขี้ฮ้ายอ้ายกะมาว่าเป็นไปเน๊าะ จักว่าไผ๋ผู้ไค อ้ายจังจาคำอ้าง
เคยเห็นหน้านางแล้วบ้อ อ้ายจังต่อผญาขาน เอาแต่คำหวานหวานมาหว่านปอย้อย่อง
เอื้อยส้มเอ้ย.... นางนี่บ่ขัดข้องสิลองจาต้านเบิ่ง..เด้อหล่ะเอื้อย
อ้ายผู้หล่อเลี้อยเฟื้อย มาลองเจื้อยแจ้วเบิ่งดู้....อ้ายทองคำเอย
มาแล้ๆๆๆๆจ้าเอื้อยส้ม โอยเน๊าะ เผิ่นคือแต่งผญาม่วนแท้หล่ะจ้าเอื้อย สิเว่านำเพิ่นเป็นบ่น้อน่อ
แก้ไขครั้งสุดท้ายโดย สาวเมืองกะสิน; 27-05-2009 at 00:02.
ผักหมเฮี่ยนฮิมทางอย่าฟ้าวเหยียบย่ำเด้อ
บาดห่าถอดยอดยังสิได้ต่าวหาเด่
จงอย่าดูถูกคนว่าต้อยต่ำ
"ผักหมเฮี่ยนฮิมทางอย่าฟ้าวเหยียบย่ำเด้อ
บาดห่าถอดยอดยังสิได้ต่าวหาเด่
จงอย่าดูถูกคนว่าต้อยต่ำ "
บุยๆๆๆ มาคือเว่านำเพิ่นเป็นแท้น้อนิ เก่งๆๆค้า หัดไปๆๆๆ เดี๋ยวกะเก่งค้า อิอิ
หล่านางเอ้ย หรือแม่นซาติแต่กี้อ้ายหากเกิดเป็นกวาง
ไปยาดพวงผลผลา จากเพิ่นมากินเคี้ยว
เวรจั่งเทียวมาใซ้ สนองในบุพพชาติ
เพิ่นจั่งยาดหม่อมน้อง ดึงน้าวให้หน่ายหนี พี่หนอ
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
อ้ายเอ๊ย....ซาตาคนเฮานี้...บ่มีดีไปซุอย่าง
อันว่าฮูปกายา..อาจสิขาวดำบ้าง...ขอใจนั้นให้จงใส
ทางข้างในให้มันแผ้ว...ให้วาวแววดั่งแก้วเจีย
หลายอยู่เด้อ..ผู้ที่อยากสิเป็นเมีย...ผู้ถ้าเฟียกับอ้ายเจ้า...
ลองถามเว่า...เบิ่งผู้สาวบ้านมหา..แหน่เด้อ...อ้ายเอ้ย...
...ถามอ้ายศรีเบิ่งก่อนหนา..ผู้สาวถามหาแตกซวดๆ...แต่เพิ่นว่าสาวบ่แล...พะนะ..หยิ่งเนาะคนเนาะ...คิคิ...(คิดฮอดเด้อจ้าอ้าย)
:heart:~?*??*?~*... คื อ วั น ห นึ่ ง ที่ หั ว ใ จ....
................จ ะ ห อ บ รั ก ไ ป ซ บ อุ่ น ไ อ ดิ น... .....* ~?*??*?~:heart:
หล่านางเอ้ย....สายฝนรินฮำย้อย ฮำตองกลอยย้อยตองข่า
อยากเห็นเด้ อยากเห็นสาวตะวันนา ผู้เพิ่นมาจาต้าน หวานจ้อยๆ จ่ายผญา
ซ่างมาปล่อยคารมอ้อน ให้ออนซอนนำคำว่า แท้นอ
ย้านสิเป็นคือดั่งตอกมัดกล้า ดำนาแล้วเหยียบใส่ตม นั่นนา นางเอย...
หล่านางเอ้ย อ้ายนี้เปรียบคือควายบักเทิกน้อย อึดนมกำพร้าแม่
นางบ่อหลกหญ้าป้อน นางบ่อถอนหญ้าเลี้ยง ควายน้อยสิจ่อยตายแล้ว...
...บู้ยๆๆๆๆ เปรียบว่าจะของเป็นควาย..ว่านี้แหม!
กฎการส่งข้อความ
อ้างข้อความนี้
Bookmarks