มากิน สาคูไส้หมู นำกันเด้อจ้า

[kapoloclikclik]

อั่นมื้อวานเบิ่งละครเรื่อง ลูกไม้เปลี่ยนทางช่อง 3 อินนำกะยังว่า พระเอกเพิ่นมักกินสาคู ไส้หมู ของนางเอก กะเลยอย่ากินนำจ้า พี่กะโปโลฯ เพิ่นว่าเพิ่นเคยเฮ็ดอยู่ตอนมีโครงการฝึกงานให้แต่ละหมู่บ้าน กะเลย มาเฮ็ดกินกันมื้อนี้จ้า..............แซบหลายเด้อ สดๆฮ้อนๆ..จ้า กะเลยเอาสูตรมาฝากให้พี่น้องบ้านมหาเฮ็ดกินกันจ้า....ง่ายมั๊กๆๆ

1. เอาแป้งสาคู มานวดใส่กับน้ำอุ่นจ้า(หรือว่าสิเอาแป้งมาล้างน้ำแล้วตักขึ้นนวดเลยกะได้จ้านวดได้คือกัน แป้งบ่แข็งนวดได้)แล้วสิได้แป้งสาคูดังภาพจ้า


2.เอาหมูบดมาลวน แล้วกะพักไว้ เสร็จแล้วกะเอาลากผักชี กระเทียม โขลกรวมกันจ้า แล้วกะนำมาผัดใส่หัวชายเท้าเค็ม(มีขายจ้าตามตลาดนัดเป็นแพ็คมาสำเร็จรูป)ใส่หมู ซีอิ้วดำ น้ำตาลปี๊บ ซอลแม๊กกี้ ปรุงรสตามชอบจ้า แล้วกะใส่ ถัวลิสงบด(อั่นนี้ตามตลาดกะมีคือกันจ้า)ผัดรวมกันแล้วตักออกจ้า



3.แล้วกะนำแป้งสาคูที่ได้มาห่อกับใส่ไส้จ้า ทำเป็นก้อนกลมๆ จ้า




****ผู้นี้ล่ะเพิ่นเฮ็ดเป็นจ้า กะโปโลฯ กะได้ไปเป็นลูกมือเพิ่น อิอิ****


4.นำมานึ่งจ้า อย่าให้ขนมติดกันเด้อจ้าวางห่างๆ เดี๋ยวสุกแล้วมันสิติดกัน



***แล้วกะสุก เป็นจั่งได๋จ้า น่ากินบ่ จัดได้สำนี้ล่ะ***

รูปอาจบ่ชัดเด้อจ้าเอา มือถือถ่าย