หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 28

..... อยากเมือนอนทุ่งนา ........

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ..... อยากเมือนอนทุ่งนา ........



    ..... อยากเมือนอนทุ่งนา ........


    จักแม่นลมหรือแม่นฟ้า หอบชาตาลาจากท่ง จากลำโขงมูลชีน้ำ ให้ยามนี้ได้อยู่เมือง

    จากกองเฟืองอันเหลืองแหล่ ลาดอกแคบักแต้ป่า ทิ่มเถียงนาหลังน้อย น้อย มาตามต้อยแต่เจ้านาย

    มีแฮงกายแต่ใจยาก ลำบากเหนื่อยกะยอมทน เดินตากฝนคันแทนา พ่อแม่จาบ่ควรคู่

    ไปเป็นครูดู๋เป็นท่าน เป็นอาจารย์ถ้าเรียนเก่ง นั่งรถเก๋งคันโก้ โก้ ถ้าโง่เหง่าเข้าเฮ็ดนา

    แม่นผลาแนวได๋แท้ หรือพ่อแม่เผิ่นบัญชา จบออกมาบอกเรียนสูง ต้องอยู่กรุงให้มันเทห์

    ข้อยหนิเด๊เป็นเด็กเตป บ่เคยเสพปลาร้าต่อน ทิ่มไห่นาปลาจอบบ้อน สะออนเด๊ เทห์ต่างกัน

    เดินตามฝันบ่สุดสิ้น อยากตามกลิ่นความเจริญ กะขอเชิญกันศึกษา แต่ผมลาไปนอนทุ่ง หล่ะเด้อพี่น้องเอ๊ยยยย

    "ผญา บ่ม่วนดอกครับ ให้ฟังลำน้ำตาตกไส่กัน ซื่อ ๆ หนิหล่ะ คิดฮอดบ้านเนาะพี่น้อง เนาะ"


    [Radio]http://baanmaha.us/jolo/Paya/Farmer.wma[/Radio]
    แก้ไขครั้งสุดท้ายโดย บ่าวโจ่โล่; 01-06-2009 at 23:04.


  2. #2
    e(9:กลับบ้านก่อนน๊า คิดฮอดไอดิน กลิ่นฟางน้ออ้าย

  3. #3
    แบ่งปันความรู้และประสบการณ์ สัญลักษณ์ของ หนุ่มเกษตรกล
    วันที่สมัคร
    Dec 2007
    ที่อยู่
    กาฬสินธุ์
    กระทู้
    67
    กลอนลำผู้ได๋ครับอ้ายบอกผมแหน่ครับ

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    สิให้ตอบว่ากลอนลำไผ กะมะซ่างโพส หน่ำคักแทะหล่ะเนาะ ท่านอาจารย์กะดาย ฮึยยย ซัง

    อาจาย์เด้อบาดหนิ ฮ่า ๆ ๆ ลำโดย มนต์แคน แก่นคูณ ครับผม ชุด โรงงานปิดคิดฮอดน้อง

    ชื่อกลอนนี้ว่า "ลำล่องบ้านเฮาหนาวแล้วบ้อ" ท่อนี้หล่ะครับ ส่วนเพลง โรงงานปิดคิดฮอดน้อง อยู่ใน ผญา " คิดนำเจ้าสาวโรงงาน "


  5. #5
    โอ้ยยย ข่อยคิดฮอดบ้านแฮงเด้
    อ้ายบ่าวโจ่โล่เจ้ามาเฮ็ดให้ข่อยน้ำตาไหลคักแท้

  6. #6
    แบ่งปันความรู้และประสบการณ์ สัญลักษณ์ของ สาวทุ่งฝน
    วันที่สมัคร
    Nov 2008
    ที่อยู่
    ห้องพี่สาว
    กระทู้
    509

    พบปะพูดคุย ผญาสมัครเล่น

    ผญาสมัครเล่นด้วยชะตาฟ้าสร้างนางน้อยต้องพลัดถิ่น บินวอน ด้วยวาสนารึกรรมซ้อน ต้องจากจรมาฮ่ำเฮียน ไกลบ้าน

    ห่างดินแดนแผ่นฟ้าทุ่งนาน้อยพลอยใจเหงา ห่างพ่อแม่พาใจเศร้า ทุกแลงเซ้าเฝ้าสอดส่อง...คองทาง

    ถึงสิยากลูกสิสู้ ถึงสิเหนื่อยลูกสิทน ถึงคำคนคอยจอบเว่า ลูกสิจำเอาแต่คำเจ้า...พ่อแม่เอ๊ย ผญาสมัครเล่น

    คิดฮอดเด้คิดฮอดบ้าน คิดฮอดไร่..นาสวน คิดฮอดหม่องเคยม่วน..........พี่น้องเอ๊ยผญาสมัครเล่น ฮ่าๆ ต่ิอบ่ได้ละ

    ส่ำนี่กะ้เอาละเนาะจ้า ผญาระดับอนุบาลสอง (ฮวมสิขึ้นป.หนึ่ง) ฟังลำกับอ่านผญาเพิ่นแล้ว เข้ากับชีวิตจะของสั่นดอก กะเลยลองแต่งนำเพิ่น ฮ่าๆๆ หาหม่องลงกะบ่ได้ ฮิ้ววววววววววผญาสมัครเล่น

  7. #7
    ร่วมถ่ายทอดความรู้สู่สังคม สัญลักษณ์ของ ลูกอิสาน
    วันที่สมัคร
    Dec 2008
    กระทู้
    484

    เรื่องฮิตน่าอ่าน

    โอยอ้ายเอย จั่งแม่นมากะตุ้นตุ่มคิดฮอดบ้านกันน้อจ้า ไปอยู่ไกลป่านได่ศิวิไลช์ปานได่
    ก่ะคือบ่ฝั่งใจคืออิสานบ้านเฮาน้อจ้า ยังฝั่งใจอ่อมล่อมอยู่ เพลงประกอบกระทู้เพิ่นก่ะหามาได้ดีคัก อิสานบ้านเฮาเอยอยู่ในใจผุ่ข่าเสมอเด้อจ้า

    ให้คนตั้งกระทู้จ้า ถึกคิ่งหลาย

  8. #8
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    616
    แวะเข้ามาฟังเป็นเทื่อที่ถ่อได๋แล้วกะบ่รู้จ้า รู้แต่ว่ามาฟังยามได๋กะม่วนซาบซึ้งได้ใจยามนั่นจ้า
    ทั้งผญาแล้วกะกลอนลำเน๊าะ ขอบคุณอ้ายบ่าวโจ่โล่ ที่สรรหาความเป็นอิสานบ้านเฮามานำเสนอจ้า


    "สวรรค์บนดินถิ่นอีสาน"
    โอ่เด้น้อ มักหลายๆๆเด้ออ้าย
    ออนซอนหลายหมอลำล่อง
    เป็นทำนองพื้นบ้านอีสานเค่าแต่เก่ามา
    ทั้งผญาอ้ายจาเว่าเข้ากันดีมีสาระเน๊าะ
    เป็นทำนองเพราะพริ้งจริงใจด้วยกะพ้องกัน
    คือสวรรค์สรรสร้างให้ทางอีสานฮุ่งน้อ
    เกิดซาดิได๋ขอให้พ้อหมอลำร้องพองผญาเด้อ....สาธุจ้า






    แก้ไขครั้งสุดท้ายโดย สาวเมืองกะสิน; 02-06-2009 at 14:24.

  9. #9
    ร่วมถ่ายทอดความรู้สู่สังคม สัญลักษณ์ของ ลูกหินกอง
    วันที่สมัคร
    Jul 2008
    กระทู้
    278
    สุดยอดอีหลีครับอ้ายบ่าวโจโล่...อ่านผญาไปฟังลำไปน้อครับ....ได้บรรยากาศอีหลีครับ

  10. #10
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    ได่ยินเสียงลำแล้วคิดเห็นภาพจินตนาการวิถีชีวิตชนบทบ้านเฮาเนาะครับ อยู่แบบพี่แบบน้อง ฮักกันเบิ่งกันได่หยังกะมาซูกันกิน


Tags for this Thread