กำลังแสดงผล 1 ถึง 10 จากทั้งหมด 10

... ไปกับเขาหล่ะน้ออ้าย ชายที่รักในหัวใจ...

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    184

    ... ไปกับเขาหล่ะน้ออ้าย ชายที่รักในหัวใจ...



    ... ไปกับเขาหล่ะน้ออ้าย ชายที่รักในหัวใจ...



    ไปนำเขาหล่อน้ออ้าย ชายที่รักในหัวใจ น้ำตาไหลบ่เคยลา แต่อ้ายป๋าไปคราวนั้น

    หยุดทางฝันหันมองฟ้า พร้อมคำลาเว้าง่าย ง่าย บอกว่าฮักเหลือหลาย เจ็บปางตายพุ้นเด้อจ้า น้ำตาแต้มแก้มสุคืน

    บอกใจฝืนให้ลืมอ้าย หยุดความหมายแค่แฟนเก่า ส่วนแสงเงาเป็นห่วงอ้าย ยังฉายแจ้งอยู่ดั่งเดิม

    ตั้งแต่มื้อแรกเริ่ม เปิดเทอมรักทักทายใจ แม่นอยู่ไสกะโทรหา คำจ๊ะจ๋าพาหวานชื่น

    ตกกลางคืนบ่เห็นหน้า ข้อความหาจาเว้าไส่ บอกว่าฮักสุดหัวใจ ก่อนหลับไหนในคืนนี้ ฝันถึงพี่บ้างแน่เด้อ

    ไปพบเจอเขาคนนั้น ไปร่วมฝันยามได๋น่อ บอกอ้ายพ้อคนที่ใช่ ไผคนนี้เกือบว่าตาย เด้ออ้ายเอ๊ยยยยยย





  2. #2
    เศร้าจังค่ะ

    ขอให้ปรับความเข้าใจกันเร็วๆ
    เอาใจช่วยค่ะ

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    สวอยนำเพลงแมะหล่า...มาเป็นตาบ่ม้มแล้งแท่ะ..ฮ่าๆๆ แวะมาให้กำลังใจน้องสาวคือเก่าเด้อ

  4. #4
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,379
    อ่านแล้วน้ำตาจะไหลเลย มันโดนนนน ...

  5. #5
    ร่วมถ่ายทอดความรู้สู่สังคม สัญลักษณ์ของ จ๊ะเอ๋
    วันที่สมัคร
    Jul 2007
    ที่อยู่
    อุดรซิตี้
    กระทู้
    500
    เศร้าจัง....อ่านไปฟังเพลงไปซิตายแล้ว

  6. #6
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961


    เส้นทางฝันบ่หวนได้ เส้นทางใจเลยเหินห่าง ขอปล่อยวางทางนิ้วก้อย แล้วคอยเว้าให้เฮ็ดใจ

    สุดวิสัยแท้น้อหล่า บ่อยากป๋าลาไกลห่าง ความแตกต่าง ทางอ้ายน้อง สองเฮานั้นปั้นบ่ไหว

    เจ้าคนไคสูงเทียมฟ้า อ้ายฮั่นนาดอกดินต่ำ ฮักกันได้ยุน้อคำ แต่สิทำ ใจบ่ได้ ยามเผิ่นไล่หน่อสกุล

    มีต้นทุนความต่ำต้อย พลอยสิ้นค่าสังคมสูง ทองสิจูงเฮ็ดหัวแหวน บ่อาจแทนเพชรเด้อเจ้า

    อ้ายขอเซาไว้ซ่ำนี้ แนวได๋ดีเคยฝันไผ่ เรื่องหุ้นส่วนทางหัวใจ สู้บ่ไหวดอกเด้อน้อง ทองเปลวน้อยแค่ออ่ยไฟ

    เฮาเทียบกันบ่หวนได้ คบอ้ายไปบ้านน้องว่า บ่อาจแข่งวาสนา ดวงชาตาที่ต่ำต้อย บุญอ้ายหน่อยต้อยตำเกิน น้องหล่าเอ๊ย


    "เว้าซ่ำนี้เนาะน้องหล่าเนาะ อ้ายช้ำกแมะ ฮ่า ๆ ๆ อยู่ดีมีแฮงเนาะน้องสาวสุดสวยแมะ"



  7. #7
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    ซึ้งหลายน้องแพรเอ๋ย..น้ำตาตกในเลยล่ะ คึดฮอดอดีตเด้...อ้ายบ่าวโจ่โล่จ๋าๆๆ

  8. #8
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    ล่ะพี่สิหนีจากเจ้าคือนกเจ่าสิลาหนอง นกยูงทองสิลาดง
    ห่อนฤาสิหนีได้ แม่นสิไปไสแท้กะคงคืนบ้านเก่า นกเจ่าหนีจากน้ำดินสิแห้งไหง่ผง
    นกยูงทองไกลดงกว้างบ่เหลียวคืนฟ้าสิผ่า พี่ชายลาจากน้องบ่อมาเยี่ยมห่าสิกิน
    ผักตำนินสิลาแคงฮั้วตัวพี่ชายสิลาจาก นกสิพรากป่าไม้หนีไปลี้อยู่ท่งนา
    ฝูงหมู่ปูปลาสิลาน้ำข้าวก่ำสิลาหนอง บัวทองสิลาบึงบ่าวพี่ชายสิไกลน้อง
    หนองสิลาไกลน้ำนาทามสิลาท่ง ผมโป่งสิลากะโด้น หวีสิไห้ต่อไผ
    นับมื้อไกลกันแหล่ว หัวเฮือเอ้ยสิลาฝั่ง หมากขั่งนับมื้อไกลหมากกลิ้ง
    ซิงสิไห้ต่อนกทา ฝูงหมู่กาสิไลไก่น้อยอ้อยสิห่างกอเลา
    สาละน้อสองฮาเฮาสิห่างกันแล้วคราวนี้ สีเอ้ยเจ้าผู้สีใบหว่าน
    ไปทำงานอยู่ไกลถิ่น ให้ถวิลแก่วก้ำทางบ้านแน่กะไค


    ...โอ้ย....เศร้าเด้พี่น้องบ้านมหาเอ้ย.....
    ขอบคุณหลายๆ เด้อครับน้องแพรจ้า....

  9. #9
    แบ่งปันความรู้และประสบการณ์ สัญลักษณ์ของ บักหล่าลูกกก
    วันที่สมัคร
    Oct 2008
    กระทู้
    159

    เซื่อบ่ได้ดอกใจผุซาย แต่ยังมีอ้ายเด้อ

    หยดน้ำตามีคุณค่า เก็บคืนมาน่าเสียดาย คำเว่าชายบ่มักจริง หวังผุหญิงเป็นของเล่น คำเว่าเน้นว่าฮักแท้ มื่ออื่นแปรตามเวลา ตามประสาชายบ่ตรง เช้าเทลงคือฝนหน่ำ ตกฮอดค่ำเป็นหมอกจ้อย น้ำค้างย้อยหนาวเหน็บใจ แท้น้อ

  10. #10
    แบ่งปันความรู้และประสบการณ์ สัญลักษณ์ของ สาวพุเตย
    วันที่สมัคร
    Apr 2009
    กระทู้
    332
    โดนใจคัก...ฮือ ๆ