ช่วงนี้ฟ้าฝนทางบ้านเฮา กะตกลงมาให้ชาวนาเฮาได้ไถนา ตกกล้า เตรียมลงนาเน๊าะครับ บางหม่องเพิ่นกะพากันหลกกล้าแล้ว ไถดำนำกะมีแล้ว เหลียวลงทุ่งนาน้ำกะเต็มไฮ่เต็มคัน ตกค่ำมากลางคืนเสียง กบ เสียงเขียดนา อึ่งอาง เขียดน้อย มันกะพากันออกมาฮ้องผสานเสียงกันแซวๆ นอนอยู่เถียงนาฟังเสียงมันพากันฮ้อง แล้วเฮ็ดให้นึกถึงธรรมชาติอีสานบ้านนาของพวกเฮา ยังเหลือความอุดมสมบูรณ์อยู่หลายครับ....................
แต่มื้อนี้บ่าวต้น..บ่ได้พาไปลงนาดอก.. สิพาไปเก็บเห็ดโคลน หรือทางบ้านเฮาเอิ้นว่า "เห็ดปลวก" เพราะว่าช่วงนี้ฟ้าฝนมันกะทิ้งช่วงอากาศกะฮ้อน อบอ้าว กะเลยเหมาะกับพวก เห็ดต่างๆ พากันผุดออกดอกจุ้มปุ้มจั้มป่ำ ให้คนอีสานเฮาได้พากันไปเก็บเห็ด มาประกอบอาหาร ตามวิถีคนอีสานเน๊าะครับ แต่กะระวังกันไว้กะดีคือกันเด้อครับ เพราะว่าเห็ดบางอย่าง กะอาจสิเป็นพิษกะได้ เห็นข่าวทีวีเพิ่นเตือน เรื่องการกินเห็ดเป็นพิษนี่ล่ะครับ กะเลยเป็นห่วงพี่น้องบ้านเฮาเน๊าะ... แต่เห็ดที่บ่าวต้นเอามาให้เบิ่ง คือสิบ่มีพิษดอกครับ เพราะว่าผมกะมักกินเห็ดคือกัน
อันนี้ผักติ้วเอาไปแกงไส่นำเด้อแล้วแต่คนมักเน๊าะ
Bookmarks