หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 21

ซ้อนฮวก งมแมงดา ยามไถนาฮุด

  1. #1
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    ซ้อนฮวก งมแมงดา ยามไถนาฮุด


    มื่อนี้เห็นกระทู้ไปงมแมงดาของอ้ายชาลีกะเฮ็ดให้น้องเขมคิดพ้อแต่สมัยเป็นเด็กน้อยเนาะ

    ค่ะฮอดยามไถนาฮุดฝนตกหน่ำแนวนี้แมงดาสิวางไข่นำต้นงวงช้าง ตามไฮ่นาเนาะค่ะ ตาม

    บวกควายแหน่ถ้าเห็นมีไข่แมงดาอยู่กะลงมืองมนำเหง้าต้นไม้ที่มันวางไข่หั่นล่ะค่ะ สิมี

    แมงดาเฝ้าอยู่แต่เพิ่นว่าโตที่เฝ้าไข่อยู่หั่นเป็นแมงดาตัวผู้ว่าซั่นค่ะ กลิ่นฉุนแฮง ไปงม

    แมงดากะต้องซ้อนฮวกนำเนาะค่ะ ฮวกกบโตอ้วน ๆ ในไฮ่นาเว้าแล้วกะเป็นตางึดเนาะค่ะ

    คนอีสานเฮากินกบแต่มันเป็นฮวกโตน้อย ๆ พุ่น พอยามดำนาฮวกซุมนั่นใหญ่หน่อยหนึ่ง

    กะหามาป่นใส่หน่อไม้ส้มพ่ะน่ะ มันกะยังบ่เบิดฮอดยามดำนาแล้วข้าวพวมเขียวกะไปใส่

    เบ็ดกบ มากินอีก จักมันได้ออกแม่แผ่พันธุ์ยามได๋เนาะค่ะ ยามไปซ้อนบ่ได้แต่ฮวกเด้ค่ะ


    แมงหล่างำแหน่ แมงก้องแขนแหน่ แมงดาน้อย แมงตับเตา กะปูน้อยเก็บมาเบิดค่ะ ซ้อน


    ฮวกพร้อม เก็บผักแขยงป่งใหม่มานำค่ะ พอซ้อนแล้วกะเก็บหมากพริกอ่อน ยอดหมาก

    พริกมาแกงใส่ตั่วค่ะ แต่เดียวนี้เฒ่าแม่ว่าหาอึดแฮงค่ะทางบ้านน้องเขมแล้งคัก ฝนบ่ท่องบ่

    เทียวปีที่แล้วกะแล้ง ปีนี้กะซงสิแล้งอีกเว้าแล้วกะอิโตน พี่น้องชาวนาเนาะค่ะ ราคาพืชผล

    บ่ดี ฝนกะยังบ่ค่อยตกอีก กะจักสิโทษหยังดอกค่ะ ฮ่วย ๆ เว้าเรื่องซ้อนฮวกอยู่ดีๆ คือโงมา

    เรื่องปากเรื่องท้องได้น้อบาดนี่ เซาเนาะค่ะ เว้าเรื่องปากเรื่องท้องแล้วมันสิอดโค้งไปเรื่อง

    เสื้อสีสิ่ว สีแดง สีแหล่ สีเหลืองบ่ได้ เซา ๆ ค่ะ



    ซ้อนฮวก งมแมงดา ยามไถนาฮุด

    ซ้อนฮวก งมแมงดา ยามไถนาฮุด
    แก้ไขครั้งสุดท้ายโดย พล พระยาแล; 08-06-2009 at 21:58.


  2. #2
    Membership renewed สัญลักษณ์ของ siranee
    วันที่สมัคร
    Jul 2008
    ที่อยู่
    ลาดกระบัง54(วัดศรีวารีน้อย)
    กระทู้
    986
    อ่านแล้วกะคิดฮอดบ้านเฮาเนาะจ้าน้องหลิน
    แต่กะคือสิเป็นได้แค่วันวาน...................

  3. #3
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    อ้ายกะคิดฮอดไปซ้อนฮวกกับผู้สาวน้องหล่าเข็ม เว้ามาและอยากย้อนอดีตได่เนาะ

  4. #4
    ศิลปิน,ช่างภาพอิสระ สัญลักษณ์ของ เพ็นนี
    วันที่สมัคร
    May 2009
    ที่อยู่
    Bangkok
    กระทู้
    1,387
    บล็อก
    2
    เพ็นไปอยู่ใสน้อ คือบ่ได้เฮ้ดแนวนี่นำข้าเจ้า..แมงดานี่กินเป็นอยู่แต่ฮวกบ่เคยจักคราว..ซงคือสิแซบเนาะ

  5. #5
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,718
    กระทู้ต้นฉบับโดยคุณ ต่วง
    อ้ายกะคิดฮอดไปซ้อนฮวกกับผู้สาวน้องหล่าเข็ม เว้ามาและอยากย้อนอดีตได่เนาะ

    ถ้าไปแบบอ้ายตว่ง มันบ่อได้ฮวกดอกอ้าย..ฮ่าๆๆๆ อาจสิถืกขะเจ้าไหมนำเด้อ ซ้อนแต่เซ้าเท่าค่ำ

  6. #6
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194
    ที่น้องเขมว่ามาหั่นเป็นชีวิตของอ้ายเลยตั้วหั่น เพียงแต่เปลี่ยนฉากเปลี่ยนผู้แสดงท่อนั้น ขอบใจน้องเขมหลายๆที่เว้าจนว่าความทรงจำดีๆเรียงล่ายส้ายมาเอาโลด

  7. #7
    แบ่งปันความรู้และประสบการณ์ สัญลักษณ์ของ ลาวสวิส
    วันที่สมัคร
    Mar 2009
    กระทู้
    390
    คิดฮอดตอนเป็นเด็กน้อยคักเนาะ เลิกโรงเรียนแล้วกะชวนกันไปหาซ้อนฮวกมาหมกแลงซั่นตั่ว...

  8. #8
    น้องเขมอ้ายงุมแมงดาโดนมันตอดปวดยุเด้ออ้ายต้องเอาไลอยู่ปากมันออกก่อนมีนจั่งบ่อตอดคนเนาะ

  9. #9
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    หมกฮวกใส่ผักอีตู่ลาว ใส่บักพริกขี้หนูน้อหล่าเขม แซบหลาย

    แมงดานา เอามาตำใส่ป่น กินกับส้มผักบั๊ว ส้มผักเสี่ยนแซบคัก

    เว่ามาแล้วสิไปซื้อแมงสาบ โอ๊ะ ๆ ๆ แมงดาอยู่ตลาดก่อน อิอิ

    อยู่ตลาดแมงดา โตน้อย ๆ ครับ โตละ 12 บาทพุ่นล่ะ โตซ่ำแมงสาบนั่นล่ะ

  10. #10
    แบ่งปันความรู้และประสบการณ์ สัญลักษณ์ของ ผักอีตู
    วันที่สมัคร
    Jun 2008
    กระทู้
    156
    เห็นแล้วกะอยากกินหมกฮวก หมกใสผักอีตูกับผักกะแยง หอมฮวยๆเอาข้าวเหนียวจ้ำคำใหญ่ๆคือซิแซบคัก