สวนนี้ปลูกมา5ปีแล้วครับคิดว่าอีกสองปีสิเปิดหน้ายางได้แล้วครับ
ตามบ่าวมาเลยครับสิพาไปชมสวน มีนายแบบกิติมศักดิ์พาชมสวนนำครับ
เบิ่งไปเรื่อยๆเนาะครับอย่าเพิ่งเหมื่อยก่อนเด้อครับ ยังมีอีกหลายครับ ตามมาๆ
นายแบบคนนั้นเป็นไผ๋น้อคือขยันขันแข็งแท้น้อ ขอให้รวยไวๆเด้อครับขยันทำมาหากินคักอิอิอิ
อ๋อ ที่เห็นใบแดงๆน่ะบ่แม่นมันสิตายเด้อครับ ยางกำลังสิเปลี่ยนใบครับ อย่าเข้าใจผิดล่ะ
ที่สำคัญช่วงยางผลัดใบ ใบมันหล่น อย่ากรีดเด้อครับ เพราะว่ายางอาจสิตายได้
เพราะว่ามันต้องเอาน้ำไปเลี้ยงลำต้นมัน แล้วเฮายังสิกรีดอีกคิดเบิ่งครับว่าสิเป็นจั่งได๋
อันนี้สวนข้างๆกันครับ เพิ่นได้กรีดแล้ว อิจฉาเพิ่นยุบ่ต้องไปทำงานไกลบ้านเนาะครับ
กรีดยางยุกับบ้านกะได้เงินแล้ว เดือนหนึ่งเพิ่นขายสองเทื่อ
เทื่อละหมื่น-สองหมื่นแล้วแต่สวนน้อยสวนใหญ่เนาะครับ
เพื่อนบ้านเพิ่นมียางยุสองพันกว่าต้น ขายแต่ละเทื่อได้เทื่อละสี่หมื่นกว่าบาท
อิจฉาเพิ่นยุ ว่าสิปลูกเพิ่มอีกยุแต่ว่าหมากกะตังค์บ่มีเนาะตอนนี้มียุแค่พันสองร้อยต้นเอง
จบแค่นี้ก่อนเนาะครับ ขอบคุณพื้นที่บ้านมหา ที่ให้โอกาศบ่าวจัยได้มาเว้าให้พี่น้องฟังครับ
ขอบคุณทุกเสียงทุกนามที่เข้ามาเบิ่งครับ ตามไปเบิ่งเตาเผาถ่าน แบบโบราณเด้อครับ
:em01)
Bookmarks