กำลังแสดงผล 1 ถึง 8 จากทั้งหมด 8

ฮักเจ้าคือเก่าเด้อ

  1. #1
    บ่าวมน
    Guest

    เรื่องฮิตน่าอ่าน ฮักเจ้าคือเก่าเด้อ


    สิจั่งได๋กะตามหล่า เส้นทางลามาถึงฝั่ง
    เส้นชัยบ่อนความหวัง บ่ถึงฝั่งได้เคียงน้อง
    อยากโฮฮ้องว่าฮักหลาย
    เขานั้นดีกว่าอ้าย ความสบายมีพร้อมกว่า
    ขอยอมรับแล้วทูนหัว ความลงตัวชีวิตเจ้า
    บ่ขอเข้าไปทัดทาน จากน้ำตาลเหมิดหวานล่อ
    ซ่ำเอาเครือกอฮอ มาทาคอให้ขมขื่น
    อ้ายบ่ฝืนดอกน้องหล้า ไปสาเจ้าอย่าห่วงเลย
    จากที่เคยมีคำเว้า ว่าสองเฮาเป็นเงาคู่ เปลี่ยนจากเฮาเป็นเขาคู่
    อ้ายอดสูสู้บ่ได้ใจเอ้ย มาหวั่นไหว
    น้ำตาไหลลงอาบหน้า เช็ดเองนาบ่ต้องห่วง
    บ่ใหญ่หลวงสำหรับอ้ายเฮ็ดใจได้หากเอ่ยลา
    ให้ไปดีซะเด้อหล่า รักอำลาแพ้เขาคัก คำสุดท้ายผู้พ่ายรัก
    สิขอทักกล่าวเว้า ว่าฮักเจ้าคือเก่าเด้อ



    ผิดพลาดหม่องได๋กะขออภัยเด้อครับ ลองเขียนเบิ่ง พอสิเป็นผญาได้บ่ครับอาจารย์ศรี

  2. #2
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961


    เปลี่ยนคำเว้าจักหน่อย อ้ายกะบ่ได้ว่าดอกเด้อน้องครับ

    มันคือกันสุโตโพดดอกเด้อน้องครับ ฮ่า ๆ ๆ


  3. #3
    Membership renewed สัญลักษณ์ของ บ่าวจ้ำ
    วันที่สมัคร
    Jan 2009
    ที่อยู่
    ขัวข้วมของหนองคาย
    กระทู้
    579
    บล็อก
    2

    เรื่องฮิตน่าอ่าน เจ๋ง

    เจ๋งครับเจ๋ง

    ยอมรับฝีมือครับสำหรับการเริ่มต้น

    จ้ำการันตรี ว่าเจ้าเจ๋งเข้าตา

    เจ๋งเจ๋ง

  4. #4
    บ่าวมน
    Guest
    ขอบคุณหลายๆครับอ้ายโจ่โล่ ที่แนะนำ กำลังหัดเขียนบ่ค่อยเข้าใจปานได๋

  5. #5
    กระทู้ต้นฉบับโดยคุณ บ่าวมน
    ขอบคุณหลายๆครับอ้ายโจ่โล่ ที่แนะนำ กำลังหัดเขียนบ่ค่อยเข้าใจปานได๋
    จั่งแม่นเพิ่นบ่เข้าใจเนาะ อาจารย์โจ่โล่เพิ่นหมายถึงว่า อย่าลอกของเพิ่นมาเหมิดสุโตหลาย สั่นดอกพี่น้อง ฮ่า ฮ่า แม่นบ่ "จารย์โจ่...

  6. #6
    ฝนสิลา ฟ้าสิแล้ง หม่องแก่งสิเป็นโนน
    หม่องโพน สิเป็นหนอง ทองสิกายเป็นตะกั่ว
    แต่ในหัวใจอ้าย บ่เคยย้ายจากรักเธอ
    ฮักเสมอ บ่มีเว้น เป็นคือเก่า อยู่เด้อใจ
    บ่เคยไกล จากนาง บ่เคยห่าง จากทางเจ้า
    คันเต่าบ่ใหญ่ท่อแข้ แย้บ่ใหญ่ท่อซ้าง ทางอ้ายกะสิรอ
    คันปลาหมอบ่กลายเป็นปลาค้าว ปลาขาวนาบ่กลายเป็นปลาจิเดิด
    ผักอีเลิดใบบ่ใหญ่ท่อกระด้ง สิลืมเจ้าแม่นบ่มี สั่นแหล่ว นางเอย...

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    อ้าย เอ้ย ย้าสุเว้าจังสั้น คนฮักกันน้องแหละพี น้องบอเคยว่าสิหนี

    ยังหวังดีมีแต่อ้าย บอหมายร่วมดอกฮวมไผ บอหลายใจคือคนเว้า

    เพินเฮ็ดให้สองเฮา เอามาเว้าเอามาซ่า แท้ที่จริงน้องนี้น้า

    ยังบูซาฮักอ้าย บอลั้ยทิ่มดอกป่อยปะ ปราถนาสิฮ่วมซ้อน

    น้องขอเป็นคู่นอน บอหมายซ้อนไผดอกพี แมนสิจนหรือมี

    บอเคยหนีจากเจ้า แมนไผเว้าก็บอสน เซื่อความคนสิพาฮ้าง

    เพินสิยุให้หักพัง อ้ายย้า อ้างเอามาว่า ให้เซื่อน้องเบิงก่อนน้า

    อย่าสุ มากล่าวเว้า ขอมีเจ้าดอกผู้เดียว นั้นแหล่วอ้ายเอ้ย

  8. #8
    ศึกษาหาความรู้
    วันที่สมัคร
    Jan 2009
    กระทู้
    30
    กระทู้ต้นฉบับโดยคุณ บ่าวมน

    สิจั่งได๋กะตามหล่า เส้นทางลามาถึงฝั่ง
    เส้นชัยบ่อนความหวัง บ่ถึงฝั่งได้เคียงน้อง
    อยากโฮฮ้องว่าฮักหลาย
    เขานั้นดีกว่าอ้าย ความสบายมีพร้อมกว่า
    ขอยอมรับแล้วทูนหัว ความลงตัวชีวิตเจ้า
    บ่ขอเข้าไปทัดทาน จากน้ำตาลเหมิดหวานล่อ
    ซ่ำเอาเครือกอฮอ มาทาคอให้ขมขื่น
    อ้ายบ่ฝืนดอกน้องหล้า ไปสาเจ้าอย่าห่วงเลย
    จากที่เคยมีคำเว้า ว่าสองเฮาเป็นเงาคู่ เปลี่ยนจากเฮาเป็นเขาคู่
    อ้ายอดสูสู้บ่ได้ใจเอ้ย มาหวั่นไหว
    น้ำตาไหลลงอาบหน้า เช็ดเองนาบ่ต้องห่วง
    บ่ใหญ่หลวงสำหรับอ้ายเฮ็ดใจได้หากเอ่ยลา
    ให้ไปดีซะเด้อหล่า รักอำลาแพ้เขาคัก คำสุดท้ายผู้พ่ายรัก
    สิขอทักกล่าวเว้า ว่าฮักเจ้าคือเก่าเด้อ



    ผิดพลาดหม่องได๋กะขออภัยเด้อครับ ลองเขียนเบิ่ง พอสิเป็นผญาได้บ่ครับอาจารย์ศรี
    สิจั่งได๋กะตามหล่า อย่าหัวซาเด้อเนื้ออุ่น
    ดวงบ่หนุนให้น้องกับบักอ้าย เป็นคู่ครอง
    ถึงเคยฝันเคียงน้อง ฮ้องโอ่ว่าฮักหลาย
    แต่บ่มีความหมาย บ่าวพี่ซายบ่สมพร้อม
    ไปสาเด้อนวลน้อง ไปสาเจ้าอย่าห่วง
    ให้ไปควงแขนโก้ เขานั่นผู่หมั่งมี สาหล่า
    อ้ายนี่ขอหลบหน่า เอ่ยคำลา น้ำตาหลั่ง คำนาง
    หย่างนำทางจากหนี่ บ่คือกี้แต่เก่าหลัง
    ถึงฮักพังลงแล้ว ใจนี่แหลวกะยังห่วง เด้อคำ
    อยากซิบอกสู่ฟัง ให้น้องจำคำเว้า ยัง...ฮักเจ้าคือเก่าเด้อ..
    แก้ไขครั้งสุดท้ายโดย xeep; 25-09-2009 at 13:03.