หน้าที่ 2 จากทั้งหมด 8 หน้า หน้าแรกหน้าแรก 1234 ... หน้าสุดท้ายหน้าสุดท้าย
กำลังแสดงผล 11 ถึง 20 จากทั้งหมด 77

หัวข้อ: ท้าวขุนศรีธนนท์ชัย(บักซียงเหมี่ยง)5 ต่อไปเรื่อยๆจนกว่าสิจบ

  1. #11
    bandit
    Guest

    Re: ท้าวขุนศรีธนนท์ชัย(บักซียงเหมี่ยง)5

    ตอนที่ ๑๐ หลวงพ่อสูนให้แมงวัน


    หลวงพ่อถืกเยี่ยงปลาดุกปักมือ ปวดบักอย่างขนาด เคียดให้ปลาดุกอีกเด้บาดทีเนียะ
    ? บ๋า .. บ๋า .. ปลาดุกโตนี่ .. มึงสู้ติ .. สู้ติ จั่งซี้ต้องเอาไปย่างกิน จั่งสิหายแค้น ? กะเลยบอกเณรเมี่ยงว่า
    ? เมี่ยงเอ้ย เอาปลาดุกโตนี่ ไปให้แม่ออกย่าง แล้วให้เอามาจังหันมื้ออื่นเช้าเด้อ ?
    เณรเมี่ยงกะเฮ็ดตามคำสั่งหลวงพ่อ

    พอฮอดยามมื้อเซ้า หลวงพ่อ กะเข้าไปบิณฑ์บาตคือเก่านั่นล่ะหว๋า ส่วนเณรเมี่ยง กะเตรียมพาข้าว เตรียมข้าวของไว้ท่าอยู่ศาลา พอดีแม่ออก กะเอาปลาดุกย่างมาส่ง โฮ้ ปลาดุกย่าง กลิ่นมันกะหอมขนาดล่ะเว่ย

    เณรเมี่ยง เอาปลาดุกย่าง ไปวางไว้หม่องพาข้าวหลวงพ่อ กลิ่นปลาดุกย่าง หอมหวนยั่วยวนใจเลา บักขนาด เลาทนบ่ไหว เลยบิ๋หางแก่ะ ... ตัดสินใจ ลองซิมเบิ่งคำน้อย ๆ ...มันล่ะแซบตี้ล่ะ กะเลยซิมต่ออีก เทื่อล่ะคำน้อย ๆ ซิมไปซิมมา เหลือแต่ก้างกับหัว กะยังว๋ากะยังว่า เณรเมี่ยงเลาแซบคัก กินปลาดุกหลวงพ่อ เหมิดเลยว่าซั่นเถาะ

    พอกินเหมิดแล้ว จั่งค่อยคิดได้ ตกใจบักใหญ่ ย่านถืกหลวงพ่อด่ากะพ่องกัน
    ? ตายคัก ๆ ตายคัก ๆ เฮ็ดจั่งได๋น้อ บาดทีเนี่ย ?

    พอดีคึดแผนอุบายได้ ... เณรเมี่ยงเลากะฉลาดเนาะ
    เณรเมี่ยง เอาเศษปลาดุกที่เหลืออยู่นั่น วางใส่จาน แล้วกะเอาวางทิ้งไว้ ... บ่ทันพอคราว แมงวันกะมาตอมแซว ๆ จับดำจุ่มกุ่มอยู่ พอได้จังหวะ เณรเมี่ยง กะเอาบาตรงุมจาน บึบ ว่าหนึ่ง ขังแมงวันไว้ในบาตรหั่นล่ะ เสร็จเรียบร้อยแล้ว กะยิ้มย่วย ๆ สำบายใจเสย

    หลวงพ่อกลับจากบิณฑ์บาต แล้วกะฉันจังหันน้อ..กะถามหาปลาดุกย่าง เณรเมี่ยงกะบอกว่า เอาไว้ในจาน เอาบาตรงุมไว้อย่างดี พอหลวงพ่อเปิดบาตรขึ้น แมงวันพากันตกใจ กะบินแตก พืง วะนึง

    ? โฮ้ ... ปลาดุกย่าง ... เหลือแต่หัวกับก้าง ... ปาดทิโธ แมงวันซุมนี้ บังอาจมาหลอยกินปลาดุกย่างกู ? หือน้อ ?

    หลวงพ่อเลาสูน แล้วกะเคียดให้แมงวันเด้ บาดตาทีเนี่ย

    เณรเมี่ยงกะหัวย่ามใน ใจ ?รอดแล๊ว รอดแล้ว ได้แมงวันมาซอยซีวิต? พะนะว่า เหอ เห้อ ...( เสียงหัวเด้หนิ )



  2. #12
    รวงข้าว
    Guest

    Re: ท้าวขุนศรีธนนท์ชัย(บักซียงเหมี่ยง)5

    น้องว่าแล้วปลาดุกน้องที่ย่างไว้ป่นมันคือเหลือแต่ก้าง บัดได่แท้แมงวันมาลักกินนี่เอง สูนย้อนหลังแท้น้อ :)

  3. #13
    deksersa
    Guest

    Re: ท้าวขุนศรีธนนท์ชัย(บักซียงเหมี่ยง)5

    Re: ท้าวขุนศรีธนนท์ชัย(บักซียงเหมี่ยง)5 กระทู้ต้นฉบับโดยคุณ ปลาร้าน้อย
    เคยกินล่ะบ้อจ้า คือฮู้ว่ามันบ่แซบ Re: ท้าวขุนศรีธนนท์ชัย(บักซียงเหมี่ยง)5 Re: ท้าวขุนศรีธนนท์ชัย(บักซียงเหมี่ยง)5 Re: ท้าวขุนศรีธนนท์ชัย(บักซียงเหมี่ยง)5
    55555555555+ เอาคะแนนไปติ

  4. #14
    bandit
    Guest

    Re: ท้าวขุนศรีธนนท์ชัย(บักซียงเหมี่ยง)5

    ตอนที่ ๑๑ หลวงพ่อแก้แค้นแมงวัน


    หลังจากฉันจังหันแล้ว หลวงพ่อกะมานั่งทอดถะเนิ่ง เคี้ยวหมาก จั๊บ จั๊บ พักผ่อนอยู่นอกชานกุฏิ คึดหาวิธีแก้แค้นแมงวันไปนำเด้... เณรเมี่ยง กะนั่งท่องหนังสืออยู่ข้าง ๆ เด้
    พอดี้ ตอนนั้น มีแมงวันโตหนึ่ง บินมาจับอยู่หน้าผากหลวงพ่อ หลวงพ่อเลายังเคียดให้แมงวันอยู่แล้ว กะเลยเอิ้นเณรเมี่ยง พร้อมกับเอามือ ซี้ใส่หน้าผากเจ้าของ แบบบ่กะดุกกะดิกร่างกาย กะดิกแต่นิ้ว นั่นหนา
    ? เมี่ยง ... ฮึ ฮึ ? เลาต้องการสิบอกให้เณรเมี่ยง จัดการกับแมงวันโตนั่นละหว๋า แต่ว่าย่านแมงวันบินหนีก่อน เลยบ่กล้าเว้าแฮง ว่าซั่นเถาะ
    เณรเมี่ยงกะเงิกฝ่ามือขึ้น เตรียมสิตีแมงวัน
    หลวงพ่อเลาย่านแมงวันบ่เจ็บ สิห้ามเณรเมี่ยงบ่ให้ใช้ฝ่ามือ แต่ว่าให้ใช้ค้อนตอกสิ่ว ที่วางอยู่ข้างเสาแทน นั่นน๋า กะเลยส่งเสียงห้าม แล้วกะสิ่งสายตา ไปทางค้อนตอกสิ่ว ส่งเสียงบอก
    ? หึ หึ ...ฮือ ฮือ ? ( อ่านแบบบ่อ้าปากเด้อ ) ( หมายถึง ? หื่อ หื่อ .. พุ่น พุ่น ? )
    เณรเมี่ยงกะเข้าใจ เลยค่อย ๆ ต่อด ไปหยิบค้อนตอกสิ่ว เตรียมสิฟาดแมงวัน
    ? อือ อือ ? หลวงพ่อให้สัญญาณว่า แมนแล้ว จัดการเลย ... เณรเมี่ยงกะฟาดเหมิดแฮง

    ปัวะ ! ! !

    หลวงพ่อล้มป่างง่าง เอามือลูบหน้าผาก
    ? โฮ้ โธ โธ เจ็บ ๆ ?
    ? เป็นจั่งได๋ครับ หลวงพ่อ ?

    หลวงพ่อลุกขึ้นได้ กะตอบว่า
    ? วินม่องเลยเมี่ยงเฮ้ย ..... แต่ว่า สะใจหลวงพ่อคักเว่ย ... ขนาดหลวงพ่อยังเจ็บปานนี้ แมงวัน มันโตน้อยก่อหลวงพ่อ ตั้งว่าหลายเท่า มันต้องเจ็บก่อหลวงพ่อ หลายเท่าคือกัน .. ฮู้ สะใจคัก ได้แก้แค้นแมงวัน ?

    เณรเมี่ยงกะยิ้มย่วย ๆ แหล่วเนาะ ย่อนว่า ตีแมงวันฮอดบ่ถืกจ้อย มันบินหนีก่อน
    ปานนั้น หลวงพ่อยังดีใจเสยเด้เดียวหนิ
    หลวงพ่อน้อหลวงพ่อ





  5. #15
    รวงข้าว
    Guest

    Re: ท้าวขุนศรีธนนท์ชัย(บักซียงเหมี่ยง)5

    5555+++ Re: ท้าวขุนศรีธนนท์ชัย(บักซียงเหมี่ยง)5 Re: ท้าวขุนศรีธนนท์ชัย(บักซียงเหมี่ยง)5

  6. #16
    bandit
    Guest

    Re: ท้าวขุนศรีธนนท์ชัย(บักซียงเหมี่ยง)5

    ตอนที่ ๑๒ ลาวเชียงข้วมน้ำ-เสียเมี่ยง


    มื้อนึง เณรเมี่ยงไปย่างเล่นแถว ๆ ห้วย เลาะวัด (ไกลวัดเติบอยู่ดอกว้า)... มื้อนั้น พวกลาวเชียง สิเอา เมี่ยง มาส่งให้พระราชาเมืองทวาลีเนาะ พวกลาวเชียง กะพากันหาบเมี่ยง ย่างมาฮอดห้วยหม่องนั่น เห็นน้ำในห้วยแล้ว กะลังเลสงสัยว่า ?น้ำในห้วย มันเลิ่กบ่นอRe: ท้าวขุนศรีธนนท์ชัย(บักซียงเหมี่ยง)5
    คันมันเลิ่ก กะย่านเมี่ยงเปียกเนาะ พอดี เหลียวเห็นเณรเมี่ยงอยู่อีกฝั่งนึง กะเลยฮ้องถามว่า

    ? พี่เณร พี่เณร น้ำในห้วยนี่ เลิ่กบ่ ย่างข้วมได้บ่ ?

    ? น้ำในห้วยกะบ่เลิ่กปานได๋ดอก พอยั่งได้อยู่ แต่เรื่องย่างข้วมนี่ คือสิย่างข้วมบ่ได้ ดอกเด้อ โยมเอ้ย ?

    ? คันพอยั่งได้กะต้องย่างข้วมได้ตี้ ?

    ? ย่างข้วมบ่ได้ดอก รับรองว่าย่างข้วมบ่ได้ คันซุมเจ้าย่างข้วมได้ ข้อยสิสึก ไปเป็นคนรับใช ้ซุมเจ้าเลย แต่ว่าคันซุมเจ้า ย่างข้วมบ่ได้ เมี่ยงทั้งเหมิดนี่ ต้องเป็นของข้อย ตกลงบ่? ?

    พวกลาวเชียง คึดว่าต้องย่างข้วมน้ำได้แน่ๆ กะเลยตอบตกลง แล้วกะหาบเมี่ยง ย่างลุยน้ำมา จนฮอดอีกฝั่งนึง จั่งฮู้ว่า น้ำกะเลิ่กแค่แอวเอง ย่างลุยข้วมได้สะบาย... พอข้วมมาแล้ว กะว่า

    ? น่าน พวกข้อยย่างข้วมได้แล้ว พี่เณรต้องสึกมาเป็นคนรับใช้พวกข้อย ?

    ? พวกเจ้าย่างข้วมมาวะติ...บ่แมนเดิก หว่างฮั่นนี่ พวกเจ้าย่างลุยน้ำมา บ่แมนติ.. ลุยน้ำจนเปียก ยังมาว่าย่างข้วมอีก...คันย่างข้วม ต้องย่างก้าวเดียวข้วมน้ำ ข้วมห้วยบึบโลด..แมนบ่... พวกเจ้าแพ้แล้ว... เอาเมี่ยงทั้งเหมิดมาให้ข้อยเลย...ไป ไป หาบเข้าไปไว้ในวัด ไป... ?

    พวกลาวเชียง เถียงบ่ได้ ปากบ่ออก กะเลยเสียเมี่ยง ให้เณรเมี่ยง เหมิดเลย ซั่นแหล่ว



  7. #17
    ร่วมถ่ายทอดความรู้สู่สังคม สัญลักษณ์ของ แป้งป๋อง
    วันที่สมัคร
    Sep 2006
    กระทู้
    953

    Re: ท้าวขุนศรีธนนท์ชัย(บักซียงเหมี่ยง)5

    55555 โอ๊ยเนาะ หัวหมอคัก เซียงเหมี่ยงแมะ Re: ท้าวขุนศรีธนนท์ชัย(บักซียงเหมี่ยง)5

  8. #18
    bandit
    Guest

    Re: ท้าวขุนศรีธนนท์ชัย(บักซียงเหมี่ยง)5

    ตอนที่ ๑๓ พระราชาไถ่เมี่ยงคืน


    พวกลาวเชียง เสียเมี่ยง ให้เณรเมี่ยง จนเหมิดเกี้ยง เลยบ่มีเมี่ยง ให้เจ้าเมียง(เมือง) ซั่นแหล่ว...คันสิกลับเมืองเชียง ไปหาบเมี่ยง มาให้เจ้าเมือง พระราชากะสิเคือง ว่าผิดนัดแท้....บ๋า ต้องไปเข้าเฝ้าพระราชาแจ้งเหตุสาก่อน...

    พระราชา ฟังเรื่องราวแล้ว กะคึดว่า ? เณรผู้นี้ ปัญญาดีเติบยุน้อ ? กะเห็นอกเห็นใจพวกลาวเชียงเนาะ เลยบอกว่า สิไถ่เมี่ยงคืนให้ดอก ให้ไปบอกเณรว่า

    ? พระราชาสิไถ่เมี่ยงเป็นเงิน ห้าบาด (บาท) ให้เณรคืนเมี่ยงให้ลาวเชียงสา ?

    พวกลาวเชียง กะกลับไปบอกเณรเมี่ยง ตามนั่นล่ะ

    เณรเมี่ยงกะเลยเอาบาตรให้พวกลาวเชียง ห้าใบ บอกว่า
    ? เงิน ห้า บาด วะติ เอ๋า นี่ บาตร ห้า ใบ เอาไปใส่เงินมาจนเต็ม ห้า บาตร เด้อ ?

    พวกลาวเชียง กะเอาบาตร ห้าใบ ไปเฝ้าพระราชาอีก แล้วกะทูลพระราชาตามนั่น

    พระราชา เป็นพระราชา เป็นกษัตริย์เนาะ ถือคติว่า ? กษัตริย์ ตรัสแล้ว บ่คืนคำ ? กะเลยจำเป็นต้อง เอาเงินใส่บาตร จนเต็มเทิง ห้าบาตร เหมิดเงินไป ๔๙๖ ชั่ง หรือเกือบ หมื่นบาท (แทนที่สิเสียแค่ ๕ บาท)

    ? โฮ้..เณรรูปนี้ คือสำมะคัน แท้ว้า.. ? พระราชาคึดในใจ...

    เณรเมี่ยง กะเอาเงินส่วนนึง ไปซ่อมแซมวัด ส่วนนึงกะเก็บไว้

    (ส่วนได๋หลายกว่ากัน บุล่ะหวา)





  9. #19
    สงัด903
    Guest

    Re: ท้าวขุนศรีธนนท์ชัย(บักซียงเหมี่ยง)5

    Re: ท้าวขุนศรีธนนท์ชัย(บักซียงเหมี่ยง)5 Re: ท้าวขุนศรีธนนท์ชัย(บักซียงเหมี่ยง)5 Re: ท้าวขุนศรีธนนท์ชัย(บักซียงเหมี่ยง)5 บักเซียงเหมี่ยง มึงให่กูกินขี่หมาเบาะ Re: ท้าวขุนศรีธนนท์ชัย(บักซียงเหมี่ยง)5 Re: ท้าวขุนศรีธนนท์ชัย(บักซียงเหมี่ยง)5 Re: ท้าวขุนศรีธนนท์ชัย(บักซียงเหมี่ยง)5

  10. #20
    bandit
    Guest

    Re: ท้าวขุนศรีธนนท์ชัย(บักซียงเหมี่ยง)5



    ตอนที่ ๑๔ เซียงเมี่ยงเก็บหมาก-เก็บขี้


    เณรเมี่ยง เลาบวชได้หลายปีเติบ กินข้าวบาตรจนใหญ่ขึ้น เป็นบ่าวสำน้อย คิดสิเอาดีทางโลก บ่แมนทางธรรม กะเลยสึกออกมาเป็นฆราวาส จากนั่นมา คนกะเลยเอิ้นเลาว่า

    ? เซียงเมี่ยง ? ( ผู้ปาดเปี่ยง .... ปาดแตงออกเป็นเปี่ยง ๆ บ้อ หรือว่า ปาดปัญญาผู้อื่นออกเป็นเปี่ยง ๆ Re: ท้าวขุนศรีธนนท์ชัย(บักซียงเหมี่ยง)5)

    สึกออกมาแล้ว หลวงพ่อกะพาเซียงเมี่ยง ไปฝากไว้กับขุนนางผู้นึง ให้เป็นคนรับใช้ ว่าซั่นเถาะ ขุนนางผู้นี้ (เอิ่นเลาว่า ขุนงาย สาเนาะ) ขุนงายไปไสมาไส กะสิมีเซียงเมี่ยง เป็นคนติดตามรับใช้ เด้

    มื้อนึง ขุนงายสิเข้าไปประชุม ในเมืองเนาะ เลากะขึ้นขี่ม้า ให้เซียงเมี่ยง ถือกะต่าหมาก ย่างนำก้น เด้ ม้ามันกะย่างไวเนาะ เซียงเมี่ยง กะย่างแหน่ แล่นแหน่ เหลียวเบิ่งนก เบิ่งต้นไม้นำข้างทาง ไปนำล่ะหวา กะต่าหมาก กะฟัดไปฟัดมา เซียงเมี่ยงผัดบ่สังเกตว่า หมากของขุนงาย ค่อย หลุด ค่อย หล่น ออกจากกะต่าหมาก เด้เดียวหนิ..

    พอขุนงาย ไปฮอดหม่องประชุม อยากเคี้ยวหมาก กะเอากะต่าหมากจากเซียงเมี่ยงมา พอสิหาหมาก พลู เขียงคูน ปูน ยาเส้น... ของซุอย่างที่เตรียมไว้ บ่ยังจ้ากเม็ดเอาโลด จักวะหายไปไสเหมิด กะยังว้ากะยังว่า

    ? เอ้า..หมากกูหายไปไสเหมิดล่ะเซียงเมี่ยง? ? เลาถาม

    ? เอ๋า..มันหายไปไสล่ะ.. สงสัย มันตก หล่น นำทางล่ะมั้ง ขะน้อย ? ว่าซั่น เซี่ยงเมี่ยงว่า

    ?ฮู้.. มันตกมันหล่น กะบ่ฮู้จักเก็บเนาะ เจ้ากะดาย.. ทีหลัง กะเก็บเอา ให้มันเหมิดเด้อ?

    ขุนงาย สอนสั่งเซียงเมี่ยง แล้วกะไปขอหมากผู้อื่นมาเคี้ยว....

    มื้อลุนมา ขุนงาย เข้าไปประชุมอีก ขี้ม้าไปคือเก่านั่นล่ะ เซียงเมี่ยง กะเป็นคนถือกะต่าหมาก ย่างนำก้น อีกคือเก่านั่นล่ะ กะคนวัยกำลังคึกคะนองเนาะ ถืออีหยัง มันกะถือบ่ค่อยเชียมดีดอก ย่างไปนำ แล่นไปนำ กระโดดไปนำ หมากมันกะหล่นจากกะต่าแหล่วเนาะ

    พอหล่นปับ เซียงเมี่ยงกะก้มเก็บปับ เก็บกะบ่เก็บเฉพาะหมากเด้เดียวหนิ ก้มลงเห็นก้อนหินแฮ ่กะเก็บเอา ก้มลงเห็นก้อนขี้ม้าแห้ง กะเก็บเอา ก้มลงเห็นก้อนขี้งัวแห้ง กะเก็บเอา เก็บเอาเหมิดเอาโลด

    พอขุนงาย มาฮอดหม่องประชุม สิเคี้ยวหมาก เอากะต่าหมากมา จักวะแมนอีหยังแหน่เอาโลด อยู่ในกะต่า กะดาย เฮ็ดมุ่นอุ้ยปุ้ยเอาโลด เด้เดียวหนิ มีหมากพลู มีเทิงขี้ไก่ ขี้ม้า ขี้งัว ขี้หินแฮ่.. เต็มไปเหมิดเอาโลด ผู้ได๋ล่ะ สิกล้าเอาหมาก ในกะต่านั่นมากิน มาหย่ำ ... เลาสูนให้เซียงเมี่ยงวะสั่น ...

    เซียงเมี่ยงกะแก้โตว่า

    ? กะท่านขุนบอกว่า ให้เก็บเอาเหมิด ผู้ข้าฯกะเก็บเอาเหมิดนั่นแหล่ว ผู้ข้าฯ เฮ็ดตามคำสั่ง ทุกประการแล้วเด้ ขะน้อย ?

    ?กูบอกให้เก็บเอาหมาก เอาพลู บ่แมนให้เก็บเอาขี้ เด้เดียวหนิ บักเซียงเมี่ยงเอ้ยน้อ?

    ขุนงาย กะบ่มีหมากเคี้ยว กะต้องไปขอหมากผู้อื่น มาเคี้ยวคือเก่า นั่นแหล่ว

    แต่ผัดนั่นมา เลากะบ่เอาเซียงเมี่ยง ไปถือกะต่าหมากอีก แต่ว่า ให้เซียงเมี่ยง เฮ็ดงานบ้านแหน่ ไปเฮ็ดนาแหน่ แล้วแต่ ล่ะหวา ...




หน้าที่ 2 จากทั้งหมด 8 หน้า หน้าแรกหน้าแรก 1234 ... หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •