การเลี้ยงกบในเมืองกรุง
มื้อนี้ฅนภูไทมีแนวมาฝากหลังจากห่างหายไปโดน(เนื่องจากติดภารกิจ) มื้อนี้บังเอิญว่างกะเลยหาแนวดี ๆ มาฝากพี่น้องบ้านมหา เนื่องจากคนอีสานไปอยู่ไสกะบ่เคยลืมถิ่นกำเนิด ยังคงรักษาวัฒนธรรมการอยู่การกินที่เป็นเอกลักษณ์ของชาวอีสานไว้เสมอบ่ว่ารวยหรือจน มาเบิ่งกันเลยน้อว่าเขาเลี้ยงกันแบบได๋ อันนี้เป็นไอเดียของพี่เขยของฅนภูไทเอง เพิ่นเป็นคนอุบลอยู่ อ.ม่วงฯ มักกินป่นขนาด เลยเกิดไอเดียนี้
เอาผลงานมาให้เบิ่งก่อน เหอๆ ว่าประสบความสำเร็จขนาดได๋
การเลี้ยงกบในเมืองกรุง มีข้อจำกัดหลายพอสมควร 1. ต้องมีรั้วรอบขอบชิด เป็นกำแพงปูนแฮ่งดี 2. ต้องมีเนื้อที่พอสมควร 3 ต้องมี ต้นบ่อน้ำ แล้วกะต้นไม้ ไว้ให้กบได้หลบซ่อนนำ
เมื่อทุกอย่างพร้อม กะจัดการหาพ่อพันธุ์แม่พันธุ์ มาตามสะดวก รึสิ เอาลูกมันมาปล่อยเลยกะได้ เอามาหลาย ๆ แหน่เด้อ เผื่อมันหนี มันตายนำ
ช่วงที่เหมาะสำหรับการเริ่มต้นในการเลี้ยง กะคือช่วงต้นฤดูฝน
ส่วนเรื่องอาหารกะบ่ต้องยุ่งยาก ให้มันหากินแมงไม้ตามบริเวณบ้านนั้นหละ ควรสิให้หัวอาหารมันสลับบ้าง มันจังสิใหญ่เร็ว (อันนี้พ่อพันธุ์แม่พันธุ์)
เมื่อกบใหญ่ได้ที่ กะเอามาจัดการตามใจชอบ บ่ต้องเสียเงินซื้อ แถมปลอดภัยอีกต่างหาก
หากไผมีเนื้อที่ กะลองเลี้ยงเบิ่งครับ พี่เขยบอก บ่สงวนลิขสิทธิ์
Bookmarks