คึดฮอดหลาย...ยามไกลห่าง
*******
อ้ายคึดยากหลาย ยามสิไกล...ห่างเจ้า
เฮ็ดจั่งใด๋นอ..ใจเฮา คือคึดนำเขา...อยู่ทุกเวลา
ยามเมื่อต้องจาก คำแพงไปไกลสายตา
ย้านหลายเด้..ย้านขวัญตา สิลืมวาจา..ที่เคยว่าไว้
ก่อนเคยอยู่เคียง นั่งเฮียง..ไปเหนือจรดใต้
สองเฮา..คือฮักกันหลาย ฮักเบิดหัวใจ..บ่เหลือเผื่อไผ
ตราบฟ้าและดิน ฮักเฮา..บ่สิ้นสลาย
มั่นคงตราบจนชีพวาย สิบ่มีใจฮักไผอีกเลย
อ้ายขอสัญญา ไปไกลหน้า สิบ่หวั่นไหว
สิฮักมั่นคง ซื่อตรง บ่มีเปลี่ยนไป
น้องหล่า โปรดจงมั่นใจ
ว่าอ้าย บ่ลืมความหลัง
สิเฝ้ารอคอย คอยวัน สิหวนคืนมา
คืนกลับมารับขวัญตา เป็นคู่ชีวาดังใจมุ่งหวัง
ให้น้องคอยท่า ถ่าอ้าย หวนกลับคืนรัง
สองเราจะได้สมหวัง อยู่เคียงนางตราบดินสลาย
พิณอิสระ
๔ ก.ค. ๕๒
ราตรีใต้แสงจันทร์
เฮือนอีสาน ภูฝอยลม อุดรธานี
Bookmarks