มาเด้อพี่น้องบ้านมหา กินขนมจีนน้ำยาไก่แบบลาวๆนำกัน เฮ็ดกินแต่วันอังคารพุ้นหละ กินกับหมู่3คน เบิดพอดี
เครื่องปรุง
ต้มเนื้ออกไก่ใส่ข่า ตะไคร้ หอมใหญ่ ใบมะกรูด เกลือ ดับคาวจ้า
ตำพริกแห้งจักกำมือหนึ่ง เกลือเม็ด ใส่กระชาย หอมแดง กระเทียมฝรั่งกลีบเดียวพอ โขลกให้ละเอียด
ใส่กระปิ เนื้อไก่ที่ต้มไว้ โขลกต่อ
ตักออกใส่หม้อ คั่วกับน้ำต้มไก่พอหอม เติมน้ำปลาแดกต้ม คั่วต่อไป
อิอิ มีทีนไก่ใส่นำเด้อ แล้วใส่น้ำต้มให้เดือด ชิมเบิ่ง ปรุงรสตามชอบ
แล้วใส่ต้นหอมหั่น ผักชีลาวหั่น ผักชีนำนิดหน่อย ใบหมากกรูดฉีก...ปิดไฟโลด
เสริ์ฟกับไข่ต้ม...แชบคัก คั่นสิเฮ็ดแบบใส่กระทิกะได้จ้า ตอนคั่วใส่กระทิเลย
แล้วบ่ต้องใส่น้ำปลาแดกเด้อคั่นสิเฮ็ดออกไทยๆ...ผักชีลาวกะบ่ต้องใส่จ้า...คั่นใส่กระทิ สีแดงงามกว่านี่อยู่แหล่ว..
อันนี่สุตรเฮ็ดง่ายๆ ตามประสาคนไกลบ้าน เครื่องปรุงบ่ครบเนาะจ้า....
Bookmarks