....อ้ายบ่ฮู้ดอกหล่า คนนั้นหน่ะฮักน้องซ่ำได๋...

[บ่าวโจ่โล่]

อ้ายบ่ฮู้ ดูบ่เห็น ว่าเขาเป็นจั่งได๋แน่ ความในใจเขาแท้ แท้ ว่าจริงแน่ดอกซ่ำได๋

ถ้าความฮักคือการให้ สละได้เจ้าอย่าห่วง ถ้าอยากควงคือใจตั้ง อ้ายบ่ยั้งไปนั่งขวาง

ยอมทุกทางนั่นเด้อหล่า เชิญบอกมาให้มันคัก ว่าเจ้าพ้อคนที่รัก แล้วขอพักคนจั่งพี่ ไปแทนที่ซ่ำพีชาย

อยากให้เป็นเพียงแค่อ้าย บ่หลวงหลายสำหรับพี่ ขอเพียงเจ้าว่าสุขขี สิเต็มทีความเจ็บช้ำ อ้ายขอย้ำไส่เจ้าของ

น้ำตานองต้องเปื้อนหน้า ปากกับตายังยิ้มส่ง คำตกลงเรื่องรักใคร่ อ้ายยอมให้ เจ้าสู่ทาง

ขอเผชิญความอ้างว้าง กับทางย่างที่เดียวดาย หากแม่นตายย่อนห่วงหา ฝากสั่งลามานำเพื่อน กะได้เด้อน้องเอ๊ย





..

[คนตระการ...]

บ๊ะ...คือถืกใจแท้น้อ

[หญ้านาง]

ม่วนๆอ้ายเข้าบรรยากาสคัก นางมักแฮงจ้ากลอนนี้กับเพลงนี้

น้องฮู้ยุอ้าย เจ้าฮักน้องหลายส่ำได๋
แต่ว่าใจของนาง มอบให้เขาแล้ว
เถิงสิเหลือโตนอ้าย หัวใจผัดเอิ้นสั่ง
อย่าสู่ซังเด้ออ้าย ขอเป็นน้องเจ้าผุเดียว
ชาตินี้บ่ได้เกี้ยว กลกล่อมอ้ายคิงกลม
บ่ได้สมใจนึก คึดว่าผะหลาน้อย
บ่ได้สมใจจ้อย ขอเป็นนวลเด้น้องว่า
เป็นมาลาดอกน้อย ห้อยคออ้ายบ่าวพี่ชาย

[หนุ่มเหงาคนไกลบ้าน]

ฮักน้องหลายมีสิทธิ์ใด่แค่พี่ชาย
คนฮักพ่ายหมดทางแก้เเล้วนางเอ้ย
บ่อใด่ทำบุญฮวมชาติตักบาตฮวมขัน
ชาตินี้นั้นคงบ่อใด่นางมาเป็นครูครอง
ไปดีเด้อนางน้องคนคืออ้ายซิขอหลีกทาง
ให้มีสุขกับเขาทุกอย่างลืมคนฮ้างๆๆคืออ้ายสา

[หมูหวาน]

ความหวังกลาย เป็นลมซา หายจ้อย
ย้อนเห็นเพิ่น ก่อนเห็นอ้าย น้ำตาฟาย ไหลพราก
บ่ อยากจาก ไกลกล่ำ ย้อนคิดนำเจ้า แค่พี่ซาย
ยืนก้มหน้า ใจเศร้า บ่เหลียวหลัง พี่ซายสั่ง ไปดีเด้อหล่า
ใจยังฮัก บ่คิดต่างไปจาก อื่น สิคิดฮอดพี่ซาย บ่ลืมหาย
ผลสุดท้าย คงได้ทอนี้ ฮักแท้แค่ พี่ซาย ซั่นแล่วอ้ายเอ่ย...

อิอิ อ้ายโจ่โล่ ป๊าดๆๆ เพลงกับ ผญาแมะ เข้ากันคักค่ะ มาๆเบิ่งให้น้องแน่ค่ะ พอได้บ่ ซาวฟ้ามาค่ะ อิอิ ติๆๆให้แน่เด้อค่ะ อิอิ

[nuzing]

[ทิดจ่อย]

ฮักบ่สมมาตรแม้ง จดจำใจจื่อ

ย้อนผู้สาวขี้ดื้อ ตั่วล่อให้เชื่อใจ

หายไปไสน้อหล่า คนอยู่นายังถ่าอยู่

ขี่หลังควายบักตู้แนมทางเจ้าอยู่ซู่ยาม

หรือได้เป็นนางงามบ่อต่าวโค้ง

ย้านขี้ตมเปื้อนตีนบัดยามหย่าง... บ้อ

ทิ่มให้คนอ้างว้างหลงเพ้ออยู่ผู้เดียว

[สาวพุเตย]

มาเด้อ...บาดนิพุใด๋ซิมาออยน้องขวด....นั่งไห้บ่ฮู้จักเซาอยู่....ฮือ ฮือ...คือ ๆ น้องขวดแฮงแท้บาดนิ โอ้ยยยยยยยยยยยยยยยย

[หนุ่มเหงาคนไกลบ้าน]

แม่บ่น้อน้องหล่าแต่ก่อนนั้นว่าฮักอ้ายนั้นเท่าฟ้า
บัดเจอคนเหมาะสมกว่ามาแปลเปลี่ยนน้อใจคน
หรือว่าติอ้ายจนเงินทองบ่อล้นคือจั่งเขาคนนั้น
บ่อเป็นหยั่งดอกหล่าชาตาอ้ายมันอับโชค
ขอโบกมือลาให้แม่ยอดชีวามีสุขกับเขว
คนคืออ้ายขอหลบมุมเหงาเศร้าทำใจดอก ... .นางเอ้ย

[บ่าวมักเลาะ]

โดนใจผู้ลังคนคักบาดนิ