[Radio]jolo/Paya/sarn.wma[/Radio]
ว่าโอน้อสานส์นี้เขียนจากเมืองเกินร้อย ผู้รอคอยถ้ารับข่าวลมพัดย่าวขี้ผ่าไหลหลั่งย่วยเมโฆเต้าผัดเง่าขน
คิดฮอดคนต่างบ้าน ได้เขียนสานส์ส่งลงระหัสไปรษณีย์ ธนานัติแล้วยัดลงในถงเป้ จากเมืองเสลฯไทยเกินร้อย
แต่คอยเทียวจดหมายส่ง ลงหมู่บ้านเลขที่แต่เดี๋ยวนี้ข่าวบ่มี บ่คือแต่ก่อนกี้ได้เทียวส่งประสงค์หา ต่อ ต่อ
มาบ่คือหลังหรือแม่นซังพี่เฮียมบ้อ ข่าวว่ามีแฟนแล้วไปหาแซวสาวคนใหม่
สมพอจดหมายไปบ่เขียนมาตอบน้อง คองแล้วกะเปล่าดาย
คันแม่นเฮ็ดขี้ฮ้าย มีสาวใหม่บ่เห็นจาแท้น้อ จดหมายมากะยังไค บอกข่าวคราวให้พอฮู้
มีแฟนซู มีแฟนซ้อน ผญากลอนกะบ่จ่าย มีแฟนใหม่ผญากลอนกะบ่ต้อย จดหมายน้อยกะบ่ลง
ตั้งแต่ก่อนจดหมายส่งฮอดบ้าน เดี๋ยวนี้ไปรณีย์ผ่านบ่มีหยัง ห่างแท้น้อใจคนซ่างบ่สมน้อความเว้า
ลืมแล้วบ้อสัญญาไว้สองคนเฮาเคยเว้าต่อ ตอนเฮาก๋อเกี่ยวข้าวยังเคยเว้าต่อกัน เกี่ยวสองคนตากแดดฮ้อน
อ้ายยังป่อนมือมาบายนั่นเด๋ ว่าฮักหลายอ้ายลืมโต ยังโด่คอมาหอมแก้ม เว้ากันแกมหัวเย้ย มองสายตาว่าฮักอุ่น
นอนหนุนแขนใต้ฮ่มไม้ยังจำได้บ่หล่ะคุณ สัญญาฮักตั้งแต่พุ้นคงสิจืดจางหายไปแล้วน้อใจคนเอย
ซ่างลืมไว ซ่างบ่ใจคือความเว้า อ้ายมีสุขสาวเอ็มเศร้า เจ้ามีคนเอาใจสาวเอ็มให้บ่มีคู่
เจ้านั้นมีหมู่เว้าสาวเอ็มเศร้าอยู่ผู้เดียวอ้ายเอ๊ย อ้ายนั้นมีคู่เกี้ยวน้องนอนเหี่ยวอยู่คือผัก
อ้ายนั้นมีคนฮักน้องอยู่เดียวนี่แสนกลุ้ม เจ้านั้นมีแฟนตุ้มนอนคุมกันอยู่ในบ่อน น้องนอนหนาวขาดคู่ซ้อน
คู่ซ็อน ใจมันฮ้อนปานจี่ไฟอ้ายเอ๊ย เหมิดค่าซอง ค่าแสตมป์ จดว่านับบ่ได้ แต่เทียวส่งจดหมายหา ส่งกลับไป แล้วกะส่งกลับมา
คอบฮักกันแต่คราวกี้ บาดนี้เหม็นพอปานขี้ เขาไปมีซู้คนใหม่ ลืมฮอดวามเว้าไว้ ผีกินไส้แน่กะไคคนเอ๊ย
คนบ่มีสัตย์จา หาความจริงกะบ่ได้ ฮักง่ายผัดลืมไว ปากกับใจบ่ตรงกัน โหลดเปลี่ยนหันปานสายน้ำ
ยามฮักเฮาเผิ่นกินออ้ย ทำสำออยขอจับบ่า ขอจับขาผ่องจูบแก้มหัวยิ้มแย้มเผิ่นอิ่มใจ ได้กินแล้วลืมฮอดคำเว้าไว้
มีแฟนใหม่ทำทรงเฉย เสยปานหมาป๋าหำโอ๊ยฮ่าตำดอกคนเอ๊ย หม่องเคยเห็น หม่องเคยพ้อ ลืมแล้วน้อ
ฮ่าฟาดโพ่น คนเอ๊ยคน ซ่างมาตั๋วคักกะด้อ กะด้อ กะด้อ พออยากเอาค้อนน่ำกะบานเด๊น้อ คนเอ๊ย
......... ลองฟังเสียงเบิ่งเด้อครับ เสียงทีมงานเซียงคำภา ผญาย่อยครับ........
...
Bookmarks