มื้อนี่เป็นจังใด๋บุพี่น้อง บ่คึดหิวข้าว เป็นเบื่อไปเบิด สงสัยเมื่อยกายเมื่อยใจนำหละ
ตั้งแต่เช้ามาแล้วบ่กินข้าว กาแฟถ้วยเดียวแต่เช้าพุ้น บ่ายๆมากะกินหมากโมไปจานหนึ่ง
ค่ำมาเลยเฮ็ดปอเปี๊ยะแบบบ่มีเนื้อสัตว์ ใช้ผักมาเป็นไส้จ้า
เห็นว่าแซบพอกินได้ เลยเอามาฝากพี่น้องบ้านเฮา เอาไปเฮ็ดกินเบิ่ง
เครื่องปรุงกะบ่มีหยังหลายง่ายๆ
กระหล่ำหั่นฝอย, แครอทขูดฝอย, เห็ดหอมกับเห็ดหูหนูแช่น้ำให้นิ่มหั่น,
วุ้นเส้นแช่น้ำให้นิ่มตัดแหน่จะได้สั้นลง,หอมใหญ่ซอยบางๆ,กระเทียมสับ
ซีอิ๊วขาว เกลือ พริกไทย น้ำตาลปรุงรส ปริมาณกะเอาเด้อจ้า
ตั้งกระทะผัดหอม กระเทียมให้หอม ใส่เห็ด แครอท ปรุงรส แล้วใส่กระหล่ำปลี
ชิมเบิ่ง ตามใจปากผู้กินเนาะ ตักใส่จานถิ่มไว้ให้เย็น
แล้วกะเอาแผ่นปอเปี๊ยะมาห่อ ที่ติ๋มเฮ็ดได้10ห่อพอดี
นำไปทอดให้สุกเหลืองกะพอ เพราะไส้สุกแล้ว ตักขึ้นพักให้สะด็ดน้ำมัน
จัดใส่จานเสริ์ฟกับน้ำจิ้มจ้า เป็นอีกทางเลือกหนึ่ง ถ้าเบื่อข้าว เบื่อเนื้อสัตว์ กินได้3ชิ้นหละมื้อนี่ อิ่มคัก....
Bookmarks