....ขอเสียงเจ้า เว้าเติมใจ....

[บ่าวโจ่โล่]

เห็นหน้าจอบ่น้อหล่า ยามโทรหากดรับแน่ ขอเสียงหวานเจ้าซ่อยแก้ ยามอ้ายแย่และออ่นแฮง

ขอแสดงความคิดฮอด ไกลออ้มกอดปลอดยิ้มส่ง แนวเดียวคงแทนหน้าเจ้า คือเสียงเว้าว่าคิดถึง

ถ้อยคำจาบ่ลึกซึ้ง มีแนวหนึ่งยังคงเดิม บวกและเติมความห่วงหา ฮักหนักหนา คำจาเว้า

โปรดรับเอาความคิดฮอด คือแสงสอดลอดเมฆหม่น หนาวลมฝนมีแดดจ้า พอน้องหล่าได้อุ่นคีง

ถ้อยความจริงที่จาเว้า ถ้อยความเล่ากะคือเธอ มื้อนี้เด้ออ้ายเหมื่อยแฮง หล่าคำแพงคิดถึงน้อง

เสียงคลายหมองจองเด้อหล่า คำเว้าจาซ่อยฝากส่ง กดเบอร์ตรงมาหาน้อง ประคองอ้ายมื้อเหมื่อยแฮง แน่เด้อจ้า



[4SHARED]http://www.google.co.th/embed/214245537/fee25f69[/4SHARED]

[คนตระการ...]

ป้าดดดดดดดด..มากลอนได๋ บทได๋กะยังคมคือเก่า ซึ้งคักอ้ายเอ๊ย....

[ลานบุญ]

อยากเป็นผู้หญิงคนนั้นที่อ้ายกดเบอร์โทรหาเด้จ้า สิเป็นกำลังใจให้แบบบ่อขาดหายเลยจ้า ผู้หญิงคนนั้นเป็นตาโชคดีเนาะจ้า อุ้ย....ซึ้งแท้น้ออ้ายเอ้ยยยยยยยยยยย

[สาวพุเตย]

:g-:g-:g-:g- "ขอยืมส่งให้พุบ่าวแน่เด้ออ้าย เฮ่อ ๆ ๆ"

[มั่วหน่าฮ่าน]

เห็นหน้าจออยู่ดอกจ้า แต่กดหาอ้ายบ่ได้ ผัวน้องนั่งอยู่ใกล้ กดไปเดียวมันถีบ

ถ้าอยากจีบให้กดใหม่ ยามมันไปดอกเฮ็ดงาน น้องสิส่งคำหวาน จ้อกันให้มันม่วน

คึดฮอดอ้ายล้วนๆ แต่ผัวกวนอยู่บ่เซา เหงากายพอทนได้ แต่เหงาใจคึดฮอดชู้

บ่เป็นตาอยู่ซั่นแหล่ว..พี่ซายเอ๋ย

ปล. เข้ามาแซวซือๆดอกจ้า...เอิ๊กๆ...

[สาวธาตุเชิงชุม]

ความรักความคิดถึง เปรียบเหมือนกับจรวดนั้นละจ้า ติดเครื่องบาดใด ให้ใจบอกฮักเผิ่นโลด ความรักมีค่าแม้ว่าเขาบ่เห็นว่ารักนั้นสำคัญ เพราะค่าของรักอยู่ตรงหัวใจว่าซั่น อิอิ

[สาวพุเตย]

"เห็นหน้าจออยู่ดอกจ้า แต่กดหาอ้ายบ่ได้ ผัวน้องนั่งอยู่ใกล้ กดไปเดียวมันถีบ

ถ้าอยากจีบให้กดใหม่ ยามมันไปดอกเฮ็ดงาน น้องสิส่งคำหวาน จ้อกันให้มันม่วน

คึดฮอดอ้ายล้วนๆ แต่ผัวกวนอยู่บ่เซา เหงากายพอทนได้ แต่เหงาใจคึดฮอดชู้

บ่เป็นตาอยู่ซั่นแหล่ว..พี่ซายเอ๋ย"

มั่วหน้าฮ้าน +++++++++

ฮิ้ววววววววววววววววววววววว คือถืกคีงแท้น้อบาดนิ เฮ่อ ๆๆๆๆๆๆๆๆๆๆๆๆๆๆๆๆๆๆๆๆ

[พลายแก้ว]

ขอแต่เพียงสุ้มเสียงเจ้า เว้าเติมใจให้อ้ายแหน่
ถึงบ่แคร์บ่ฮักอ้าย ถึงบ่ใช่คนที่รอ
อ้ายบ่ขอหลายกว่านี้ เพียงวจีที่เจ้าเอ่ย
ว่า "คิดฮอดจังเลย" เป็นคำเปรยอิงอ้าง จากทางเจ้าได้บ่นอ
สิบ่ถามสิบ่ส่อ จริงหรือบ่บ่เคยหวัง
เพราะหนทางไปคู่กัน เป็นเพียงฝันสำหรับอ้าย
ถึงฝืนใจเด้อน้องหล่า กะอดสาเว้านำก่อน
พอตั๊วะตาให้ได้นอน พอตั๊วะก้อนคำข้าว ให้ไหลล่วงว่าโล่งคอ
ขออย่างเดียวเพียงส่ำนี่ กะดีใจแล้วล่ะอุ่น
ให้ค้ำคูณนำคะเจ้า อย่าเหงาเศร้าคืออ้ายเด้อ..นางเอย

[๛หนุ่มบ้านไกล๛]

เพลงประกอบ เป็นเพลงชุดใหม่ ของไหมไทย ใจตะวันแม่นบ่คับ พอดี ผมเพิ่งโหลดมา วังฮั้น โหลดเสร็จ แล้วกะเปิดเพลงฟัง แล้วกะมาเปิดหน้าเว็บนี้ เอ้าเพลงตีกัน พอปิดวินแอม เอ้าเจอเพลงเดียวกัน บังเอิญแท้น้ออ ...อิอิ

[ต่าย]

เพลงรอสายจนว่าโดน รอเสียงคนมาจ๊ะจ๋า เปิดพ้อหน้ามีฮูปแซม พอแต่งแต้มกำลังใจ

ส่งเสียงให้พอได้ฟัง ฝากความหวังพอได้พ้อ ... เปิดหน้าจอรอเห็นหน้า ส่งสายตามาเทคแคร์

สายเนตรแลแต่คราวพู้น ฝากรอยอุ่นประทับใจ... ยามห่างไกลได้มีแฮง ถ้อยแถลงได้มีว่า

คำห่วงหามาพร้อมเสียง สอดสำเนียงออยออยเอิ้น... ชวนสะเทิ้นสะท้านใจ คึดฮอดอ้ายอยู่บ่เซา

ฝากควมเว้าว่าคึดถึง ฝากรำพึงว่าคึดห่วง ... มาทวงถามตามสัญญา ฟ้าวโทรหาน้องแน้...เด้ออ้าย

:heart:........................................:heart: