Coconut Cookie

[ติ๋ม เปอร์โย]

อึดเวียกหลายเด้อพี่น้องอาทิตย์นี่ หยุดพักร้อนอยู่จ้า โรงเรียนลูกปิดกะเลยหยุดพาลูกไปเที่ยวเนาะ
มื้อนี่บ่ไปเที่ยวทางใด๋กะเลยเฮ็ดคุกกี้ให้ลูกกินจ้า เจ้าของกะชิมนำนิดหน่อย อิอิ แซบดีเลยเอาสูตรมาฝากพี่น้องจ้า
ส่วนผสม ได้60-70ชิ้น
เนยสด 125กรัม เอาออกจากตู้เย็นถิ่มไว้ให้นิ่ม
น้ำตาลทราย 100กรัม
เนื้อมะพร้าวอบแห้ง 75กรัม
น้ำตาลทรายแดง 100กรัม
แป้งอเนกประสงค์ 125กรัม
ข้าวโอ๊ต 75กรัม
ไข่ไก่ 1ฟอง
ผงRuokasooda ครึ่งช้อนชา
ผงวนิลลา 2ช้อนชา
เกลือครึ่งช้อนชา , เปิดเตาอบไฟ200องศาC

ตีเนยกับน้ำตาลให้เนยเป็นก้อนเล็กๆ แล้วใส่ทุกอย่างลงพร้อมกัน นวดจนเป็นเนื้อเดียวกัน แบบนี่หละ

ปั้นเป็นก้อนกลมๆขนาดเท่าหัวแม่มือ วางเรียงใส่ถาดที่รองด้วยกระดาษไข

เอาส้มแตะให้แบนๆ เวลาแตะให้เอาส้อมแตะแป้งก่อน กันขนมติดส้อม

นำเข้าเตาอบ ชั้นกลางของเตาอบ ประมาณ8-10นาที หรือจนสุกเหลือง
เอาคุกกี้พักออกจากถาด พักไว้บนตะแกรงให้เย็น


พอคุกกี้เย็นดีแล้วกะเอามาเรียงใส่กล่อง ปิดฝาให้แน่น จะได้กรอบโดนๆ
เสริ์ฟกับน้ำชา กาแฟตอนบ่ายจ้า...มาเด้อบาดหนี่ ไผมักกินคุกกี้(บ่ย่านอ้วน อิอิ)

[สาวส่าเมืองอุดร]

แม่ดองเยี่ยมๆๆ สรรหาแนวเฮ้ดดีๆๆเนาะ จอยหล่ะคึดยังกะบ่ออกเด้อ จักสิเฮ้ดยัง มื้อนี้กะสิขอชิมนำเด้อจ้า สุดยอดเลย ตาแซบ สิเอาไปฝากลุกเขยแม่ดองนั้นหล่ะ ฮ่าๆๆๆๆๆ

[หมูหวาน]

ว่างๆๆกะพอเฮ็ดกิน แมนบ่คะ เอื่อยติ๋ม อิอิ ขอชิมก่อนได้บ่ค่ะนิ น่ากินเนาะค่ะ กินกับ โกโก้ กะเป็นตาแซบค่ะ อิอิ

[เต็มใจให้เธอ]

ระวังเด้อ น้ำหนักเด้อ อิอิ

[เพ็นนี]

ขอซิมแน๊เอื้อย เป็นตาแซบแท่ ลืมเรื่องพุงไปชั่วขณะ 555

คิดฮอดเฒ่าแม่อีกแล้ว เลามักเฮ็ดคุ๊กกี้สมุนไพร ใส่กล่องให้เพ็นนีเอาไปแจกหมู่ พะนะ

[ติ๋ม เปอร์โย]

ตอบแม่ดองจอย...เอาไปหลายๆเด้อแม่ดอง ฝากไปให้ลูกเขยข่อยนำแหน่
ลูกใภ้เจ้าสิเลี้ยงวันเกิด ข่อยกะเลยยากเฮ็ดแต่ขนม...เลี้ยงแบบเด็กๆหละจ้า....
น้องหมูหวานกับน้องเพ็นนี มาเอาไปกินซ่อยแหน่หล่า...บ่อ้วนดอก กินกันหลายคนยุ อิอิ

มื้อนี่กะเฮ็ดขนมปังให้ลูก40ก้อน สูตรนี่รับรองเทิงแซบเทิงนุ่ม
ไผอยากได้สูตรกะบอกมาเด้อจ้า เอาแต่รูปตอนอบสุกแล้วมาให้เบิ่งเนาะ...

[ชายหล่ามาดามศรี]

คุ๊กกี้ เป็นตาแซบเช้าแล้วขอแน่จัก 2 -3 แผ่น

เป็นเหรียญๆๆ อยู่ แน่ะๆๆ คือมาเก็บใส่กระปุ่งไว้แท้

เอาออกมาแบ่งน้องสะก่อน ขอชิมเบิ่งแน่....

[หนุ่มเหงาคนไกลบ้าน]

พี่ติ๋มครับอิอิห่อมาฝากทางเกาหลีแน่เด้อครับ

[ขอโทษที่คิดถึง...เด็กดื้อ]

หาชงไมโลมากินกับคุ๊กกี้ก่อนจ้า ...อิอิอิ

[กวางเรนเดียร์]

ตาแซ่บมากกกกกกกกกกกกกกก เห็นแล้วกะคึดอยากทันทีเลย