เรื่องเล่า พ่อเฒ่า กับ ลูกเขย
พ่อเฒ่านึงเลาได้ลูกเขยใหม่ ลูกเขยผั่นเป็นคนปากแหว่งคับพี่น้อง เว่าบ่ชัด ออกเสียงได้แต่โต อ.อ่าง บ่คือคนปกติเฮา
ยามเอิ้นคนกินข้าว เลาก่ะ ว่า ?อิ๋นเอ่าอำอั๋นเอ้อ อี่อ้อง? (กินข้าวนำกันเด้อพี่น้อง) แต่เป็นคน นิสัยดี ขยันเฮ็ดเวียก ชอบรับใซ่ ให้บริการ ถืกใจพ่อเฒ่าคัก
มีมื้อนึง พ่อเฒ่าชวนลูกเขย ตักขี้งัวใส่รถกะบะ ขนขี้งัวไปใส่นา หวังสิให้ใด้ข้าวหลาย ๆ
พ่อเฒ่าเป็นคนขับ...ลูกเขยเป็นนายท้าย แล่วก่ะคอยกำกับ ยามพ่อเฒ่าขัยถอยหลัง....
ฮอดนาแล้วสิถอยรถ หันท้ายรถไปทางหม่องสิไว้ขี้งัวไว้ซั่นดอก
พ่อเฒ่าขับ; บักทิด..กรูสิถอยรถ เบิ่งหลังให่แนเด้อ..
ลูกเขยบอก ; อือ ๆ อ๋อยโอ้ด.ด อ่อเอ่าอ๋อย.ย..... (ถอยโลด พ่อเฒ่า ถอย.ย...) เลาว่า
รถถอยไปได้ หน่อยนึง บาดแล่ว พ่อเฒ่าก่ะได้ยินเสียงลูกเขย ลอยมาจากหลังรถ ดัง ๆ ว่า ?อั่งอ้าง..อั่งอ้าง?
พ่อก่ะว่า..โฮ้ หลังว่างเนาะ เลย เร่งเครื่องถอยให้ไวขึ้นไปอีก...เสียงลูกเขย ผั่นแฮงดังขึ้นกว่าเก่า..ว่า ?อั่งงอ้าง..อั่งงอ้าง.!!?
พ่อเฒ่าคึดในใจ..มันสิฟ่าวไปใสกะด้อกะเดี้ยบักทิดกะดาย.. แต่ก่ะ เร่งเครื่องให่ไวขึ้นอีกนำอยู่..
พอแต่เร่งปั๊บ..รถกะบะก่ะดากซุบลงดิน ซ่วบเอาโลด. หน้ารถเงิงขึ้นฟ้าเท่เล่อ... อยู่ซั่งมั่ง..ไปต่อบ่ได้
พ่อเฒ่าลงจากรถได้ ก่ะฟ่าวมาเบิ่งดากรถว่าเป็นหยัง ด่าลูกเขยในใจ...ฮ่วยบักทิดมันเบิ่งหลังแนว ด๋าย..มันคือบ่บอกว่ามีหลุม..?
พอมาเห็นแล่ว.เลาก่ะเลยจ่มค่อย ๆ ว่า...
"โอยน้อ บักทิด.. ส่างฮ่าง มรึงก่ะว่า ส่างฮ่าง แนแมะเว่ย..อันนี่มา ว่า หลังว่าง..หลังว่าง...กรูก่ะถอยยาวหนั่นแหล่ว..!!"
ลูกเขย ; อึ๋ย.ย...อ่อบอั่งไอ่อูเอ่าเอ้ย เอ่าอิอ๋ายอู๋อ่วกอั่งเอ็ดเอ่ง อั๊กอ่ออาดเอี่ย....
จักลูกเขยเลาเว่าหยังดอก ข่อยฟังบ่ออกแหม๋...เหอ ๆ
ขออภัยบางคำ..เพื่อความดิบ สมจริงคับพี่น้อง
Bookmarks