แนวกินฝีมืออีแม่...แซบที่สุดในโลก

[ขอโทษที่คิดถึง...เด็กดื้อ]

แนวกินฝีมืออีแม่...แซบที่สุดในโลก

เมื่ออื่นวันแม่กะเลยไปเห็นรูปที่ถ่ายไว้ตอนเมือบ้านวันสงกรานต์...มื้อที่กลับมาเฮ็ดงานกรุงเทพรถแน่นน้องสาวเลยมาส่งเด็กน้อยที่ กทม.แล้วกะเลยไปส่งน้าที่ใต้นำ อีแม่และอีพ่อกะเลยมาส่งนำจ้า มื้อนั่นอีแม่หมกหน่อไม้หน่อมากินกลางทางนำจ้า ...เป็นหมกหน่อไม้ที่แซบที่สุดในโลก แซบบ่เคยเปลี่ยนจ้า แซบจังใด๋กะแซบแบบนั่น อิอิอิ และอีแม่กะคั่วหมูใส่ถั่วให้กินนำจ้า บ่ว่าอีแม่สิแนวใด๋กินกะเฮ็ดแซบเบิดจ้า...โดยเฉพาะตำส้มนะตอนบักกอตอนมักใหญ่กะแซบหลาย แล้วอีกแนวหนึ่ง แกงใบพริกใส่ปลากระป๋องยามไปเฮ็ดไร่เด้อจ้า แซบหลาย เว้ามาอยากกินเด้อน้อจ้า...

[thintapthai]

โห!! มาเป๊นตาแซ่บแท้น๊อ

[ลูกอิสาน]

แม่นจ้าเอื้อยเด็กน้อยยแม่นี้เพิ่นเฮ้ดแนวกินแซบอิหลีจ้า
โดยเฉพาะแม่ยายเฒ่าขนาดบ่ใสผงชูรสก่ะยังแซบเฉย อิอิ
หมกหน่อไม้แม่เอื้อยเด็กน้อย คือเป็นนั่งล้อมวงน่ำแท้จ้า

[เซียนเมา]

กับข้าวมีตะเป็นตาแซบเนาะ บรรยากาศกะดี บ่มีแนวกรึ๊บจักกรึ๊บก่อนบ้อ...คับ

[คนไกลบ้าน2009]

คือสิเเซบคักน้อเอื้อย เบิ่งอ้ายพลนั้งขัดตะมาดกินบ่อยากลุกเลยพะนะ555+

[ทอง]

สุดยอดเลยครับเอื้อย ขัดกินบ่หมดกะเอามาฝากนําแนเด้อครับ 555

[victer]

ชอบบรรยากาศกินข้าวอยู่กลางทุงเด้
คึดฮอดตอนเฮ้ดนา กินข้าวกลางทุงแซบหลาย
ยิ่งตอนเกี่ยวข้าวนิ แซบคัก หากบหาเขียดมาแกงใส่เห็ดกระด้าง
ลางเท้อกะได้ เห็ดบด (พอแก่ไปจะกลายเป็นเห็ดกระด้าง อิอิ)

[บ่าวกุดชุม]

เป็นตาแซบแท้ บรรยากาศสุดยอดครับ

[กวางเรนเดียร์]

ป๊าดดดดดดดดดดดดดดดดดดดดดดดดด มาเป็นตาแซ่บคักแท่หมกหนอไม่แมะ อีแม่เจ้าเฮ็ดแนวกินเป็นตาแซ่บคักอีหลี อยากไปซิมนำเด้ มีหมู่กินหลายๆคนแซ่บคักขนาดเลย

[แหลวแดง]

อี่แม่ผมเฮ็ดแนวกินบ่แซบดอกคับ ลางอันกะแซบอยู่ แต่ลางอันจางโพด ส่วนมากอี่แม่เลาเฮ็ดแนวกินจาง ได้ยินแต่น้องผมนั้นหละ จ่มดู๊ดู๋ จางโพดว่าซั้น อี่แม่กะจ่มให้คือกัน อย่าตี๋อยู่ตี๊กินหลาย ฟ้าวกินได้ไปโรงเรียน ซั้นหละอี่แม่จ่มให้ แต่ว่าจั่งได๋กะอยากกลับไปกินข้าวกับอึ่แม่ทุกมื้อคับ แต่เฮ็ดบ่ได้ โดนๆจั่งได้ไป อี่แม่เลากะหาแนวกินมาเฮ็ดสู่กินดี๊ดี ถึงสิบ่แซบที่สุดในโลก แต่ฮักแม่ที่สุดในโลกคับผม