คำสอนลูกสะใภ้

[บ่่าวสุดเขต]

มื้อนี้เอาคำสอนลูกสะใภ้หรือว่าผู้ญาผู้หญิงมาให้เบิ่งครับผู้เฒ่าเพินพาว่า

....บัดนี้พ่อสิสั้งสอนเจ้าสอนนางผู้น้อยอ่อน
ตั้งแต่ก่อนเจ้าเป็นสาวหนุ่มน้อยสงวนเงี่ยมเจียมตัว
บัดนี้เจ้าหากมีผัวแล้วแนวใด๋ให้ฮู้ซ้อง
ให้ถือฮีดถือคองคำโบราณเพิ่นเว้าคำผู้เฒ่าเพิ่นสอน
ถึงยามนอนให้เจ้านอนลุนหล่าผัสสดาผัวนอนก่อน
ตื่นมื้อเซ้าให้เมียฟ่าวตื่นก่อนผัว
เป็นแม่ครัวหุงต้มฟืนไฟให้ฟ่าวฟังของอีหยัง
เก็บให้มันเรียบร้อยโอถ้วยกะทะจอง
ของควรใซ้เก็บใว้ให้เป็นที่เวลาจับจ่ายใซ้หาได้งายดาย
แลงงายเซ้าเพียนผัวอย่าสิจ่มอย่าสิเคียดอย่าสิขมอย่าทำการบูดบึ้งลวงลึ้งบ่ดี
เห็นสามีมาซ้าอย่าตีหมาใส่หมู่ใกให้ไปฟ่าวมาไวอย่าทำการซักซ่าสิอายบ้านหมู่เขา
คำปากเว้าให้มันม่วนนวลหูอย่าสิเอาคำเค็มด่ากันแลงเซ่า
มีผัวแล้วแนวใด๋ให้เจียมท่าอย่าสะพาทีต้านกลางทางกับผู้บ่าว
อย่าสะเอาแม่ฮ้างนำก้นบ่มันบ่ดี

ปล....มีผู้ใด๋เอ็ดใด้คือเพิ่นว่าบ่ครับ

[กำลังใจ]

ขอบคุณหลายๆ ที่นำสิ่งดีดีมาแบ่งปันกันคะ

[ลานบุญ]

ลานบุญคักกว่านี้อีกจ้า กราบผัวก่อนนอนทุกมื้อเลยจ้า ปานนั่นพระสวามีกะยังมีกิ๊กอยู่ จำได้คักจ้าผัวเมียนี้กูมึงอย่าได้ว่าพะนะจ้า มันบ่อว่าแค่นั่นติ้ล่ะจ้า วาคักกว่านั่นจ้า ฮิฮิ ฮ่าๆ สมัยสุมื่อกลับกันจ้า เห่อๆๆๆๆๆๆ แมนบ่อจ้าอีพ่อ สอนลูกสะใภ้มาถึกใจลูกชายแท้น้อพ่อ (เขาเลยฮู่ส่ำว่ามีผัวบาดนิ)

[khonsurin]

ขอบคุณสำหรับสาระประโยชน์มากนะคะ