ว่าง ปลายเดือนที่แล้ว ได้เมือบ้าน เห็นไฮ่นาเขียวๆ กะเลยอยากเอามาให่พี่น้องเบิ่ง เผื่อสิเป็นแนวทาง ทำมาหากิน แบบ พอเพียง เนาะ
กะเริ่มต้นจากนา ก่อนเนาะพี่น้อง ในนา(เฒ่าแม่) กะปลูกข้าว บักพริก บักเขือ บักแตง ผักอีตู่ ใบกะเพราะ ผักบุ้ง(ไว้ให่กระต่ายที่เลี้ยงไว้อยู่บ้าน) บักเขือคาย บักสิลิปลี และก็บ่อปลา อีกหนึ่งบ่อ
เป็นได๋จ้า นาทางไท อุบล พอสิสู้ ทางจ.อื่นได้บ่
บ่ปลานี้ เฒ่าแม่เพิ่นเลี้ยง ปลานิล ปลาข่อ บ่ได้ให้อาหารจ้า
แต่ให่มันหากินเองตามธรรมชาติ
นิกะสวนในนา มีบักหุ่ง บักพริก บักเขือ ข่า ตะไคร้ ใบผักอีตู่ และกะผักอื่นๆ อีก
ส่วนใหญ่ กะเป็นผักที่ใช้ประจำ กะใช้ น้ำในบ่อข้างเทิงละจ๊ะ ฮดน้ำผัก
หลังจากไปเลาะนา มา กะได้บักหุ่ง บักสิลิปลี บักเขือคายมา
กะเลยมีแนวกินเช่นนี้แล อั่นๆๆ ตำบักหุ่งของติ๊กนิ ตำแบบบ้าน ๆ เด้อจ๊ะ
ใส่แค่เส้นบักหุ่ง บักสิลิปลีหลายๆ(เผ็ดสะใจ) แล้วกะ บักเขือคาย บักเขือส้ม
ปรุงรส แค่น้ำปลาแดก กะผงนัว สองอย่าง นอกนั่นบ่ใส่จ้า แซบๆๆๆ
Bookmarks