มาอยู่ประเทศเดนร์มากตั้งหลายปี นี่หละปีแรกที่ติ๋มกล้าไปเก็บเห็ดมาแกงกิน...ย่านตายกะเป็นเนาะ อิอิ
มีหมู่เขามาซวนไปจ้า เขาว่าสิพาเก็บ เขากินมาเป็น5-6ปีแล้ว บ่ตายดอก ย่านหลาย พะนะ
กะเลยโทรคุยนัดกันป่าเห็ดโลด...ติ๋มกะเตรียมขวดน้ำ กล้องถ่ายรูป มีด กระต่า ใส่รถได้กะขับไปตามนัด
คนบ่เคยขับรถเข้าป่าไปหลงทางนิดหน่อย อิอิ
พอไปฮอด หมู่กะเลยถามว่าขนอิหยังมาแหน่หนี่ เต็มต่าแต่บ่ทันได้เริ่มเก็บเห็ดเลย อิอิ
ป๊ะเข้าป่า อย่ามาหาส่อสักหักกระดูกหลาย ถือเองตั๊ว 555++
เบิ่งสภาพป่าเห็ด บ่เป็นตามีเห็ดฮ่าย จ่มๆ อิอิ...หย่างเข้ามาตั้งไกลยังบ่พ้อจักดอก....
55++พ้อแล้วดอก1 ถ่ายรูปก่อน หมู่กะจักว่าไปฮอดไสแล้ว เจ้าของคาแต่ถ่ายรูป
เห็ดเผิ่งพี่น้อง เห็ดเผิ่งฝรั่ง...ย่านบ่ทันหมู่ เซาถ่ายรูปแล้วจ้า...
หาไปหามากะได้เกือบเต็มกระต่าอยู่ตั๊วหละ ข่อยมาหากินหมานแท้ เอิ๊กกกส์ๆๆ
เลือกออกจากต่า เตรียมล้างจ้า
มาเด้อพี่น้องมาเอาเห็ดเผิ่งไปแกง...แบ่งๆกินคนเดียวบ่เบิดดอกจ้า....
อ้างข้อความนี้
Bookmarks