หน้าที่ 1 จากทั้งหมด 6 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 53

หัวข้อ: ไปดำนาคับผม

  1. #1
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    1,912

    รอบยิ้มพิมใจ ไปดำนาคับผม

    เมือบ้านดำนา ฝนตกฮำบุญข้าวสาก ได้ดำนาหล่า นาขะเจ้าอ้อมข้างอ้อมแอวแล้วเหมิดแล้ว เหลือแต่ท่งนี้หละแล้งกว่าหมู่ หลังจากกินข้าวกินปลา กินตำเมี่ยงตอนเที่ยงแล้วกะได้เวลาลงลุยต่อคับ แต่กว่าสิออกจากเถียงนาได้กะเกือบบ่ายสอง อิอิ

    ไปดำนาคับผม

    วางไว้เทิงโพนเลาะงานนาหั่นหละ ไว้ท่าฟังวิทยุชุมชน ฟังเพลงฟังลำพอแก้เหงา เว้าเรื่องวิทยุชุมชนเดียวนี้แฟนเพลงเพิ่นหลายขนาด ทอสับเข้าไปขอเพลงแตกบึ้มๆ มอบให้ชมรมนั้น ชมรมนี้ เป็นต้นว่า ชมรมผัวเขาผู้บ่าวข้อย ,ชมรมสาวผัวเผลอ ,ชมรมงูสิงใหญ่ เป็นต้น ซื่อแต่ละชมรมฟังแล้วกะเป็นตาหน่าย มอบให้ผู้นี้ ผู้นั้น ทุกเสียงทุกสายเด้อว่าซั้น แต่ว่าบ่ได้ฟังดอก เพราะว่า รับแต่ทอสับแหมดีเจกะดาย แต่ละสายกว่าสิมอบให้ครบทุกคนเหมิดเวลาพอดี ฮ่าๆๆๆ


    ไปดำนาคับผม
    เบิ่งเป็นหยังฝนมืดมาแล้ว ทางพุ้นกำลังตก แต่ว่าตกมาบ่ฮอดจ้อย ล่อให้ดีใจสื่อๆเนาะฝนกะดาย หึย


    ไปดำนาคับผม

    ไปดำนาคับผม
    มื้อเซ้านี้ดำได้ส่ำนี้หละ แบบว่าปวดแอวหลายคับ โดนๆไปดำนาเทื่อหนึ่ง ปวดคักอี่หลี บ่มีคำบรรยายเลยเด้อ


    ไปดำนาคับผม

    ไปดำนาคับผม
    อี่พ่อหาบกล้ามาเสริม ตอนบ่ายนี้เลากะสิมาดำซ่อย มื้อเซ้านี้เลาไปเลี้ยงงัว อี่แม่หลกกล้า ตอนบ่ายอี่แม่เลี้ยงงัว อี่พ่อมาดำนาซ่อย ไคแหน่


    ไปดำนาคับผม
    นี้กะอีกงานหนึ่งเลาะกันหั่นหละ บ่ทันได้คราด มื้ออื่นเซ้าอี่พ่อว่าสิคราดแต่เซ้า เพราะว่าอี่พ่อนอนนาเฝ้างัว


    ไปดำนาคับผม
    มื้อนี้เอาไว้ส่ำนี้ก่อน อี่แม่บอกว่าให้พาเด็กน้อยเข้าบ้าน แอ่วแล้วว่าซั้น กะสิได้พาเด็กน้อยเข้าบ้าน และกะไปนึ่งข้าวเฮ็ดแนวกินไว้ถ่าผุ้เฒ่าก่อนแหล่ว พอดีหละ กำลังปวดแอวหลาย


    ไปดำนาคับผม
    ความเป็นชาวนากะยังรออยู่คือเก่า ถึงแม้ว่าวิถีชีวิตอย่างอื่นอาจสิเปลี่ยนไปบ้าง แต่ว่าชาวนากะยังเป็นชาวนา และชาวนากะเกี่ยวข้องอยู่กับดินฟ้าอากาศ ถ้าฝนดีกะยิ้มแย้มแจ่มใส ถ้าฝนแล้งกะหน้าแห้งคือดินอยู่นาหั่นหละ ไคแหน่แต่บ้านเพิ่นทางได๋ที่มีการชลประทานทั่วเถิงเฮ็ดนาปีละสองเทื่อโดยบ่ต้องง้อฝน กะถือว่าเป็นโชคดีไปเนาะคับ

  2. #2
    แบ่งปันความรู้และประสบการณ์ สัญลักษณ์ของ บ่าวมักเลาะ
    วันที่สมัคร
    May 2009
    กระทู้
    95
    โอ้ยเบิ่งแล้วกะปวดแอวนำ

  3. #3
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    1,912

    ภูผาแดง

    ต่อจากดำนาคับ เลยถ่ายรูปภูผาแดงมาให้เบิ่งพร้อม ที่ได้ซื่อว่าภูผาแดงเพราะว่ามีผาแดงอยู่เทิงภู สมัยแต่ผมเป็นเด็กน้อยสีแดงคักอี่หลี แดงคักกว่านี้เด้ แห่งยามแลงแดดสาดไปแดงจึ่งคึ่งกะยังว่า นิทานปรัมปราผู้เฒ่าเว้าให้ฟังเพิ่นกะว่า มีฮุ้งใหญ่(แม่นหมู่โตคือแหลวนี้ห่าได้บุ) แบบว่าโตใหญ่หลาย มาจับคนไปกินอยู่เทิงหน้าผา ไปฮอดกะจับคนฟาดใส่ก้อนหินหน้าผา เลือดกะเลยไหลอาบลงมา แล้วกะติดเป็นสีแดงมาจนทุกมื้อนี้ จบแล้ว เว้าเรื่องผาแดงกะเคยขึ้นไปอยู่ดอกหวา สีแดงที่เกิดขึ้นมาสังเกตเบิ่งเกิดจากพืช แม่นเพิ่นเอิ้นว่าไลเคนแม่นบ่บุ ที่อยู่นำก้อนหินหั่นแหม แต่ไลเคนซุมนี้เป็นสีแดงคับ เลยเฮ็ดให้หน้าผาเป็นสีแดง เคยไปแต่โดนแล้วหละ แต่ผาแดงนี้บ่เกี่ยวกับผาแดงนางไอ่เด้อ ชมภาพกันเลยคับ

    ภูผาแดง

    ภูผาแดง
    แก้ไขครั้งสุดท้ายโดย แหลวแดง; 14-09-2009 at 16:07.

  4. #4
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    1,912
    กระทู้ต้นฉบับโดยคุณ บ่าวมักเลาะ
    โอ้ยเบิ่งแล้วกะปวดแอวนำ
    เว้าเรื่องปวดแอวนี้กะบ่อยากพากคับ ดำนาแล้ว ปวดอยู่เป็นอาทิตย์ 5555

  5. #5
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    กะบ่อหล่าปานได๋ดอกครับ อยู่แถวบ้านผมไผนาหลายกะหัวกะแล้วคือกัน...
    นี่ล่ะครับชาวนา หลังสู้ฟ้า หน้าสู้เตียง . โอ๊ หน้าสู้ดิน อิอิ ..

  6. #6
    เจ้าหน้าที่ประชาสัมพันธ์ สัญลักษณ์ของ มันฑนา
    วันที่สมัคร
    Aug 2008
    กระทู้
    279
    ป๊าดดดดดดด นาเป็นตาหลายไร่เน๊าะจ้า...........
    เป็นกำลังใจให้ ดำแล้วไว ๆ จ้า

  7. #7
    แบ่งปันความรู้และประสบการณ์
    วันที่สมัคร
    Dec 2008
    กระทู้
    274
    อากาศดีเนาะจ้า เห็นแล้วคิดถึงบ้านเด้ อยู๋ไหนๆก็ไม่สุขใจเหมือนเมืองไทยบ้านเรา ท้องไร่ท้องนาแบบธรรมชาติ สู็ๆเด้อจ้า แต่ดูแล้วคือจิปวดเอวอยู๋ดอกนาหลายโพดแหม

  8. #8
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    2,872
    วิทยุอ้ายคือชนบทคักแท้อ้ายฮ่าๆๆๆๆๆๆปุ้มกะหลุดแล้ว บ่แมนเตะขี้ตมใส่ติคือมีแต่ขี้ตมคักแท้อ้ายฮ่าๆๆๆๆๆๆ
    เด็กน้อยแอวเมือว่าติ มันแมนบ่ บ่แมนผู้ใหญ่จ่มปวดแอวติเพิ่นลำคาญเลยบอกให้เมือซื่อๆดอกผมว่าฮ่าๆๆๆๆๆ
    แซวเล่นเออ้าย อย่าเคียดเด้อครับฮ่าๆๆๆๆๆๆๆๆๆๆ

  9. #9
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    563
    ฟ่าวมาเกณท์เอาพี่น้องบ้านมหานี่ล่ะไปดำส่อยกันอ้ายแหลวแดงมันจังสิแล่วง่ายสั่นตั้ว...

  10. #10
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    1,912
    ขอบคุณกำลังใจทุกกำลังใจคับผม ดำแล้วๆคับผม จั่งได้โค้งต่าวคืนกะยังว่า บาดนี้กะถ่าฝนอย่างเดียว รอเทวดาเพิ่นเมตตา ถ้าเพิ่นบ่เมตตาข้าวซุมดำไว้กะบ่ได้เกี่ยวดอกคือว่า

หน้าที่ 1 จากทั้งหมด 6 หน้า 123 ... หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •