เว้าเรื่องเมือบ้านอีกแล้ว ฝนตกได้ดำนา แล้วกะมีผลพลอยได้จากฝน บ่ว่าสิเป็นเห็ด หน่อไม้ กะเกิดขึ้นมาให้ชาวบ้านเพิ่นได้หากินหาขาย บ่ได้ขึ้นไปเอานำเพิ่นดอกคับ ขึ้นบ่ไหว รอท่าเพิ่นเอาลงมาจั่งไปขอแบ่งซื้อนำเพิ่นมาพอได้แกงกิน ที่เหลืออี่แม่เลากะจัดการนึ่งใส่ถุงไว้ให้ เก็บไว้ได้หลายมื้ออยู่คับ แต่ว่าต้องใส่ตู้เย็นไว้เด้อ กลับมาหลายมื้อแล้ว เลยอยากกินแกงเห็ดระโงกสั่นดอก จัดการเลยเนาะ
[IMG][/IMG]หม่องเพิ่นไปหาเห็ดหาหน่อไม้คับ เคยไปหาคือกัน แต่คาดำนาอยู่ เลยบ่ได้ไปเอานำเพิ่น
เห็ดถูกนึ่งมาจนสุกแล้ว ปาดถุงใส่หม้อเลยคับ เพิ่มน้ำจักหน่อยพอได้ซด หม้อฟดกะปรุงรสได้เลย พริก ปลาร้า น้ำปลา ชูรสบ่ใส่กะได้เพราะว่าเห็ดมันหวานอยู่แล้ว บักขาม ผักอี่ตู่
เป็นอันเสร็จ ปลงหม้อได้เลยคับ
โดนๆได้กินเทื่อหนึ่งกะแซบคือเก่าเนาะคับ เห็ดธรรมชาติหาได้ยาก ถ้ามีโอกาสกะหากินเด้อคับพี่น้องกะดาย
Bookmarks