ในคืนแรกของการแต่งงาน ทิดเสนก้อถืกหิ้วปีกเข้าห้องนอน และในห้องนอนกะเลยมีทั้งกลิ่นเหล้ากลิ่นน้ำหอม ผสมปนเปกันไปบ่รุ้ว่าอิหยังเป็นอิหยังแล้วในคืนแรกของการแต่งงานกะเลยเป็นคืนที่เจ้าบ่าวเจ้าสาวต่างคนต่างหลับต่างนอนกัน"" แล้วเจ้าบ่าวกะได้ฝันไปซึ่งในความฝันนั้นเจ้าบ่าวฝันว่าเจ้าของได้ตกลงไปในถังส้วมกะเลยฟ้าวปีนขึ้นมาเพื่อสิหนีความเหม็น กั่วสิขึ้นมาได้กะเล่นเอาเกือบตาย พอแต่ขึ้นมาได้กะฟ้าวกระโดดลงไปในสระน้ำฟ้าวล้างกลิ่นเหม็นออก แต่ว่าทำแบบได๋กลิ่นกะบ่หายจักทีกะเลย แล่นมาบ้านอาบน้ำถูสบู่ กลิ่นกะยังคือเก่า กะเลยบ่รุ้ว่าสิทำจั่งได๋ดีกะเลยไปเอาม้ามาเพื่อสิขี่ม้าออกไปแล้วกะเอาแส้ตีม้าให้แล่นเร็วๆๆเพื่อสิให้ลมพัดเอากลิ่นหนีให้เมิด แต่ว่าม้ามันถืกแส้ฟาดแทนที่มันสิพาแล่นมันกะตกใจกระโดด จนว่าเลาเกือบตกม้าคอหักตาย "' เลากะเลยสะดุ้งตื่นขึ้นมาแล้วกะสะบัดหัวให้หาย งง แล้วกะแนมไปรอบๆๆห้องจึงได้รู้ว่าที่แท้เจ้าของมานอนมุดอยู่ในบั้นท้ายของเจ้าสาวนี้เอง เลากะเลยเว้าขึ้นมาว่า "อ้อนี้เองสาเหตุของการฝันร้าย" ::)::)::)
Bookmarks