แบ่งความเศร้าได้บ่หล่า แบ่งน้ำตามาให้พี่ แบ่งศักดิ์ศรีที่ฮักมั่น จากเขานั้นได้บ่นาง
เจ้าอับปางความสัตย์ซื่อ เขาปล่อยมือให้โดดเดี่ยว ฮอดมื้อเกี่ยวความอ้างว้าง อย่าหมางอ้ายได้บ่น้อ
เพียงอยากขอได้นั่งข้าง กุมมือตางโอบกอดไหล่ น้ำตาไหลให้แบ่งอ้าย เจ็บคักฮ้ายอยากแบ่งเอา
หากแม่นเหงาหรือเจ็บแค้น อ้ายเจ็บแทนสิได้บ่ เห็นบ่น้อสายตาเจ้า เขาคนนี้ที่ฮักเธอ
ดนแล้วเด้อที่ฮักมั่น แต่เจ้านั้นแค่มองผ่าน ฮอดมื้อทานน้ำตาเศร้า ขออ้ายเข้าไปรักษา
อยากเยียวยาคราเจ็บแค้น ให้อ้ายแทนความหวังเก่า ร้อยพันเหงากะแลกได้ เพียงใจเจ้าได้ชื่นบาน เด้อน้องเอ๊ย
[RADIO]jolo/Paya/cry-01.mp3[/RADIO]
อ้างข้อความนี้
Bookmarks