...ถามข่าวอาจารย์ศรีและอาจารย์โป๊ยครับ...

[บ่าวโจ่โล่]

บรมครูผู้เลิศล้ำ บรมคำผญาย่อย มะลำมะลอยความสิต้าน เลยทิ่มบ้านให้เปล่าแปน (แล้วบ้อ)

ทิ่มแฟน แฟน ฮ้องโอ๊ย โอ๊ย ว่าโป๊ยก่ายไปทางได๋ หลบเข้าไงบ้ออาจารย์ บ่กล่าวขานให้ฟังบ้าง

ความได๋หมางให้บอกแจ้ง หยังแสลงให้เว้าต่อ พร้อมทั้งขออภัยท่าน หากหลานน้อย ต้อยบ่อนคัน

สิเหมันต์หล่ะเด้อเจ้า บ่เห็นเงาอาจารย์ใหญ่ หลงไปไสบ่กล่าวแจ้ง แถลงเว้าบอกเล่ากลอน

แม่นเจ้างอนไผน้อพี่ อาจารย์ศรีสะท้านครับ แม่นเจ้าคับใจหยังอ้าย จั่งหายหน้าจนบ่เห็น

ดวงตะเว็นผุ้ส่องฟ้า ดวงจันทราผู้อาจ-อ่ง ผู้ดำรงค์ผญาวาด สองปราชญ์ท่าน นั้นอยู่ไส พี่น้องเอ๊ย

ด้วยความเคารพ ท่านอาจารย์ทั้งสองครับ




[Radio]jolo/Paya/Can-001.mp3[/Radio]

[คนตระการ...]

ผมกะพ้อกับอ้ายศรี 2เดือนที่แล้วครับ...คิดฮอดอ้ายทั้ง2เด้อครับ

[บ่าวโจ่โล่]

หนิบ้อเอ๋ เผิ่นเว่้าให้ฟังว่าพากันนั่งกินน้ำผลไม้แมะ บะแม่นน้ำบักท่องแล่ง เบาะน่อฮึ

หรือว่าน้ำบักโต่นเหิ่มบ้อเนาะ คือเป็นตาเว้ากันหล่ะตาแดงไส่กันดีแท้ซั่นดอก ฮ่า ๆ ๆ

[ไก่น้อย]

ฝากนำคำไปกับฟ้า
ฝากนกกาไปถามข่าว
ว่าผุสาวอยู่ข้างบ้าน
อยากจาต้านต่อคำ....ยุเด้อ

[nuzing]

แหม่นเถ่านี่บ้อบ่าวโจ่โหล่ ยายกะผ้อเลาแต่ปีแล้วผุ้น เห้นยืนเด้งหน้าเด้งหลัง (เมาๆหลาย)อยู่หน้าฮ่านสีกุก บ่แหม่นสาวส่ำน้อยเมี่ยนเหม่าเลาแล้วติคือมิดคักมิดดนแถ้.....ถ่ายังอยู่กะออกมาเด้อจารย์โปี เด้อ ฮู้ๆๆๆๆ อิอิ

[sompoi]

เอามาอ้างนำแนะ..พ้อกันปีกลายพุ้น งานราตรีสโมสรเดียวกันกับยายอ่ะล่ะจ้า. ส่วนอ้ายศรีเห็นหลอยมาบอร์ดอยู่เรื่อยๆอยู่จ้า หากเล้าบ่ปาก สงสัยยากเวียกคัก เพราะว่าเห็นอ้ายเล้าสิแต่งแต่ละกลอนนิต้องมีกระดาษ ดินสอพร้อมขอโตไปปลีกวิเวกเอาบรรยากาศพุ้นเด่จ้า ..บ่คือป๋าป้อม โอ้ะ อ้ายโจ่โล่ เพิ่นนิว่าแต่นั่งลงหน่าจอคอม อ้าปากขึ่น กลอนไหลหลึ่นๆจักว่ามาแต่ไส..คริๆๆ

[เจ้าซายน้อย]

บ่แม่นเพิ่นคาตะนำหาโสร่งที่เพิ่นเฮ็ดเสีย กับเกิบกิ่งน้อยอยู่ติหือ คือมิดแท้

[ติ๋ม เปอร์โย]

อ้ายทิดจ๋าอ้ายจารย์จ้า...แม่นเจ้าเทียวทางกาย ไปทางใด๋บ่ส่งข่าว...แท้น้อ
ปล่อยให้พวกน้องๆเป็นห่วงเจ้า แลงเช้าได้จ่มหาแท้หละอ้าย...แห่งแต่เขียนผญาบ่เป็น....

เป็นห่วงและคึดฮอดเสมอจ้าอ้ายฮักทั้งสอง....

[pcalibration]

หือแหม่นไปสุขล้ำเพียรธรรมอยู่ในป่า
ออกพรรษาก่ะผ่านพ้นจนสิม่มหม่อกฐิน
ฟังได้ยินเสียงก้องหนองคายมีงานใหญ่
พญานาคเบื้องใต้แสงไฟพุ่งฮุ่งเฮือง
ทางในเมืองเหนือใต้บ่มีใผสิฮู้ข่าว
สายลมหนาวก่ะสิจ้นฝนสิซ่ำสั่งลา
ยังบ่มาปานนี่จารย์ศรีเอ๊ยบ่โ้อ้อ่าว
หลงลืมคราวแล้วติอ้ายจั่งหายหน่า...ห่างคะนิง

[กำพร้าผีน้อย]

อ้ายศรีกะพ้อเพิ่นล่าสุดที่มานั่งกินน้ำผลไม้นั่นหละครับ...ยามได่น้อสิได้พ้อเพิ่นอีก