แอปเปิ้ลสดๆจ้า มาซอยแบ่งไปกินแน

[เมษา]

สวัสดีจ้า ช่วงนี้ที่บ้านแอปเปิ้ลออกผลดีหลายเติบ มีอยู่ 3-4 ต้นนึงดอกค่ะ ปลูกใว้หลังบ้าน ต้นน้อยๆแต่ก่าดก
พอกินทุกปีแถมกินบ่ทันอีกต่างหาก มาแบ่งกันไปกินเด้อจ้า สดๆเด้อสงสัยสิกินบ่ทันดอก
เก็บมาหลายโพด นี่ขนาดเก็บมาต้นเดียวเอง ถ้าเก็บมาสุต้นสิบ่เน่าคาบ้านตี่ ถ้าบ่สดก่าบ่แซ่บเนาะ มาแบ่งกันไปกินเด้อจ้า




พันธ์หยังบ่ฮู้จ้า แต่ฮู้ว่า หวานและกรอบ ปีนี้ดกหลายค่ะ



กินสดๆนี่แซ่บคักค่ะ บ่ได้ฉีดยาเคมีอีหยังดอกจ้า ปล่อยไปธรรมชาตินั่นหล่ะ


ต้นนี่บ่ดกค่ะปีนี่ ปีที่แล้วดกหลาย แปลกเนาะ นี่พันธ์ ค๊อก (cox) หวานอมเปรี้ยวนิดหน่อย แล้วแต่คนมักค่ะ

[HTML][/HTML]

ค๊อก กินสดๆแซ่บคัก


อันนี่คนละพันธ์ที่ว่ามาค่ะ เก็บมาจากอีกต้น พันธ์ รัสเสท (Russet) หวานกรอบ เมษามักหลายกว่าพันธ์อื่นค่ะ

[HTML][/HTML]

ต้นนี่ใว้ไห่ม้ากินค่ะ คนบ่กินกัน หน่วยน้อยๆค่ะ ต้องปีนขึ่นไปค่ะ แล้วก่าสั่นๆกิ่งมัน ไห่มันหล่น ม้ามักกินหลายค่ะ แต่กินหลายๆก่าบ่ดีกับม้าดอกค่ะ










ได้มาแค่นี่แหล่ะค่ะ ย่านกินบ่หมด บ่มีคนมาซอยกินนำเนาะ

[ติ๋ม เปอร์โย]

กินสดบ่ทันกะเฮ็ดเค้กจ้าพี่เมษา..แฮ้ๆๆ บอกแต่แนวพาอ้วนเด๋หนี่กะดาย...
หลังบ้านติ๋มกะมีอยู่2ต้น ต้นหนึ่งเป็นแอ๊ปเปิ้ลสำหรับทำอาหาร ส้มคักเป็นตาหน่าย...
อีกต้นเป็นแอ๊ปเปิ้ลกินสด ปลูกปีที่แล้ว ออกมา8หน่วย เจ้าของบ่อยู่บ้าน เด็กน้อยแถวนี่มาเก็บไปเล่นจ้อย...ดื้อคัก...

[บ่าวจอหอ]

อยากกิ๋นเด้ครับ สดๆทั้งนั้นเลย พอแต่เคยได้เห็นต้นสดๆ เคยได้กิ๋นแต่หน่วยมัน

[สุสงวน]

เกิดมาหะกะเห็นต้นแอ๊ปเปิ้ล สาธุ
เกือบบอได้เห็นน้อจ้า
เกือบม่อยละแมงก่อนน้อ
ขอบคุณหลายเด้อจ้า เมษาคนงาม
ถือเป็นวิทยาทานอันยิ่งใหญ่อิหลีจ้า
หามาให้เบิ่งอีกแนเด้อจ้าพอได้เป็นบุญตาน้อ
แนวบ้านเฮาบอมีแหมจ้า
ซาตินี้คือสิบอมีวาสนาได้ไปเหยียบดอกจ้าอันเมียงนอกนั่นแหมจ้า
โอ๊ย ขอบคุณอย่างหองจ้า

[ธิดายาเย็น]

เป็นตะแซ่บเนาะจ้ากินสดๆคึสิชื่นใจดี..สีแดงสดๆ จั่งได๋กะขอแนเด้อจ้าจั๊กสองสามหน่วย..

[เมษา]

มันสิมีอีกพันธ์ที่เพิ่นเอาไปเฮ็ดขนม หรือพวกพาย หน่ะติ๋ม แถวนี่เพิ่นเอิ้น Brambley (แบรมบลี)นี่หล่ะ
อยู่บ้านก่ามีต้นนึง แต่มันต้นสูงใหญ่โพด ปีนบ่ได้ดอก สมัยก่อนก่าคือสิได้อยู่ดอกเนาะ ตอนนี่มันหนักก้น ขึ่นบ่ใหว อิอิ
ถ้าสิเฮ็ดขนมพวกพายก่าสิไปซื่อเอา ง่ายดีเนาะ นี่หล่ะจ้าสีเขียวๆลูกใหญ่ๆนี่หล่ะ แต่ส่มคักเนาะ



ต้นนี่แหล่ะจ้า สูงหลาย อายุคือสิเกือบร้อยปีแล่วหล่ะ

[คนตระการ...]

ป้าดดดดดด..คือหลายแท้ บ่อทันเคยเห็นแบบนี้จักเทื่อครับ(แบบอยู่ต้น) เห็นแต่กองอยู่นำตลาด

มันสิมีต้นแซบ กับบ่อแซบ บ่อน่อ...

[บ่าวเมืองลำดวน]

หลายขนาดครับครั้งแรกในชีวิตครับที่เห็นอยู่เทิ่งต้น เอามาแบ่งแหน่ครับจัก 2-3 โล ครับ
55555555555555555

[ติ๋ม เปอร์โย]

แม่นแล้วจ้าพี่เมษา...ลูกเขียวๆส้มเป็นตาหน่าย ตำใส่กะปิแซบคัก คือหมากม่วง เว้ามาน้ำลายไหล...
ต้นสูงๆหาส่าวต่อยเอาพี่ ว่าซั่นกะฆ้อนดึงเลย...ติ๋มอามากินแทนหมากม่วงดิบจ้าพี่...เฮ็ดเค้กนำ อิอิอิ

[กำพร้าผีน้อย]

หน่วยแดงๆเป็นตะแซบเนาะ.. แซ่เย็นๆ เป็นตะหวานกรอบดีคัก..