กระทู้ต้นฉบับโดยคุณ พล พระยาแล
ถามอี่หลีตั้วคับอ้ายพล เคยอ่านพ้อในหนังสือลูกอี่สาน ของพ่อใหญ่คำพูนแหมคับ เลาว่าแห่งคนโดนเนื้อปลามันกะสิฟูขึ้นว่าซั้น แต่ว่าบ่เคยเห็นเพิ่นเฮ็ดกินจักเทื่อ บาดนี้หละ ได้สูตรแล้ว สิลองเฮ็ดแบบลาบเหนียวเบิ่ง แต่ว่าต้องหาวัตถุดิบให้ได้ก่อน สิเอามาสู่เบิ่งดอกคับผม
เริ่มจิจำได้แล้วจ้า พุ้นนะ..ลูกหินกะดาย
ตอนเด็กน้อย แม่ให้โขลกยุเด้ ปลาชนิดนี้ ขูดแล้วโขลก โดนๆๆ
สิเหนียว เนื้อฟูยุเด้ แซ่บจ้า
อุปสรรคเป็นได้ทั้งบันไดให้ก้าวขึ้นไป...หรือเป็นภูผาที่ขวางกั้น...ขึ้นอยู่กับว่าจะมองมุมไหน
นั่นๆๆๆ ความทรงจำเริ่มมาแล้ว จักหน่อยกะได้อีกสูตรหนึ่งแม่นบ่คับดีเจลูกหิน อิอิ ขูดแล้วโขลก ตำๆๆๆๆ
ผมกะมักเฮ็ดกินประจำอยู่ครับ แต่สูตรผมบ่อยากดอกครับ ง่ายนิดเดียว แต่บ่ใส่ข่าเด้ครับ แต่ต้องไปล้างรถก่อน มีเวลาสิมาเล่าสู่ฟังว่าเฮ็ดจังใด๋ครับ
ตามที่พ่อเพิ่นเฮ้ดให้กิน เมนูลาบนี่เพิ่นล่ะขั้นเทพ... คล้ายๆกับของเอื้อยปุ้ย
1. เพิ่นเอาปลาตองมาลอกหนังมันออก แล้วขูดเอาแต่เนื้อมัน สับให้ละเอียดอีกเทื่อ
2. หัวกับหนังและก้าง บ่ถิ่ม ต้มน้ำปลาร้าให้เดือด ใส่ข่าอ่อน ตะไคร้ ทุบๆ พอน้ำเดือดใส่หัว หนัง ก้างลงไป ต้มไปเรื่อยๆ
3. วิธีลวกเนื้อปลา ให้ตักน้ำต้มที่กำลังเดือดๆ สัก 2ทัพพี เทลงในเนื้อปลาที่ขูดไว้ หลังจากนั้นใช้ทัพพี คนๆๆๆ ไปเรื่อยๆ (ขั้นตอนนี้เป็นไฮไลท์เพราะยิ่งคนเร็วๆดนๆ ยิ่งจะทำให้ได้เนื้อปลาหลายขึ้น แต่กะบ่เกิน 1 ใน 3 ) หมั่นเติมน้ำเดือดๆลงไปเรื่อยๆขณะคน จนเหนียว ข้น ได้ที่
4. บีบมะนาวและคนไปอีก ตามด้วย พริกป่น หอมซอย ใบมะกรูดซอย ผักหอมเปซอย ลงไป เติมผงชูรส เพิ่มรสชาติ สุดท้าย ใส่ข้าวคั่ว เพื่อเพิ่มความหอม และเนื้อสิเพิ่มปริมาณอีกนิดหน่อย
ลักษณะลาบปลาตองที่ดี ต้องข้น เหนียว และหอมข้าวคั่ว ประมาณว่า ใช้ข้าวเหนียวตุ้ยกินได้เลย
โอย ... อยากกินหลาย
เว้าไปสิเอาหมากพร้าวมาขายสวนบ่น้อ
ขอบคุณชิงช้าชาลีหลายๆเด้อคับ สำหรับสูตรเด็ดเคล็ดลับ ต้องได้ปฎิบัติตามแน่นอนคับผม:heart::heart:
เว้ามาโลดคับอ้ายหนุ่มห้วยสีทน ถือว่าเป็นวิทยาทานคับ ผู้เฮ็ดบ่เป็นกะหลายอยู่ อาจสิมีวัตถุดิบแต่ว่าบ่รู้วิธีการกะสิพลาดโอกาสได้ลิ้มลองแนวกินแซบๆไปเนาะคับผม
เคยเห็นเพิ่นเฮ็ดสู่กิน แต่บ่เคยลงมือเองครับ.. เพิ่นสิเอาเนื้อปลาตองที่ขูดแล้ว
ลงครกตำจนเหนียว ในขณะที่ตำกะหยอดน้ำอุ่นที่เป็นน้ำต้มปลานั่นหละลงนำ
หยอดไปตำไปจนเหนียวดีได้ที่แล้วกะปรุงรสเอาตามใจชอบ.ปรุงเสร็จสิกินเลย
หรือสิคั่วกะได้ครับแล้วแต่มักแบบได๋.
คนที่เฮ็ดแนวกินเก่งคือบ่าวแหลวแดงคือสิบ่ยากเนาะ..สิถ่ากินนำเด้อมื่อได๋สิเฮ็ด..
กฎการส่งข้อความ
อ้างข้อความนี้
Bookmarks