คนอีสานบ้านเฮา ฮู้จักย่านางมาตั้งแต่หัวท่อโป้มือคับ แต่น้อยคนสิฮู้คุณประโยชน์ของย่านาง ย่านางนั้นใบสามารถนำมาประกอบอาหารได้หลายชนิด ตั้งแต่แกงหน่อไม้ แกงเห็ด ใส่ซุบหน่อไม้ เป็นอาทิ
ใบย่านางมีสรรพคุณในการลดกลินคาว กลิ่นส้มบูดแล้วกะเฮ็ดให้อาหารแซบนัวนำ นอกจากความแซบแล้วใบย่านางยังมี แคลเซี่ยมแล้วกะวิตามินซีสูงที่ลี่ แล้วกะยังมีสารอาหารที่มีประโยชน์อีกหลายอย่างเช่น เหล็ก ฟอสฟอรัส วิตตามินเอ วิตตามินบีหนึ่ง บีสอง แล้วกะเบต้า แคโรทีน ที่ซ่อยต้านอนุมูนอิสระนำ ใบย่านางมีใยอาหารหลายซ่อยให้ระบบขับถ่ายดีมาก แล้วใบย่านางนั้นสามารถนำมาหย่องผสมกับน้ำมวก(น้ำซาวข้าว) สระผม เฮ็ดให้ผมดกดำ เงางาม ลดการขาดหลุดร่วงดีกว่าโดฟอีกคับสิบอกให้ แถมรังแคยังลดลงนำคันใช้ประจำ
ยังคับยังบ่พอ เครือย่านางยังมีประโยชน์อีกหลายอย่าง มีเอาไว้มัดฟืน เอาไว้ไพหญ่า เอาไว้มัดขี้กะบองใต้ ฮึแล้วแต่อยากสิมัดอีหยังกะมัดโลด
ฮาก (บ่แม่นอวกแด๋คับ) ยังมีสรรพคุณในการแก้พิษ แก้ไข้ แก้เมาเกวียน เมารถ เมาเรือ (แต่่ว่าเมาเหล่านี่บ่แน่ใจคับ) แก้โรคหัวใจ แก้ลมวิงเวียนได้นำเด้อคับ คันฮู้จั่ซี้แล้วววว ซิถ้าอีหยังอยู่ละคับพี่น้อง.....ไปเอาส้มผักเสี้ยนมากินทะแม้...
Bookmarks