ธุจ้า...ถึงเอื้อยเมษาจำปามาบอกเรื่องไปเที่ยวปารีสค่ะ แต่คือจะบ่หลายและบ่ละเอือดปานได๋เอาแต่พอฮู้เนาะค่ะ อันแรกกะตู้เฟฟเฟล(Tour Eiffel)สัญลักณ์ของปารีส คันบ่ไปหม่องนี่กะแสดงว่าไปบ่ฮอดปารีสเด้อค่ะอิๆๆ ขอบอกว่าถ้าจะขึ้นไปเบิ่งวิวเมืองปารีส ไห้ไปแต่เช้าเด้อค่ะไปซวยแถวยาวคักเสียเวลาการถ่า(ตอนซวยๆคันจับแถวเหยียดออกตอกันกะประมาณเป็นกิโลพุ้นแหล่วเอื้อยเอ้ย) จากนั่นกะไปลงนั่งเรือชมวิวสองฝั่งแม่น้ำ แต่เอื้อยบ่ต้องย้านเรืองภาษาดอกค่ะเขามีไกด์เป็นเครื่องคือวิทยุหูฟังนี่หละค่ะ มีไห้เลือกหลายภาษาแต่บ่มีภาษาไทยเด้ออันนี่บ่อยากไห้หวังป่านได๋ เอเชียเฮากะเห็นแต่ภาษาจีนกับญี่ปุนค่ะ555 เมื้อนี่พอแคนี่ก่อนเนาะค่ะเดี๋ยวจะไปหาข้อมูลมาเพิ่มไห้อีก....em5:
ขอบคุณจ้า จำปา เม สิจดใว้จ้า :heart:
อยากไปคือกัน จักเปนหยังกับปารีส ตั้งท่าว่าสิไปสองเทือละ ซื้อตั๋วเรียบร้อยเทิงสองเทือ เทือแรกจองตั๋ว จองโรงแรมเรียบร้อย ลูกมาล้มขาหักได้เข้าเฝือกบ่ได้ไปจ้อย เทือสองสิไปกับหมู่ ซื้อตั๋วเรียบร้อยอีกแล้ว กอ่นมื้อสิไปมื้อเดียว พนักงานเครื่องบินฟินแอร์ประทว้งหยุดงานอีก ฮ่าๆๆ จนวาถอดใจแล้ละกับปารีส สงสัยวาสนาบ่อพอ อิอิ ขอไห้เที่ยวมว่นๆๆจ้าพี่เมษา เที่ยวเผื่อแน
แก้ไขครั้งสุดท้ายโดย ข้าวปาด; 03-12-2009 at 07:23.
อยากไปคือกันหล่ะ ปารีส นะ สิมีบุญได้อยู่แถวๆๆ ยุโรป บ่อน้อ ชาตินี้ เที่ยวเพื่อนแน่เด้อจ้า ขอให้ม่วนๆๆเด้อ
ขอแถมจักหน่อยเด้อค่ะเอื้อยเมษา สำหรับตอนที่เทียวอยู่แถวตู้เอฟเฟลมีเรื่องขอเตือนสำหรับนักเทียวไห้ระวังมิฉาชีพหลายคักมีทุกรูปแบบ อย่างเช่น คนขายของที่ระลึกพากันสั่นดังชวดๆยุ (พวกนี่เป็นพวกบ่มีเอกสารที่ถูกต้อง99เปอเซนอ์) เวลาตำรวจมากะพากันแลนหนีไปหาปนยูกับนักท่องเทียว อิๆอิหลีค่ะเห็นกับสองตาของจำปานี่หละค่ะ หรือถ่าเอื้อยอยากได้ของที่ระลึกกะไปหาซื้อตามร้านขายโดยเฉพาะ จะปลอดภัยค่ะอยากได้แนวได๋แบบได๋เลือกได้ตามสบาย ดีบ่ดีได้ของที่ระลึกที่เขียนกำกับว่า เมคอินไทยแลน555 คันอยากเป็นหมูในอวยพวกขายของเล่กะลองไปคุยกับเขาเบิง เขาจะง้อเฮาเวลาอยากได้เงินเฮาหละเอื้อย แต่เวลาตำรวจมากะโตไผโตมันหละตอนหนิ อิๆๆๆ
ไปเทียวต่อค่ะ..คันบ่มักลงเรือทางบกเผิ่นกะมีรถบัสใหญ่ที่พาเทียวเบิ่งตึกลาบ้านช่อง (อันรถเป็นชั้นคือขนมชั้นอุ้ย..มันเกียวกันบ่นิอิๆ)เอื้อยเมษาคือจะคิดออกน้อค่ะ ที่เมืองไทยเฮากะมีแต่บ่หลายคือบ้านเขา แต่จำปาบ่เคยขึ้นดอกค่ะจำปามักหยาง5555 ค่าขึ้นกะเริ่มต้นที่ 15 ยูโร แล้วแต่หม่องค่ะมีหลายหม่องไห้เลือก แต่จำปาบ่เหลือกขึ้นรถค่ะเพราะมักหยาง อิๆๆ เอื้อยมื้อนี่พอก่อนเนาะจำปามีธุระต้องไปเดี๋ยวจะมาพาไปเทียวต่อ......
แก้ไขครั้งสุดท้ายโดย จำปา; 03-12-2009 at 16:22.
Bookmarks