ควายตายแล้ว

[บ่าวกุดชุม]

หลังจากที่ผมได้นำเสนอการไปเลี้ยงควาย กะสิขอแจ้งข่าวร้ายให้พี่น้อง คือควายแม่สาวผมได้จากไปแล้ว
ด้วยความที่ผมใหญ่มากับพ่อแม่เขา ผมกะฮักลูกเขาส่ำเป็นสมาชิกคนหนึ่งในบ้าน เธอก็มาล้มป่วย หายจาก
ผมไปแบบบ่กลับมาอีกแล้ว ชาติหน้ามีจริง ให้เอาได้ร่วมกันอีก สาธุสาธุ


นี่ล่ะอีสาวน้อย ของผม เลี้ยงมากับมือจนใหญ่เป็นสาว

ตกมาวันที่ 5 ตุลา 52 เธอก็มาล้มป่วยลง จนเช้าวันที่ 7 เธอก็จากไปแบบบ่มีวันกลับ ทุกท่านคงสิเคยเสียของฮักไป คงจะเข้าใจผม

เบิ่งแล้วกะเศร้า เห้นแต่บวกควาย บ่มีเธอมานอนอีกแล้ว ฉันยิ่งคิดถึงเธอ ขอให้ดวงวิญญาณของเธอสู่สุขคติเทอญ

เล็กๆๆน้อยๆๆ จากทีมงาน
เรื่องมันเศร้าครับ ฮือๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆ

[เมษา]

หลูตนเนาะอ้าย เมษาแฮงอยากได้มาเลี้ยงจักโตอยู่ แต่บ่มีคนสิเลี้ยงไห่ดอกอยากได้คัก

ตอนเป็นเด็กน้อย ก่ามักเล่นกับควาย ตกควายแขนหัก อีกตะหาก ก่ามีความฮัก ความผูก

พันธ์กันเนาะ บ่เป็นหยังดอกอ้าย มีพบ ก่าต้องมีจากเนาะ เพิ่นไปดีแลวหล่ะ บ่เจ็บ-ปวดแล้ว

[บ่าวต้นฅนมุกดาหาร]

บ่าวต้นขอแสดงความเสียใจ เรื่องควาย นำครับบ่าวกุดชุม เกิด แก่ เจ็บ ตาย เป็นเรื่องที่หลีกหนีบ่พ้นเนาะครับ สิ่งของได๋ที่เฮาได้มา หรือว่าอยู่กับเฮามา กะต้องเกิดความผูกพันเป็นธรรมดาครับ

[nuzing]

ยายหัวแต่ถามอาการแฟนสาวบ่าวกุดอาการดีขึ้นยัง คือสิหว่าแฟนตายน้อบ่าว เศร้านำเด๊ท่าว...เฮ็ดซิ่นหลอดไว้บ่หละเมืออุบลสิไปแหว่ไว้อาลัยนำซั่นดอก

[บ่าวอิสานคนโก้]

ไผบ่อมีกะบ่อฮู้ดอกครับว่ามานเศร้าขนาดได๋กับการจากไปของ สิ่งที่เฮาผูกพันจั่งได๋กะเสียใจนำเด้อครับ

[บ่าวเคน]

หยาดเหงื่อแรงงานจากสัตว์เลี้ยงที่เฮาเลี้ยงมาให่เฮาได่มีข้าวกิน ผมถือว่าเป็นบุญคุณควรระลึกถึงเนาะครับ ขอแสดงความเสียใจกับอ้ายบ่าวเด้อ

[ไผ่หวาน]

เสียใจนำเ้ด้อ บ่าวชาลี ควายเอื้อยตายฮอดให่นำพุ้นแล่ว ความผูกพันธ์มันมีอีหลี
เฮาเคยจูงมันเข้าฮม ตักนำ้ให่มันกิน เกี่ยวหญ้าใ้ห่ มันกะคือคนนึงในบ้านเฮาหละ

[บ่าวจัย]

เสียแล้วเสียไป หาเอาใหม่เด้อบ่าวชาลี ว่าแต่มันมีลูกแนบ่ เลี้ยงลูกมันไปก่อนเด้อครับเคยสูญเสียคือกันเข้าใจครับ

[กำลังใจ]

เสียใจด้วยเด้อ

[bnserver]

ตอนนั้นแมวผมตาย ผมฮ่องให้ หลายมื้ออยู่แหล่วครับ ผมเข้าใจอยู่ครับ ขอแสดงความเสียใจนำครับ